فوقوا {كلمات نادر الأسيوطي}
يا اللي صبحتُم غنم
يتساقوا بإشاعة
شوفوا دا اللي ظلم
اتعامل بوداعه
شوفوا بقيت الأمم
نصبت مشانقها
ثوارها صبحُم حِمَم
بركان ف دي الساعة
وأنتم صحاب الكرم
دا للسماحة أصول
عديتوا كل الشِيَم
الذل مش مقبول
قانونكوا عاف وانعدم
صبح من الموروث
الحُر فيكوا انكتم
خلي الفساد كالغول
دا اللي بإيديكوا حَلَم
ينهض ويرفعكوا
سبتوا عليه الرمم
تاكله وتبلعكوا
عامله عليكم بُرم
والظلم مش معقول
صِرتُوا بِسْكُوتكم خَدَم
للقهر رجعكوا
فوقوا يا أهل الهمم
الدنيا بصَّالكوا
زيلوا بإديكوا الغُمَم
وانقذوا وطنكوا
ارفعوا للمجد العلم
وانقذوا الثورة
تِموا بإيديكوا النِعَم
ما في حد يرحمكوا
كلمات نادر الأسيوطي

تعبيرات كلماتك جميله وواضحه وتتجه الي قلب ميدان التحرير معقل الثوار