السلام عليكم
بصفتي دارس لعلم النفس بالحكرتة كدا و بكتر التعامل مع البشر حيث اني اعمل في خدمة العملاء في مؤسسة من اكبر المؤسسات الي في مصر وبتعامل يوميا مع مالا يقل عن 150 شخص كحد ادنى
وبصفتي دارس للعلوم السياسية و جزء من دراستي كان نظرية المؤامرة و كمان التفاوض الدولي و دور علم النفس فيها .
وبما اني بتعامل مع خريجين اداب علم نفس و خدمة اجتماعية
اعتقد كدا كفاية اوي في النفخ في نفسي و اظن الرسالة وصلت اني مليش زي في علم النفس مع اني مدرستوش :d بس اخدته بالفهلوة كدا
اقدر اقولكم ان علم النفس ممكن يحل مشاكل بلاد و في نفس الوقت ممكن يعقد بلاد .
انت ممكن بكلمة تحل مشكلة مكنش ليها حل
ممكن بكلمة تفتح يوم واحد مهموم او ممكن تقفل يوم واحد مبسوط
انت ممكن تنجح في حياتك بمعرفتك لنفسك و ايه جوانب قوتها و ضعفها وممكن تفشل لا قدر الله .
انت ممكن تقنع حد بفكرة او بطلب اذا عرفت مفتاح نفسيته وممكن تنفره من الفكرة حتى لو كانت مبهرة .
النصابين بيعتمدوا على علم النفس في النصب على الناس .
الكدابين نفس الشئ
اللصقة السحرية بنفس الطريقة :d
الخلاصة يعني :
علم النفس شئ مهم جدا في حياتنا بس احنا مش واخدين بالنا .
علم النفس في التنمية البشرية هو الاساس الاسيس في النجاح .
والي اهم من دا كله الدين الاسلامي وتأثيرة النفسي الايجابي على اي انسان عاقل وازاي بيسموا بيه من الحضيض للسما بس لو قدر يفهم المعاني كويس بقلبه وعقله .
وشكرا
