تعلموا طريقة عمل السوبيا
فى شهر رمضان الكريم تكثر فيه المشروبات المثلجة والتى تطفىء ظمأ الصائمين وخصوصاً فى فترة الصيف ومن اشهر المشروبات فى شهر رمضان التمر هندى والكركديه ومشروب التانج بنكهة البرتقال واليوسفى والخروب والعرقسوس والسوبيا وهنا اليوم سوف أعرض عليكم ابسط الطرق لعمل السوبيا فى المنزل فى خلال دقائق معدوة
المقادير
لكل 2 كوب حليب سائل
1 كوب ماء
2\1 كوب سكر أو حسب الذوق
ملعقة كبيرة من روح جوز الهند أو نكهات مختلفة مثل روح اللوز أو روح الموز وهو سائل معبأ فى زجاجات صغيرة ويباع في محلات بيع لوازم الحلويات او عند العطار
الطريقة الأولى والأسهل
يخلط الحليب مع الماء والسكر بالخلاط
ثم يضاف إليهم روح جوز الهند أو روح اللوز أو الموز ويقلب بالملعقة
ويقدم بارد أومثلج
الطريقة التانية ومحتاجة حرفية
المقادير
نصف كوب لبن نيدو ( بدون ماء من العلبة على طول )+نصف كوب نشا +كيلو سكر +2 ظرف فانيليا +1/2 كيلو لبن سائل يعنى كوبيتين بس كبار +نقطة واحدة روح جوز الهند او حسب الطعم لان فى ما بيكونش نوعه كويس+20 كوب ماء ( دة لو حتعملى كمية كبيرة - قللى المقادير حسب أحتياجك )
الطربقة
هاتى اناء كبير نعمل فيه السوبياوضعى فيه السكر وبودرة النيدو والفانيليا وافضلى اخلطيهم بمعلقة اوبعصاية كويس قوى قوى على الناشف (ودى اهم خطوة فى الموضوع كله لمدة 1/4 ساعة ما تقلش ابدا ) ثم أضربيهم فى الكبة وضعى الحليب السائل ونقطة ريحة جوز الهند وقلبى كويس قوى لمدة 5 دقائق ضيفى الماء كله واخلطى كله مع بعض كويس بالتقليب برضه و بالهنا والشفا
ملحوظة
ريحة جوز الهند عبارة عن زجاجة صغيرة بتتباع فى السوبر ماركت او محلات الجملة وسعرها 1.50 بس ممكن وضع كمية مناسبة للاستخدام فى زجاجة فى الثلاجة والباقى حطية فى اكياس نايلون فى الفريزر واسحبى منهم سواء فى رمضان اوالايام العادية وطعمها هو هو كانها لسة معمولة
وبالهنا والشفا
