شاهد لقاء احمد شفيق مع توفيق عكاشة الاثنين 11-6-2-2012
حيث يلتقى اليوم فى تمام الساعة العاشرة والنصف الفريق أحمد شفيق المرشح لرئاسة الجمهورية فى جولة الاعادة بين الدكتور محمد مرسي مع الاعلامى توفيق عكاشة فى برنامج مصر اليوم على قناة الفراعين .



ويعد هذا اللقاء هو اللقاء الثانى الذى يجمع الفريق شفيق مع توفيق عكاشة حيث جمعهم لقاء سابق فى وقت قريب .

وسيقم الفريق أحمد شفيق بشرح كثير من المواقف والقضايا الهامة والرد على الاتهامات التى توجه الية وخاصة فى الفترة السابقة .

شاهد على الفريق أحمد شفيق مع توفيق عكاشة مباشرة
بث خاص لمنتديات نجوم مصرية

http://ar./kareem2010128

يتواجد الان الفريق أحمد شفيق داخل قناة الفراعين وسيتم اللقاء معه عقب الاخبار

يا رب سقف الاستديو يقع عليهم هما الاتنين وتبئا مصر استريحت والبشرية كلها استريحت

نهار غباء بس اكيد الاتنين هيفهموا بعض من نفس النوع

ثانكس

ربتا يهديكوم واتقو الله هويعنى شفيق عايز ايه غير الاصلاح وكله 4 سنين ونجرب يعنى هى املة دى املة للاخوان منهم لله

ياربى على اللى بيحصل فينا , للدرجه دى مش قادرين نطهر بلدنا ...

وما النصر إلا من عند الله فاتقوا الله .

أكيد عايز الصالح للبلد وأحنا حنجرب وعمومآ أحسن من الأخوان بكتير

أحمد شفيق وتوفيق عكاشة قاعدين على المسطبة

الله يرحم الشهداء اللي اتاحو لك الفرصه للجلوس مع مرشح لرئاسة الجمهوريه يا عكاشه يا رويبضة
قبل الثورة اللي هيه خساره في امثالك كان اخرك تبوس ايد وزير الاعلام يا منافق .
الله يرحم الشهداء الف رحمه

توفيق عكاشة لـ شفيق يشاهدنا الأن 150 مليون مصرى

انا عن نفسى مش هتفرج ع البرنامج ده ولا عمرى هفكر انى اتفرج عليه علشان عايز أفضل سليم وميجليش حاااجة

يعنى لقاء محمد مرسى مع عمرو الليثى لقاء ناس عاقلة
ولا لقاء مجانين عل الفراعين؟؟

توفيق بيقول لشفيق يا ريس هاااااااااااااااااااار اسود

بيتكلموا ع المصطبة زي ما تيفة بيقول

توفيق بيقول لشفيق فاصل ونرجع تاني
شفيق قال له ليه هو احنا لسا هنرجع تاني الساعه 2 هههههههههه
شفيق زهق من اللت والعجن الفارغ بتاع توفيق وميعرفش ان توفيق فاضي وبيسهر للصبح
و فاشل والقناه بتاعته فاشله زيه

انت بتجيبي الصور دي من فين بالسرعه دي يا ايتن

عادي حضرتك كلة موجود

كفايه لحسن نصاب بجلطه
عكاشه مش هينفعنا بحاجه

عمرو الليثي نجح مرسي بحوارة البناء توفيق عكاشة سقط احمد شفيق بحوارة الهدام
شفيق انهزم يا رجالة

الله يخرب بيتك يا عكاشة ضيعت الراجل انت فعلا مينفعش مذيع ابدااااااااااااااااااا انت اخرك تقعد على الترعة

مش شايفين انكوا اغبية اوى عايزين مين غير شفيق عايزين مرسي؟ عايزين تضربوا بالجزم تانى مانتم اتعودتوا على ضرب الجزم 30 سنة من مبارك واعوانوا ادمنتوا الاهانة والقهر والظلم انا من مؤيدين شفيق بس بتمنى مرسى ياخدها علشان يربيكوا ويعلمكوا الادب فعلا جاتكوا الهم ناس اغبية بترددوا ذى البغبغانات وبس انما تفكروا لأ ما يصحش اذا كان شفيق فلول علشان اشتغل فى عهد مبارك وزير او دخل حرب مع حسنى او رئيس وزراء طب ما الاخوانجية كانوا بيبوسوا الايدين وفى مجلس الشعب كتف بكتف مع الحزب الوطنى يعنى هما ابو وام الفلول ربنا يجبلكوا مرسى علشان تعيشوا طول عمركوا كدا !!!!!! الهم لا اعتراض

يا ريت المشرفين يحذفوا الردود اللي فيها اساءة لحد

أنا عاجبني اوي العكش وهو بيقول الناس عايزة تطمن إن حضرتك زي حالاتنا يعني بتقعد على المسطبة مع إن القاعدة شكلها قاعدة بكابورتات