اهم اخبار مصر اليوم الاربعاء الموافق 18 ابريل 2012 الاتى :


انفجار خزان جديد امس بشركة بترول السويس و حالة استنفار للمطافئ و الاهالى

استمرار اعتصام انصار ابو اسماعيل امام لجنة الرئاسة حتى بعد نتيجة رفض الطعن

بعد توقف 15 يوما تم السماح امس للاقباط بزيارة قبر البابا شنودة بالبحيرة

بدء امس محاكمة متهمى احداث بورسعيد بالقاهرة وسط تكثيف امنى و هتاف ألتراس

دفاع بورسعيد يطلب شهادة المشير و وزير الداخلية و مدير مخابرات المدينة

البرلمان يرفض مناقشة قانون تمويل الجرائم الارهابية المقدم من الحكومة




معنا أ/ عبد المنعم عبد المقصود محامي جماعة الإخوان المسلمين تعليقاً عن خروج خيرت الشاطر

في وسط اجواء مشحونة كل الاطراف فيها غضبانة غضب شديد بدأت في اكاديمية الشرطة أول جلسة من جلسات محاكمة 73 متهم فى قضية «مذبحة بورسعيد» بتهم القتل العمد والشروع فيه وحيازة أسلحة بيضاء ومواد مفرقعة وحارقة والإهمال الجسيم والتقصير.. في نفس الوقت اللي اتجمع فيه شباب الالتراس بالالافات برة المحكمة يهتفوا ضد المتهمن وضد النظام السابق وضد حكم العسكر، كانوا أهالي الشهدا بيطالبوا بالقصاص العادل وبحق ولادهم.. وأهالي المتهمين بيطالبوا ببراءة ولادهم اللي اتاخدوا كبش فدا للمتهمين الحقيقيين.. والنيابة بتقرا امر الاحالة والاتهامات.. والمتهمين في القفص بيتهموا النيابة بالظلم.. ومحامين المدعين بالحق المدني بيقدموا طلباتهم ومن ضمنها ضم متهمين جداد وأولهم رئيس المجلس الاعلى للقوات المسلحة.. وهيئة المحكمة بترفع الجلسة مرتين قبل ما تقرر التاجيل لجلسة 5 مايو.

شكررررررررررررررراااااااااااا مشرفنا العام وبارك الله فيك

النهاردة هنعرف مع بعض اهم الاخبار ونحلل معاكم أهم عناوين الصحافة .. المرحلة الانتقالية تم تحديدها بمدة زمنية طالت شوية ،لكن يا ترى ممكن تطول تاني؟ و ليه ؟ و ايه الاسباب ؟ و يا ترى المرحلة الانتقالية هي السبب في اللي احنا فيه و لا السبب حاجة تانية؟ و ممكن تكون المرحلة الانتقالية بداية لمرحلة انتقالية تانية ؟ اسئلة هنعرف الاجابات عنها في فقرتنا الأخيرة بس قبل كل ده ...تعالوا نشوف أهم اخبارنا النهاردة.

خبر معانا النهاردة استبعاد اللجنة العليا القضائية لانتخابات الرئاسة قرارها النهائي باستبعاد العشرة اللي استبعدتهم قبل كده نهائيا وعدم قبول تظلمهم .. المفروض اللجنة هتستعرض أسباب الاستبعاد النهاردة وكمان هتقول ليه رفضت تظلمات المرشحين اللي اتقدموا بطعون على قرارات الاستبعاد .. خلاص انتخابات الرئاسة هتتعمل بوجود 13 مرشح هم القائمة النهائية إلا إذا انسحب مرشح لحساب مرشح تاني .. القرار بتاع اللجنة تسبب في غضب كل انصار المرشحين وتباينت ردود الأفعال ما بين حصار اللجنة العليا للانتخابات الرئاسية من انصار ابواسماعيل والدخول في اشتباكات مش كبيرة مع الشرطة العسكرية .. الشيخ حازم أعلن الدخول في اعتصام مفتوح هو وأنصاره أمام اللجنة .. امبارح ردود الأفعال توالت ما بين جماعة الإخوان والمهندس خيرت الشاطر من المفترض يعمل مؤتمر صحفي النهاردة الساعة 12 ونص الضهر هيشرح فيه حاجات كتير .. خلونا نبدأ عشان نعرف الدنيا هيبقى شكلها ايه قبل ما نناقش ده


معانا الدكتور جمال طه المليسي أمين عام حركة الإخوان المصريين

علي قناة التحرير امس في برنامج عندما ياتي المساء قرأت خبر يهلك من الضحك علي شريط الاخبار بيقول ايه. ان اعضاء لجنة الرئاسه يهربون من الباب الخلفي بعد تأييد استبعاد المرشحين العشره

ما شاء الله مصر كلها اصبح فها 85 مليون محلل ( يا ناس روحوا اشتغلوا اعملوا زى اليابانين عملوا على الانتاج وزيادته واشتغلوا كل يوم ساعتين ببلاش عشان كده متقدمين مش زينا فاتحين مكلمه ) كل اللى خرجوا من سباق الرئاسه لاسباب قانونيه ووالده حازم فعلا امريكيه ورفض حلف اليمين امام هيئه شورى العلماء وشاهدنا مدير حملته يستمر فى الكذب ويقول ان صوره جواز السفر مش للوالده بيكذبوا على مين وهو ده الاسلام امام العالم صورتنا ايه انا حزين والله بدأت بالبلكيمى وهاهو حازم ياريت نقفل المكلمه ونشتغل لمصلحه البلد لك الله يا مصر

غير لطيف من الجميع أن يحصل عملية ترويع للآمنين على العين والراس أن أنصار الشيخ حازم أبو إسماعيل يكونوا مستائين من قرار اللجنة العليا ولكن لو عندكوا ما يثبت العكس أنا معاكوا قلباً وقالباً وأنا مش قادر أفهم ما السر في عدم إظهار المستند الذي يثبت أن والدة أبو إسماعيل تحمل الجنسية الأمريكية وأيضاً على الشيخ حازم تقديم ما يثبت أن والدته لا تحمل الجنسية الأمريكية

اقول لمشرفنا العام واري انه متابع جيد لما يدور من احداث انه في الغالب والله اعلم كما يتراءا لي وقوفا علي الاحداث الحاليه ان شاء الله لن تطول وان طالت مش هتبقي الفتره المقلقه لان المجلس العسكري اكيد واضع امام عينه مصلحت البلد وهو يعلم ان طالت الفتره ستخرج الامور عن نطاق التحكم والسيطره فمش هيدخل
نفسه في مشاكل أكثر ممكن تتصاعد وتتشابك فمن المفروض ان ينهي هذه المرحله وأنا في اعتقادي الشخصي
ان المجلس العسكري زهق ومل ويريد ان يسلمها بدون خسائر اكثر وبدون تورط اكبر من ذلك وأنا عني نفسي بقول للمجلس العسكري حقيقي وليس مجامله بوضع يده علي البلد هذه الفتره بعد عنها كوارث كان ممكن تحصل بصرف النظر
عن احداث بدرت منه لكن الحقيقه الغائبه عن الناس هو مازال امين علي البلد وربما كان يتمني ان تكون السلطه في يده ولكن الواقع يحول بين ذلك فهو اكبر من ان يغرق البلد ويدخلها في متاهات ليس لها آخر واقولها صراحة كتر الف خيره ونتمني له الخير كما تمناه لنا عندما وقف بجانبنا ضد مبارك وهذا رائي فيه ولن اغيره

والله يا مشرفنا الواحد محتار في امر الشيخ حازم هو رجل فاضل ونكن له كل احترام ونلمسه من قريب ودائما بسمع
من اناس كثيرون بحسن اخلاقه ولكن احساسنا بالظلم تجاه هذا الرجل ليس من فراغ

امبارح المجلس الاستشاري كان مجتمع برئاسة الاستاذ سامح عاشور وبحضور اللواء ممدوح شاهين .. المجلس أصر على ضرورة وجود إعلان دستورى مكملا للإعلان الدستوري السابق، و أصدروا بيانًا بهذا الشأن. وأضاف الاستشاري أن المجلس طالب المجلس العسكرى بإصدار إعلان دستورى مكمل لفض الخلاف حول المادة 60 من الاعلان الدستورى وخصوصًا بعد حكم القضاء الإدارى بوقف عمل اللجنه التأسيسية. وأشار المجلس إلي أن اللواء ممدوح شاهين عضو المجلس العسكرى أوضح خلال الإجتماع أن العسكرى يكتفى بالاعلان الدستورى الحالى دون أي تعديلات، وطالب المجلس الاستشارى برفع رأيه إلى المجلس العسكرى للبت فيه.
عشان نعرف تفاصيل أخرى عن اجتماع المجلس الاستشاري امبارح معانا الدكتور عبدالله المغازي عضو المجلس الاستشاري وعضو مجلس الشعب ..

امبارح محكمة جنايات بورسعيد المنعقدة في مقر أكاديمية الشرطة قررت تأجيل جلستها إلى أيام 6 و7 و8 و9 مايو اللي جاي .. خلونا نشوف تقرير وبعديه نعرف تفاصيل أكتر من داخل الجلسة ..

الخبر اللي جاي هو إن عمال مصنع اكسون موبيل مصر لإنتاج الزيوت والمواد البترولية بالمنطقة الصناعية ( ب 4) بمدينة العاشر من رمضان بيواصلوا اعتصامهم لليوم الرابع عشر على التوالي داخل المصنع احتجاجا على تجاهل الادارة المصرية لمطالبهم.

وقال طارق درويش عضو اللجنة النقابية المستقلة بمصنع العاشر من رمضان إن عدد العاملين بشركة اكسون موبيل يبلغون نحو 6 آلاف عامل منهم400 موظف لدي الشركة مباشرا وان الباقي متعاقدون مع شركة خدمات تدعي INTERNATIONAL BUSINESS SERVICES (الخاصة بإلحاق العمالة لصالح شركة اكسون موبيل العالمية) بعقود استخدام غير محددة المدة لكنها محددة بانتهاء المهمة وقال درويش إنهم لا يعرفون ما نوع المهمة المتعاقدين عليها.
الأزمة دي محدش واخد باله منها وللأسف محدش واقف مع العمال دول وعشان كده هيكون معانا عشان نعرف تفاصيل المشكلة بشكل أوضح وحيد حسن أحد المعتصمين بالشركة 01068989168

تعطية ممتازه
شكرااااااااااااا لك

ومن العاشر من رمضان نروح الصعيد .. تصدقوا إن في ناس في مصر بتقبض 50 جنيه في الشهر .. وناس تانية بتشتغل لوجه الله .. الناس دي في الصعيد المنسي .. زمان كان الصعيد منسي من الخدمات دلوئتي ناسه كمان اتنسوا وعليه العوض في محافظات بحالها ناسها حالهم لا يسر عدو ولا حبيب ..

بخصوص أحوال المصريين في اليونان وتحديداً حول إعتباراتهم عن قرارات لجنة الإنتخابات الرئاسية وإستبعادها للعشر مستبعدين التي رفضت قرارتهم
إنطباع جيد للجالية المصرية على أنه سيكون هناك إنتخابات للرئاسة لكنهم يتسئلون اللجنة التي ستشكل لوضع الدستور هل أخذت رأي الجاليات الموجدة خارج مصر؟ هل سيتم إستشارتهم في عملية وضع الدستور؟ لماذا يتم تجاهل المصريين في الخارج ما دام لهم حق المشاركة في الإنتخابات البرلمانية أو الرئاسية ويطالبون بأن يشاركون في وضع الدستور من خلال إتحادات الجاليات الموجودة في الخارج

يا خبر من غير فلوس في لسه ناس بتقبض 50 جنيه في الشهر أهو عشان يعرف المشير اد ايه المصري متهان وعلي راي المثل اللي ملحق يغتني في عصر السادات عصر الانفتاح عمره ما هيغتني