قام مجموعة من النشطاء السياسين اليوم بنشر عدة تهديدات على موقع التواصل الاجتماعى الفيس بوك بعمل محاولة لاقتحام منزل المشير حسين طنطاوى رئيس المجلس الاعلى للقوات المسلحة فقد جاء البيان المنشور على صفحة الغضب الثانية بهذا الامر لكى يتم الافراج الفورى عن كافة المعتقلين السياسين فى السجون الحربية على حسب قولهم وقد اشارت البيان بأنه كما تم الوعد باغلاق كوبرى اكتوبر وهذا ما تم امس سنقوم بمحاولة الاقتحام حتى يتم تنفيذ المطالب

واليكم نص البيان
: زى ما وعدنا قفلنا كوبرى 6اكتوبر امبارح والنهاردة كان اكبر اختبار لكل اللى فكر ان الاخوان ممكن يتحدوا الثورة ولكنهم بغبائهم فشلوا مع انه كان من الممكن يضحكوا على ناس كتير ويعتصموا ولو ليوم واحد ولكن غبائهم سبقهم ورحلوا عن ميدان الشهداء وكعادتهم "ثورة ثورة حتى العصر" فقط هم عملوا تعطيل لاغلب الناس عن التحرك ولكن الحمدلله ربنا فضحهم امام الجميع ولن يصدقهم احد بعد اليوم .

اما بالنسبة للموجة الثانية للثورة واللى هيستكملها ثوار مصر كعادتهم قررنا الاتى : هنروح بيت طنطاوى حلمية الزيتون ولكن اولا وقبل كل شئ الحرب خدعة وعدوك المفروض ميعرفش انت هاتروح امتى وتعمل ايه ؟ اكيد هنروح نهتف سلمية !! واكيد اننا عارفين المنطقة محصنة وكمان الخطة مش هاتبقى معلنة وكل كلمة بنكتبها لها معنى عندالثوار على الارض.

بمعنى اننا كتبنا المسيرة رقم واحد فى طلعت حرب وكان اتجاة السيرمفاجأة وقفلنا كويرى 6اكتوبر ..المرة دى الاعلان هيخص كل واحد من الثوار ساكن قريب من الاماكن دى..جسر السويس وكوبرى القبة وحمامات القبة وحدائق الزيتون وحلمية الزيتون.

وعلى جميع الثوار اللى ساكنين قريب من الاماكن دى الاستعداد والتجهيز للتوجة لمقر بيت رئيس المجلس الاعلى للقوات المسلحة ..مبدئيا مش هانقدر نتكلم اكثر من كدة واخر كلمة استعدوا لساعة الصفر وكمان بيت طنطاوى معروف للكل .

ولو طنطاوى ما افرجشى عن كل الناشطين السياسين والـ 1400 مصرى من شباب الثورة المحبوسين فى السجون الحربية والمشددة الحراسة خلال 24ساعة هنبدأ التحرك .

هبل بهبل بهبل
انا متاكد الناس دي مش من الثوار
وانما اشخاص عايزين يسؤ لسمعه ثوار مصر

اية هو مصدر الخبر .. علشان نقراه ونتاكد... ماهو ممكن اى حد يكتب اى كلام على الفيس بوك ولا يصح نسبة الى نشطاء ..لتشوية صورتهم

دا كلام هلوسه واحد سكران باين عليه

عيب يا ناس البيوت حرمات
لو عايزين تعرفوا قيمة الرجل ده ادخلوا علي موقع اجتماعات الحكومة وشوفوا المعارضة اللي كان عاملها لبلطجية الحكومة

يقربوا جنب بيت طنطاوى ويشوفوا بقى حا يحصل لهم ايه

اتقوا شر الحليم اذا غضب

لما اسرائيل تهجم علينا سيادتكم بقى اللى حا تحاربوها ؟

شكرررررررررررااااااااا جميل

اولا المصدر غير معروف ومفيش احد هايسمح باى تهديد مهما كان ولو فكرو انهم قدرو يقفلو كوبرى اكتوبر يبقو اغبياء اوى ومفكرين ان الجيش سكت لهم او قدرو يضغطو لية اية العالم الساذجة الغبية دى هما فاكرين مصر دى عزبة ابوهم ولا علشان الشعب سكت لهم مرة يبقى خلاص فوقو بقى كفاكم كذبا ونفاقا وتخريبا فى مصر فانتم اقذر من الاخوان انفسهم

ماهوه فاضل طنطاوى تحاربوه فى مسكنه --انتوا عايزين تخربوا مصر وبيوت مصر --طنطاوى اخر ركيزه بعد الله ترتكز عليها ارض مصر بما عليها ومن فيها---هتودوا مصر والعرب بداهيه -والله انا شامه ريحه فلسطين وحماس

اعتقد ان هذا الخبر هو ضمن تشويه الثوره واسقاطها

لا يعقل ان نصل الى هذا الحد من التفكير الغبي

في معالجه الآمور

قله عقل . تهاجموا بيته وعياله ليه ؟ ربنا يستر عالبلد

مبارك ترك ميراث ثقيل من الفقر والجهل والاكثر جيل لا يحترم الكبير

اعتقد ان حكومة طرة مازالت تتحكم فى مصر
وتخازل القضاء والحكومة والمجلس العسكرى فى اصدار احكام عليها وحبس مبارك فى مستشفى السجن الحربى زاد من اشتعال الموقف
ادعوا القضاء والحكومة والمجلس العسكرى الى النظر لمصلحة مصر اولا قبل مصلحة حكومة مزرعة طره الفاسده وعند ذلك سيهدأ الثوار

بيقولك الحرب خدعة
وبعدين كاتب كل حاجة بالتفصيل (ماعدا بس هيروحوا الساعة كام)
لأ ناصح أوى


قال رسول الله صلى الله عليه وسلم:
(يأتي زمان علي أمتي يحبون خمس و ينسون خمس ...
يحبون الدنيا و ينسون الآخرة
يحبون المال و ينسون الحساب
يحبون المخلوق و ينسون الخالق
يحبون القصورو ينسون القبور
يحبون المعصية و ينسون التوبة
فإن كان الأمر كذلك
ابتلاهم الله بالغلاء و الوباء و موت الفجأة و جور الحكام.)

فأرجو أن نعالج الأول (السبب) حتى يزول (المرض)