السلام عليكم ورحمة الله وبركاته

رمضان مبارك عليكم اعضاء وزوار نجوم مصرية

النهاردة ان شاء الله هقولكم كل المعلومات عن راديو شاك واعتقد غنية عن التعريف

الموضوع هيتقسم لكذا جزء ... أى استفسار عن أى حاجة انا تحت أمركم

تابعوا مواضيعي لاني هضع بإذن الله موضوع شاااااامل للعمل في فودافون ( حبيبتي ^__^ ) او اتصالات ( موبينيل لا :P ) و Teleperformance وغيرهم كتير

المهم ندخل في الموضوع

أولاً : طريقة التقديم في راديو شاك

http://www.radioshackegypt.com/career.php


ثانياً : مكان الانترفيو

79 شارع مصدق امام سيتى بنك


ثالثاً : التفاصيل

1- هيكلمك حد من الإتش أر أستاذة شيرين أو أو
2- في الغالب لازم يكون نطقك في الانجليش كويس يعني خد بالك من الـ B و الـ P والفرق بين الـ Z و Th و S الخ الخ

الانترفيو بيكون عربي على انجليزي ( انت متدرب كويس على الانجليش يبقى جالك عربي قشطة مجاش يبقى انت برده تمام التمام )

والاسئلة بتكون العادية زى أى إنترفيو ::: ( زى )

عرف نفسك ؟
ليه عاوز تشتغل في راديو شاك ؟

شايف نفسك إيه بعد 3 سنين ولا 5 سنين ؟
اشتغلت فين قبل كدة وايه خبراتك وليه سبت شغلك ؟

في امتحات IQ ممكن يكون في ساعتها أو يحددولك معاد تانى ( اطمن مش بيكون صعب وانا هحط نماذج لامتحانات الـ IQ مش بتخرج منها اى انترفيو إن شاء الله.

وبيكون مع الامتحان سكند انترفيو بالانجليش.

وربنا يوفقكم بإذن الله

ممكن حد يقولى ايه الاسئله الى بتيجى فى امتحان الاى كيو ياريت حد يرد عليه