أكد مسئول الأمن فى مطار القاهرة الدولى أن ماذكره السفير السعودى من ضبط أقراص مخدرة مع أحمد الجيزاوى هو أمر عار تماما من الصحة مؤكدا ان الجيزاوى غادر هو وزوجته السيدة شاهندة فتحى قد غادرا من مطار القاهرة الدولى إلى طائرتهما دون أدنى مشكلة مع أمن المطار وقد تعرضا مثلهم مثل كل الركاب لإجراءات التفتيش المتبعة فى المطار ولم يتم العثور معهم على أى مواد مخدرة ولا أى ممنوعات وأكد أن إجراءات التأمين بالمطار تمكنت خلال الفترة الاخيرة من إحباط أكثر من محاولة تهريب أقراص مخدرة الى مختلف الدول وليس السعودية فقط وتم إحالة المهربين إلى النيابة

نرد رد علمى و عملى فى نفس الوقت على التوضيح الممل الاتى و استحملونى شوية :
اولا: البيه السفير بيقرر 21 الف قرص مخدر ( او بمعنى محطوط فى جدول مخدراتهم السعودى ) هما حرين فى جدولهم .. المهم للمرة الثانية 21 الف قرص ..
ثانيا : قرر انهم مخبأين فى عبوات ( لبن جهينة ) بمعنى انها عبوات كرتونية مش كده و الا ايه ؟؟؟؟
ثالثا: و ده الادهى فى الموضوع .. حانفترض صحة الكلام .. بمعنى 21 الف قرص وزن الواحد حوالى ( 2 جرام تقريبا و الكلام ده من صيدلى صديق لان القرص المشار اليه وزنه الفعلى 2 و سبعة من عشرة جرام ) لا خليها جرامين و نصف .. يبقى اجمالى وزن الكمية 52 كيلو جرام و 200 جرام صافى ......
رابعا : من البند ثالثا نضيف وزن العلب الكرتونية و لو فرضنا ان العبوة الواحده ( كيلو لبن جهينة على حد اقوالهم تبقى الكراتين اللازمة للتعبئة حوالى 53 علبة و لو العبوة 2 كيلو يبقوا 27 علية .....
خامسا :المساحة المطلوبة للمثال الاول 53 علبة كيلو .. شنطة مساحتها ثلاثة امتار فى مترين الا ربع ( و هذا المقاس لم يخترع فى الشنط حتى يومنا هذا ) ... و لو فرضنا الثانية 27 علبة نفس المساحة ؟؟؟؟؟؟
سادسا : بفرض صحة السابق كله .. فرضا يبقى الوزن بدون المتعلقات الخاصة بالمصرى المظلوم الملفقة اليه التهمة حوالى اكثر من 50 كيلو جرام ؟؟؟ فين هدوم الراجل و زوجته و لبس الاحرام و غيره .. و المسموح قانونا بشركات الطيران مجانا للوزن ( للفرد الواحد 20 كيلو فقط ثم يحاسب على الوزن الزائد ؟؟ فهل تم المحاسبة داخل مصر قبل المغادرة ؟؟؟؟؟؟
سابعا :كل اللى فات حصل ( فرضا ايضا ) طيب فين لجنة الفحص بالاشعة تحت الحمراء على جميع حقائب المغادرين و الذى عمم بجميع مطارات العالم ( و دخلت مصر فيه منذ ثلاثة اعوام تقريبا ) ؟؟؟؟؟
ثامنا : علب اللبن اللى بيقولوا انها مضبوطة بداخلها الاقراص ؟؟ امتى الراجل الغلبان فرغها و لحمها و ملاها بالاقراص و خلى مظهرها يخدع الاخرين .. ده لازم بقى يبقى ( مهرب محترف و مسجل لدى مكتب المكافحة بمصر 100 مرة ) ؟؟؟؟؟؟
تاسعا : من الذى سيسمح بصالة المغادرة بمطار القاهرة بالخروج بمثل ( هذه الكمية من علب = الالبان = على حد قولهم ) بدون ما يرتاب فيها ؟؟؟؟
مش عايز اطول لانى لو الامر بيدى لارسلت قوة رغما عن ال سعود جميعا مهما كانوا و احضروا اخونا احمد من هناك مهما كلف ذلك من امور و لو ايش بالذى .... لان الذى قررته بالتفصيل الممل ( و فيه بلاوى تانية كثيرة ) يخرجه زى الشعرة من ال( عجينة ) اللى خبزها البهوات السعوديون الافاقين بغباء واضح و باين لطفل صغير فى كى جى وان .. مش كده و الا ايه ؟؟؟؟؟؟
اسف للاطالة لكن من يرى الظلم و يسكت شيطان اخرس .. لما نشوف بلدنا ( الحرة ) حاتتعامل مع الامور ازاى ؟؟؟؟؟

أكد مسئول الأمن فى مطار القاهرة الدولى أن ماذكره السفير السعودى من ضبط أقراص مخدرة مع أحمد الجيزاوى هو أمر عار تماما من الصحة مؤكدا ان الجيزاوى غادر هو وزوجته السيدة شاهندة فتحى قد غادرا من مطار القاهرة الدولى إلى طائرتهما دون أدنى مشكلة مع أمن المطار وقد تعرضا مثلهم مثل كل الركاب لإجراءات التفتيش المتبعة فى المطار ولم يتم العثور معهم على أى مواد مخدرة ولا أى ممنوعات وأكد أن إجراءات التأمين بالمطار تمكنت خلال الفترة الاخيرة من إحباط أكثر من محاولة تهريب أقراص مخدرة الى مختلف الدول وليس السعودية فقط وتم إحالة المهربين إلى النيابة

شوفتي يا جده مش كلامي كان صح اهو المطار نفسه بيؤكد عدم حوزته علي مخدرات ربنا ينتقم منك يا جنزوري انت والحكومه الفاشله والله الشعب ليه حق يتظاهر هو الثوار ضد السفير السعودي اذا مكنش الشعب كله وحازم
ابو اسماعيل هو وحزبه الجديد يقفوا ضد هذا التعسف الجائر من الحكومات الفاسده مش هنسكت ابدا .. المفروض
الحكومه تصدر اوامر بتغير النظام البائد الفلولي اللي موجود في سفارتنا بالسعوديه ويعينوا بنآدمين حريصين
علي شبابنا وليسوا مستفدين حسبي الله ونعم الوكيل في المسئولين

يارب يفك كربه وينجيه من بين انيابهم ويرجعه مصر بالسلامة

المفروض الشعب ينهي هذه المهازل بيده ولا ننتظر الحكومه المتواطئه الفاشله في حماية ابنائنا في السعوديه بالذات كام مره اتسببت في اذي للمصرين ولا ننسي موضوع الدكاتره اللي انجلدوا واتحبسوا عندهم في ظل المخلوع لابد الشعب ان يضع حلا لاجرام السعودين ويحاسبوا السفاره المصريه المنافقه الكاذبه ربنا ينتقم من كل ظالم... بيدنا لابد ان نغير ولا ننتظر احد

طول ما احنا بنطاطي لهؤلاء المجرمين يا كوثر هيفضلوا بهذا الاسلوب الرخيص مع المصريين ومش هنعرف نأخذ حق ولا باطل معهم

يا رب فك كرب اخينا احمد الجيزاوي هو وكل مصري مظلوم في السعودية واي بلد آخر آمين يا رب العالمين اللهم استجب

الفضائح والمؤمرات ضد الشعب من الحكومه والمسئولين بقت علي عينك يا تاجر واضحه مثل الشمس علي ايه نسكت بقي

اولا انا حاسس انة بريئ ولكن اريد ان اضيف ان الوزن المسموح بية 50 كيلوا الان وليس 20 كيلوا
ولية ميكونش القضية ملفقة لة من عندنا من المطار؟؟ مثلا يعنى

صحيح مطار القاهره الدولي مايكشف عن الحقائب اثناء المغادرة

انا سافرت عدت مرات من مطار القاهر ولم يتم تفتيشي الا مره واحده فقط اثناء وصولي الى مطار القاهره


#السعودية ماتفتري على احد مالها اي مصلحه في هذه القضية سواء تطبيق شرع الله .


ياعالم اصحوا :

[1]. مطار القاهر يكذب الادعاءات السعودية.
[2]. وقوف ضعاف النفوس من الاعلام مع القضية.
[3]. التهديدات والوعود وكأنهم هم أصحاب فضل على السعودية.
[4]. اعتراف الجيزاوي بالجريمة التي ارتكبها بدون أي ضغوطات من السلطات السعودية.


ياأخواننا في مصر نحن نحترمكم ونحبكم ونخاف على مصلحتكم , هناك يد مجوسيه مسرطنه تريد زعزعت الامن بين البلدين . وإثارت الفتن.

(( الفتنه نائمه لعن الله من ايقضها ))

هناك من يشتعل في قلبه نار الحقد بسبب علاقة البلدين الوطيده .

أخواني إنني ناصحٌ لكم قبل فوات الاوان لايجب التدليس والتستر والدفاع عن اي مجرم كان

سعودي او مصري اياكانت جنسيته



أخوكم في الله "نواف"

هى شركة مصر للطيران كرماء لدرجة انهم يعدوه بالشنط و الاقراص المخدرة بالمجان هههههه