سلاام عليكم


اولا انا معجبه جدا بكوووووووووول الاعضاء هنا فالموقع الجميل دا


وبجد بقعد اقرأ كل ردودكم واسئلتكم و اسلوبكم الجميل فالحوار


وعشان كده فكرت انى اشارك معاكم فكلامكو وتفيدونى بافكاركم وارائكم اللى دايما بتعجبنى كلها


المهم انا مش هاطول عليكو اوى انا بس هاحكى موضوعى وخلاص


انا بنوته سغيره فالكليه رايحه تانيه ولحد دلوقتى مش عارفه يعنى ايه حب ولا اتعلقت بأى ولد يمكن اكون اعجبت


بس بصراحه انا كنت فأول الكليه رقيقه وبسدأ كل كلمه تتقاللى


والحمد لله دلوقتى اتغيرت 360 درجه


واصبح عندى المتهم مدان حتى تثبت براءتوه


الاهم من كدا كله انى بقيت طبعا بشك فكل حاجه وخايفه انى لو قابلت الحب اللى بجد فحياتى اشك


فيه هوا كمان وبكده هاكون ضيعت احلى حاجه فحياتى ممكن تكون وكده هاحقق المثل اللى بيقول



وجنت براكش على نفسها


ومش عارفه اعمل ايه عايزه بجد مساعدتكو


يعنى لو ولد جه لبنت مش بتثق فحد زيي كده وقالها انو معجب بيها وبيحبها بجد تعمل ايه عشان تشيل


الشك دا من حواليه وتطمن ليه وانو مش بيخدعها



بلييييز ياجماعه محتاجه بجد اعرف ردكو على موضوعى دا وميرسى اوى لكل اللى هايفتح موضوعى


ويقرأه حتى لو مادانيش رأيه

سهله



اقرب طريق لنقطتين الخط المستقيم


بتحبني وبحبك وبنحب بعض

يبقى ادخل البيت من بابه ده الصح واللي لازم يحصل

يعني لو بيحب يبقى اكيد مش عايز ياذيكي ومش عايز يضرك

وعلشان ميضركيش يبقى يدخل صح

انت ليكي اهل وليكي بيت وناس يتكلم معاهم


واللي ميرضهوش على اخته ميرضهوش عليكي


لو جيه قالك غير كده يبقى ميستاهلش انك تفكري في كلامه حتى

لو قالك لسه قدامي ولسه ولسه وهعمل

خلاص اتفضل اعمل وكون نفسك

وانت لو من نصيبه هيكون باذن الله

ولو حسيتي من نحيته حاجه

يبقى قوليله اانا هحاول استناك

بس مش اكيد علشان مظلمكش لان لو ربنا كاتب شئ غير اننا لبعض يبقى مكنش وعدتك وخلفت وعدي


شوفتي الحل سهل ازاي


لا يصح الا الصحيح

والحق حق ان يتبع


ولا ايه يا فندم

تقبلي مروري



هاكونا ماتاتا

ميرسى اوى لردك الجميل دا بجد وبصراحه كده جبت الكلام من الاخر


بس عايزه اقولك انى الحمد لله ماشيه بالطريقه دى فحياتى وكل مره بكتشف ان كله كدب وخداع من اولها



وعشان كده الحمد لله مابرتبطشى بحد :d

عندى تعقيب صغير انت بتقول انو لو بيحبنى ماشى بس انا ازاى هاحبه كده من الاول ممكن تقول انى مستريحاله والحب دا بييجى بعدين بأه لما اتطمن ليه واكلمه كده يعنى لكن انا بقولك انى شكاكه جامد يعنى من اول الموضوع هاشك اصلا فيه ومش هادى نفسى فرصه انى احبه عشان مانجرحشى فالاخر

عندى تعقيب صغير انت بتقول انو لو بيحبنى ماشى بس انا ازاى هاحبه كده من الاول ممكن تقول انى مستريحاله والحب دا بييجى بعدين بأه لما اتطمن ليه واكلمه كده يعنى لكن انا بقولك انى شكاكه جامد يعنى من اول الموضوع هاشك اصلا فيه ومش هادى نفسى فرصه انى احبه عشان مانجرحشى فالاخر

هتشكي لما يتقدم بردوو


يابنتي افهميني

انت لو شوفتي حد وعجبك شخصيته

وهو بيتكلم بجد


يبقى اتفضل تعالى البيت وكلم اهلي

واللي فيه الخير يقدمه ربنا


ليكي حق تشكي وتخافي وتقلقي

كل شئ بقى بيقلق

وكتير شباب بتضحك\على بنات

وخير وسيله لحفظ النفس

والطمئنينه هي الطريق السليم

انا مع etch evil فى كل اللى قاله
عايزة تعرفى مصدقيتة قوليله انت بتحبنى وانا مستريحالك يبقى تيجى من الباب وتتقدم لاهلى
لو عمل بقى حركات مش هى اعرفى انة ناوى يتسلى وابعدى عنة
لو جة فعلا اتقدم يبقى مفيش داعى للشك لانة هيكون واضح وقتها انة ناوى خير
وفى فترة الخطوبة ان شاء الله تحبية اكتر وتعرفوا بعض اكتر
اومال هى فترة الخطوبة اتعملت لية
بس للاسف كتير استبدلوا فترة الخطوبة بالمشى فى الشوارع والقعاد ع الكافتيرات
ويقولوا اية بنعرف بعض اكتر
لا طبعا دة كلام غلط
وربنا يوفقك واهم حاجة خدى بالك من شباب الجامعة دول معظمهم بيكونوا عايزين يتسلوا
معظمهم مش كلهم علشان مظلمش حد

و الله خير الكلام كلام etch evil

هو لو انسان كويس و محترم و شاريكي اكيد هيحترم ردك
بذهابه لاهلك

و لو مش كويس و نيته غير كده

يبقي احمدي ربنا علي احترامك لنفسك اولا

ميرسى بجد etch evil


كلامك صحيح وحتى لو خطبنى هافضل اشك فيه فعلا ولا يصح غير الصحيح انت عندك حق بس اللى بيحصل اليومين دول


يشد فشعره دا بسمع بلااااااااوى على اصحابى وقصص ولا فالاحلام

dOOOdy alex


ميرسى بجد بس حابه اوضح ليكى حاجه ان فيه ناس بيروحو فعلا يتقدمو وبيبأه كل شئ رسمى فعلا وشويه والحكايه تتبأه وحشه اوى ويبان فالاخر انو بيتسلى بردو وحصلت ادامى الحكايه دى



jaida



كلامك تمام واهم حاجه انى احس بإحترامى لنفسى قبل اى شئ

مرحله الجامعه اهم مرحله فى حياه الشاب ا و الفتاه
فالشخص يجد نفسه امام كتيبه من البشر لابد وان يتعامل معهم ويندمج ويتفاعل
تاتى لحظات اعجاب وانبهار
لا يأبه العقل وينجرف ويتسرع لدقات قلبه الباحث عن الحب والحنان
تفشل العلاقه وتولد علاقه اخر
وفى نهايه كل علاقه الانسان منا ياخذ تجارب مفيده بعدم التسرع على ما يضعه فى قلبه بالنسبه لهذا الانسان
اهو حب اهو اعجاب اهو انبهار
صدقونى اهم شئ هو احترام الشخص للطرف الاخر وعدم الاشهار به
والدخول من الابواب اهم الف مره من الدخول من النوافذ المفتوحه بفعل الرياح العاتيه

مرحله الجامعه اهم مرحله فى حياه الشاب ا و الفتاه
فالشخص يجد نفسه امام كتيبه من البشر لابد وان يتعامل معهم ويندمج ويتفاعل
تاتى لحظات اعجاب وانبهار
لا يأبه العقل وينجرف ويتسرع لدقات قلبه الباحث عن الحب والحنان
تفشل العلاقه وتولد علاقه اخر
وفى نهايه كل علاقه الانسان منا ياخذ تجارب مفيده بعدم التسرع على ما يضعه فى قلبه بالنسبه لهذا الانسان
اهو حب اهو اعجاب اهو انبهار
صدقونى اهم شئ هو احترام الشخص للطرف الاخر وعدم الاشهار به
والدخول من الابواب اهم الف مره من الدخول من النوافذ المفتوحه بفعل الرياح العاتيه

ايه ياجماعه دا بسم الله ماشاء الله ايه العقل دا كله بس بجد كلامكو حلو وهوا الصح

ميرسى ليك يايسرى وفعلا هم حاجه عدم الاشهار بالشخص التانى عشان كده قمة قلة الزوق وبيكون غلط فتركيبة الانسان من جواه

سورى سامح