السلام عليكم ورحمة الله وبركاته

بدون مقدمات

هدخل في الموضوع على طول انا جاتني فكرة اني اعمل موضوع شيف المنتدى
وطبعا مادم نجوم اف ام منتديات التميز فهي تنفرد بهذه الفكرة

لانها فكرة جديدة
ويارب تعجبكم
بقى
انا عارفة قدمت رغم انيي قلت بدون مقدمات

الفكرة عبارة على اننا هناخد كل 3 ايام
عضو من اعضاء نوماف ام الحلوين

ونختارو يطبخلنا بقى اكل
لمدة 3 ايام

واي حاجة يطلبها الاعضاء حتى لو كان في اسئلة خاصة بالاكل والطبخ بقى هنسالهالو

بس ياريت يعرف يرد عليها

والاكلارت بقى هتكون بالصور وطريقة عملها

علشان نعرف اذا كان شاطر ولالالا

وبعد مرور 9 ايام

يعني 3 اعضاء هنعمل استفتاء احسن شيف بين التلاتة دول

ومين الي اكلو كان جميل وفادنا اكتر

وطبعا انتو الي هتصوتو عليه

ياريت اكون وضحت الفكرة

وعجبتكم

المهم

النهاردة بقى معانا

اول شيف هيشرفنا الموضوع
ويدوقنا اكلو

بس لو عايزين تعرفو مين شيفنا النهاردة انزلو تحت
*
*
*
*
*
*
*
*
*
*
*
*
معانا النهاردة الشطورة

hebaahmed

معلش يا حبيبتي انا عارفة انك شطورة في الطبخ

فحبينا ندوق اكل ايديكي الحلوين

ربنا معاكي بقى

ومش تنسي وانتي بتطبخي تجيبلنا صور الاكلة

ووانتو يا حلوين يلا اطلبو الي انتو عايزينو

شيفنا هبة
هتاكلكم من ايديها

يانهار الوان يعنى هطبخ فى البيت
والمنتدى كمان والاكل داة بلوشى بقى ولا اية
ماشى ياحنان تدبسينى كدة
ليكى يوم

وانا اول واحدة هتطليب منك يا هبة

انا بحب الحمام المحشي قوي المصري طبعا هههههههههههههههه

فانا عايزة اتعلم ازاي اعملو ياريت الوصفة :d
والطريقة كمان :d

وعلشان خطيبي بيموت في البط عايزاكي تعلمينني اكلة اعملها بالبط اصل بصراحة معندناش بط في لمغرب بيتاكل ومالككيش لازم انجح في امتحان البط الي عملهولي هههههههههههههههههههههههههههه

فكرة حلوة جدا
هفكر اكل ايه وابقى اقولكم

كل واحد طلب واحد بس ياست حنون
يعنى يابط ياحمام
وعموما البط زى الفراخ مفيهاش اختراع يعنى
وربنا يستر
عندك انبوبة بتوجاز وفرن ولا عشتغل من عندى كمان

ههههههههههههههههههههههههههههههههههه

يعني اطبخ البط زي الفراخ طيب اوك

نجيبلك انبوبة مش تزعلي هههههههههههههههههههههههههههههه

جت على الانبوبة يعني ههههههههههههههههههههههههه

والحمام المحشي مش وريتيني :d

ههههههههههههههههههههههههههههههه
الفكرة والله جامدة جدا
تسلم ايدك
بس ليا طلب ياريت لما تختاروا شيف ميكونش من الولاد
لانهم اكيد اكيد يعني فاشلين في الطبخ

وبما ان انهاردة هبه معانا
يعني هناكل اكل تمام وربنا يستر علينا بقي
اولا انا عاوز الفرخى بتاعتي
ثانيا عاوز اكل مكرونة بالبشاميل
وصينية بطاطس
و محشي
وياريت بقي طريقة عمل البيض

ههههههههههههههههههههههههههههههههههههه

وختامها مسك بتطلب بيض في الاخر يا خوفي لتقراها بالمقلوب وتخلصلك على البيض بس ههههههههههههههههههههههههههههههههههه

هههههههههههههههههههههههه
تبقي تعملها بقي انا ليا عندها فرخة
والله لفضح الدنيا واقول الفرخة بتاعت اخر الجلسة
هههههههههههههههههههههههههههههههه
ومتنسسيش المكرونة والبطاطس والمحشي
كدة كويس
علشان تقراها مرتين
واحدة ببيض والتانية من غير بيض
وربنا يستر برضو

ههههههههههههههههههههههههههههههه

اهم حاجة الفرخة ال بيض ال هههههههههههههههههههههههههههههه

فرخة الجلسة انتو بترشو في المحكمة بفراخ ههههههههههههههههههههههههههههههههههههه

ولا هي اكلة جديدة اسمها فرخة الجلسة :d

بصى ياحنون
انتى هتجيبى الحمام وتنظفية طويس اوك
وبعد كدة هتجهزى الحشو اذا كان رز او فريك
هتجيبى بصلة وتقطعيها وتحطي عليها ملح وفلفل
وتسبية شوية وبعد كدة تحطى علية الرز اوالفريك
وتقطعى كبد واوانص علية اوك كدة اة وتحطى حبة سمنة او زيت
زى ماتحبى
وبعد كدة تحشى الحمام بالخلطة دى ومن تحت الجلد تحشية كويس
وتخيطية وتفلى الفتحات الى فية كويس نسلق الحمام في الماء المغلي والمضاف اليه بصلة متوسطة صحيحه
وحبهان (هيل)ثم بعد شويه نهدي النار ونضع فص مستكة ويترك حوالي
ساعة وفي نصف وقت النضج نضع قليل من الملح معه
وبعد كدة تشيلية وتحمرية كويس فى الزيت لحد مايحمر



وابقى دوقينى بقى

هههههههههههههههه

موضوع جميل جدا
بس انا بقى مش معاكم خالص
انا اخري اطلب اكل منكم لكن اعمل استحاله
انا فاااااااااااااااااااااااااااااشله جدا في المطبخ


اعمليلي يا هبه يا قمر
اممممممممم

كباب حله
وفراخ مشويه على الفحم

يانهار بامبى
كل داة ياجدعان كل واحد طلب واحد
انا كدة هفلس من كتر الطلبات البلوشى دى
وبعدين فرخة اية دى الى جبتهالى انا
اخدت منك حاجة ( كدة بردو يامحمد هتفضحنى )
انا اخدت فرخة دنا حتى مش بحبهم هههههههههههههههههههههههههه
وبتبيض كمان دى الفراخ بتولد ههههههههههههههههههههههههههه
هههههههههههههههههه

ههههههههههههههههههههههههههه
اية ياجدعان انتم محرومين ولا اية
كل دى طلبات
يااااااااااااااااارب

اخيرا اخيييييرا عرفت ازاي بتعملوه بس دة لذيذ بشكل بجد بقى صراحة احلى اكلة في مصر بحبها

ميررررررررررررررررررررررررررررسي يا قمري وانا اكيد لما هعملو هدوقك منو :d

طباخ السم بيدوقو هههههههههههههههههههههههههههههه


انا بهزر معاكي يا قمري اوع تزعلي :d

بس بجد تسلم ايديكي

بصي الاكل الي خلصتيه النهاردة اوك والي مش خلص كمليه بكرة براحتك يا جميل انتي عندك 3 ايام هههههههههههههههههههههههههه

ان شاء الله يا حبيبتي اطلبي اطلبي لو مش بتعرفي تطبخي هتتعلمي ان شاء الله ههههههههههههههههههههههههههههههههههههه

اومال اللعبة دي ليه ماهو علشان نتعلم ونعلم ه:d

الفراخ بتولد
ايه دا
دا مش موضوع عن الاكل بس
دا كمان فيه معلومات مهمه

تصدقي من كام يوم كان في فرخه جايبه توام
هههههههههه

المكرونة بالبشاميل لمحمد باشااا
المقادير المطلوبة

مكرونة مسلوقة..صلصة الباشميل..لحمة مفرومة معصجة..جبنة موزوريلا مبشورة


الان لعمل اللحمة بستخدم..بصلة مفرومة..لحمة مفرومة...بندورة مفرومة ..فصين ثوم مدقوقين و صلصة طماطم


طريقة عمل اللحمة..

بنحمي الزيت عالنار ثم نضيف البصل المفروم و نقلب قليلا الى ان يذبل


نضع اللحمة فوقه و نقلب جيدا


تترك الى ان يتغير لونها الى اللون البني نضيف الثوم و نقلب


ثم البندرة و تقلب جيد


ثم نضيف الصلصة


و تترك على النار الى ان تتسبك و تصبح جاهزة



لعمل البشاميل نحتاج الى:
كوب طحين تقريبا 7 ملاعق كبيرة..ليتر من الحليب اي تقريبا اربع اكواب..مكعبين ماجي و زبدة..ملح و فلفل اسود و اوريجانو


نضيف الطحين مع الحليب عالبارد


يوضع على النار و نحركهم بالمضرب السلك الى ان يذوب الطحين تماما و يختفي


بعد ان يسخن بقليل نضيف الماجي و الملح و الفلفل الاسود و الاوريجانو و طبعا ما بنتركها ابدا نستمر بالتحريك حتى ما تتكتل



نضيف الزبدة

و نستمر بالتحريك الى ان يطخن قوام البشاميل



ترفع من على النار


نضع المكرونة المسلوقة في طبق عميق او قدر و نضيف فوقها نصف كمية البشاميل



نقلب المكرونة مع البشاميل جيدا حتى يمتزجو و ممكن اضافة القليل من الجبنة معها



نحضر صينية الفرن ندهنا بقليل من الزبدة و نغطي قاع الصينية و الحواف بالبقسمات



نضيف طبقة من المكرونة



ثم نفرد فوقها اللحمة



ثم طبقة المكرونة



و نغطيها تماما



ثم باقي صلصة البشاميل هكذا



نوزع الجبنة المبشورة فوقها




ندخلها فرن ساخن لمدة نصف ساعة او اكتر الى ان تتحمر الاطراف



نفتح الشواية و نحمر الوجه



نتركها تبرد شوي قبل التقطيع





تصدق انا جعت ياسلالالالالالالام
اتفضل ياسى محمد قطعتلك حتة اهى

اة ياسجدة اومال هنا اصل المعلومات
وهنعلمك كل حاجة وربنا يستر على
الى هياكلوا من ايدك
ههههههههههههههههههههههههههههه

امممممم شكلها يجننن جوعتيني ههههههههههههههههههههه

كباب الحلة
لسجد العسل

- يقطع اللحم مكعبات صغيرة أو كبيرة حسب رغبتك.
2- يفرم البصل والثوم فرما خشنا


الطبخ:

1- يشوح البصل لمدة دقيقة ثم يضاف له اللحم ويقلب حتى يتغير لون اللحم إلى الون الغامق ثم تقلل النار تحته
2- يضاف للحم نصف كوب ماء كل فترة حتى لا ينشف اللحم.
3- عندما يبدأ اللحم في تمام النضج يضاف له التوابل كلها ويترك حتى يكتمل نضجه.
4- بعد إغلاق النار من تحته توضع ملعقة سمن كبيرة في طبق صغير من الألومنيوم ويوضع عليها قطعة فحم مشتعل ويوضع الطبق بسرعة على اللحم في الحلة وتغطى الحلة لمدة 10 دقائق ثم يغرف اللحم ساخنا.




وبالهنا والشفا ياقمر

هههههههههه

دا لو دخلت المطبخ
ايام الكوليرا هترجع مصر تاني

دا انا جوعت خالص
ايه الاكل الجميل دا تسلم ايدك

ونكمل بكرة بقية الطلبات
شطببببببببببببببببببببببببببنااااااااااااااااااااا
هههههههههههههههههههههه

الله
شكله حلو اوي

تسلم ايدك

بس انتو كدا بتعزبوني
بتوروني الاكل الجميل من غير ما ادوق

وادى عصاير عشان بس تعرفوا ان الخدمة عندنا حلوة
ودى مجانية لكل الزوار

لا ازاى دوقى يابنتى انتى مكسوفة
داة كلام بردو ههههههههههههههههههههه
انا هموت من الجوع بس مستنية اتسحر
جعانة موت فى اصوات غريبة من بطنى
ههههههههههههههههههههه
انا حاسة انها شوية وهتطلع تدينى قلمين من شدة الجوع
هههههههههههههههههه

ههههههههههههههههههههههههههههههههههههههههههه

بتدطردينا من المطبخ واللقمة واقفة في زورنا هههههههههههههههههههههههه

بس الاكل جااااااااااامد دانتي طلعتي اوربة يابنتي


طب خدي اتسحري من هنا :d

انتم معجبكمش الاكل ولا اية
ولا صايمين
ههههههههههههههههههههههه

ههههههههههههه
حته فكرة من الاخر
انا نفسى
هبه تعملى محشى ورق عنب
ونفسى اشرب عصير مانجه
وطبعا مش عايزة اعرف ازاى اطبخ
عشان انا لو اتعلمت ودخلت المطبخ
هاكل الاكل كله
عشان كدة فى معروف عندنا
ممنوع دخول سيموووووووووووووو المطبح
ههههههههههههههههه
فكرة تحفه يا حنان يا قمرررررررررررررررررررررر