في موقف غريب قام احد الشباب مساء اليوم بالتواجد داخل احدى السيارات المخصصة للسيدات في المترو والتي يمنع ركوب الرجال بها فهي موفرة من اجل النساء منعا لاي شئ من تحرشات او مضايقات او خلافة قد تصيب اي فتاة او سيدة بالاضافة لتيسير الطريق على السيدات كبار السن ولكن في هذا الفيديو يتضح وجود شاب في عربة المترو الخاصة بالسيدات ولا يوجد سواه وكل من بالعربة سيدات وقامت احدى الفتيات المتواجدة بالمترو وتدعى شيرين بدر بتصويرة وهو واقف بالمترو واثناء تعديه على فتاة اعترضت على وجودة داخل العربة لانها عربة للسيدات فقط فقام هذا الشاب بالاعتداء عليها وهو مايتضح في هذا الفيديو

فما كان من السيدات الا ان قاموا بتنظيم وقفة احتجاجية داخل محطة مترو السادات منددين بالموقف ومطالبين بعدم ركوب الرجال معهم في عربات السيدات

راجل نسوانجى واقف وسط الستات .. ياريت بس ال حريم دى تنزل للعربية اللى وراهم بيكون فيها رجاله يندهولهم ييجو يضربوا الحيوانات اللى زى دول .

نسوانجي ايه وكلام فاضي ايه بس, البنت غلطت اكتر من الولد 100 مرة
طبعا هو غلطان انه ركب العربية لكنه مش بلطجي ولا نسوانجي, الفكرة انه استسهل ركوب العربية مع واحدة من اهله (تقريبا والدته) اللي كانت بتدافع عنه بدل مايسيبها لوحدها وزي مانا شايف اذا كانت عربية السيدات مليانة بالشكل ده فالطبيعي ان العربيات التانية كانت ازحم بكتير فهو استسهل ركوب العربية وده طبعا غلط لكنه مش داخل عشان يتحرش ولا داخل عشان يبلطج ولا هو نسوانجي

وانا الصراحة لو انا غلطت الغلطة دي بدون قصد ولقيت بنت بتقولي الكلمتين دول هامسح بكرامتها الارض مش هاكتفي برمي الموبايل علي الارض (بالمناسبة هو ماضربهاش في الفيديو لكنه خبط الموبايل او ايديها الماسكة الموبايل وده طبيعي لاني استحالة اسيب واحدة عمالة تصورني ظلم واتفرج عليها),

كان ممكن بكل ذوق تقوله العربية دي ماينفعش تركبها يروح هو نازل المحظة اللي بعدها ولو مانزلش يبقي ليها حق تقوم عليه الدنيا
-------
الحقائق انقلبت والناس فاكرة ان اي حاجة بقت هي الصح, دلوقتي واحدة ولا واحد يطلع يقول اني بدافع عنه والكلام الفاضي ده, لكن اللي عاوز اقوله ان اللي عاوز يتحرش ماكنش هيدخل عربية حريم, وان رجالة الشعب المصري لما بيشوفوا واحدة واقفة في عربية مشتركة مش بيقولولها روحي اركبي العربية التانية لكن بيقومولها ويقعدوها مكانهم

نسوانجي ايه وكلام فاضي ايه بس, البنت غلطت اكتر من الولد 100 مرة
طبعا هو غلطان انه ركب العربية لكنه مش بلطجي ولا نسوانجي, الفكرة انه استسهل ركوب العربية مع واحدة من اهله (تقريبا والدته) اللي كانت بتدافع عنه بدل مايسيبها لوحدها وزي مانا شايف اذا كانت عربية السيدات مليانة بالشكل ده فالطبيعي ان العربيات التانية كانت ازحم بكتير فهو استسهل ركوب العربية وده طبعا غلط لكنه مش داخل عشان يتحرش ولا داخل عشان يبلطج ولا هو نسوانجي

وانا الصراحة لو انا غلطت الغلطة دي بدون قصد ولقيت بنت بتقولي الكلمتين دول هامسح بكرامتها الارض مش هاكتفي برمي الموبايل علي الارض (بالمناسبة هو ماضربهاش في الفيديو لكنه خبط الموبايل او ايديها الماسكة الموبايل وده طبيعي لاني استحالة اسيب واحدة عمالة تصورني ظلم واتفرج عليها),

كان ممكن بكل ذوق تقوله العربية دي ماينفعش تركبها يروح هو نازل المحظة اللي بعدها ولو مانزلش يبقي ليها حق تقوم عليه الدنيا
-------
الحقائق انقلبت والناس فاكرة ان اي حاجة بقت هي الصح, دلوقتي واحدة ولا واحد يطلع يقول اني بدافع عنه والكلام الفاضي ده, لكن اللي عاوز اقوله ان اللي عاوز يتحرش ماكنش هيدخل عربية حريم, وان رجالة الشعب المصري لما بيشوفوا واحدة واقفة في عربية مشتركة مش بيقولولها روحي اركبي العربية التانية لكن بيقومولها ويقعدوها مكانهم

عندك حق لو فعلاً راكب مع والدته بس أكيد إنتا غلطان لإنهم مش ممكن يهاجموه كدة لو كانت والدته فعلاً . دى ست من عموم الشعب العاطفى بتدافع عنه على حساب الحق وخلاص .

الواد مغلطش يا جماعة , هوا ركب مع حد من قرايبه وتقريبا دي أول مرة يركب المترو أصلاً

حرام عليكو و الله . وبعدين دي قعدت تشتم فيه وهوا محترم مبيردش عليها الا اما امه اتكلمت هيا الأول

مع الأسف الشعب ده شعب ما يعلم بيه إلا ربنا الزبالة فى كل مكان وقلت الأدب طغت على الشعب ده ولا يوجد أى شىء أدمى فى هذه الدولة من أول العربيات الملاكى للمكروباص لحد المترو وناس تحس أنها متنبلة وده لفظ مؤدب مش عايز أقول لفظ تانى, عربات مخصصة للسيدات فى المترو وتشوف سيدات راكبة عربة الرجال وأيام الثورة الرجال كانت بتركب عربة السيدات أصبحنا كالأنعام بل أضل أصبحت خايف على بنتى اللى سنها عام ونص تتعدى من الشعب ده وأصبحت أتمنى الهجرة فى بلد يكون فيها بني أدمين

اعتقدان الست اللى كانت بتدافع عنه وقامت شتمت البنت وقالتلها دا انتى قليلة الادب ... اعتقد انها والدتة ... واعتقدان الولد شخصيتة ضعيفة وابن امة .لانها صاحبة قرار اقحام ابنها في عربة الحريم وهو لا حول له ولا قوة ودا واضح من ملامحة في الفيديو. انا بحلل الشخصيات بس ...

اولا الام اكيد هى اللى طلبت من الابن انة يركب معاها في الحريم ... والواد ... حاضر ياماما

البنت .. قالتلة انزل من فضلك دى عربية حريم ... امة ردت وقالتها طبعا وانت مالك وخليكى في حالك

وتطور الموضوع .. والواد ساكت وهس .. الا لما ماما قامت زعقت فساعتها اخد الاشارة وراح ماسك الموبايل من البنت

حتى تسمعو واحدة بتقول هاتى الموبايل منه .. لكن هو ما ضربهاش .. هو شد الموبايل


الولد غلط لانة ماعندوش شخصية وتافه وماشي دلدول في رجل امة .. كان اولى بيه ياخدو تاكسي ولو معهوش ينتظر لما مترو فاضي يجى ويركبو في عربية فيها اسر

الست غلطانة لانها بتشجع على الغلط .. ومش عارفة اللى يصح واللى ما يصحش وسحبة ابنها زي النعجة في ديلها وهتسببلة في مشاكل كتير سواء في حياتة او حتى جوة بيتة مع اسرتة " ازاى يبقي راجل ويدخل يزاحم في النسوان ... وازاى ما يفرضشي راية ويقلها ما يصحشي يا ماماى اقعد في وسط سوسو وزىزى كدة الناس مش هيميزونى منهم . ههههههههههههه ويبقي راجل كدة ويتصرف في توصيل امة من غير ما يغرض تفسة ووالدتة لمواقف زى دى انما واضح ان مامتة ربتة على انها هى اللى تمشية .. يمين وشمال"

البنت غلطت .. لانها كان يكفي انها تطلب الامن .. من غير شتايم .. لان كان ممكن اى واحد في موقف زى دا كان ضربها .. وهى بنت ما يصحش تعمل فتوة ... خلص الكلام

السفالة الحقيقية الان بقت في البنات والنسوان لانه بكل بجاحة بتبقى عربة السيدات تقريبا فاضية وتسيبها وتيجي تركب العربة المشتركة وهي لوحدها وليس معها احد طيب لما نشوف كدة مع ان العربة المشتركة زحمة بالله عليكم وعليها نقول ايه عليها ارحمونا يانسوان ويابنات انتو عايزين ماما سوزان تاني ولااية كفايا كدة المحترمة محترمة من بيتها والسافلة سافلة لو مين هيه اللي ربتها

هههههههههههههههههههههههه

تبقى فضحتو بجلااااااااااجل ههههههههههه فكرتني بالست الي كانت في الكبير اوي بتاعت

فيرجينيا جميلة الجميلات أرملة و جاية في اي مصلحة :d نفس اسلوبها !

ويعني بصوتها العالي واسلوبها المهذب ده ولا طريقتها دي ممكن حد يقرب منها اساسا !

دي قرف ! وبعدين الولد لا هو خايف ولا قلب امه ! ولا حاجة هو ساكت وبيضحك هيعمل ايه مع حد بيئة !

بس بتهيقلي لو هو ووالدته كانوا ناحية الرجالة مدام مامته كبيرة يعني هتبقى افضل من ان هو يكون عند البنات م !

هوانا معرفش النظام في الميترو والمواصلات في مصر بصراحة معرفش بيكون في ناس يعني تخلي الست تقعد وكده ولا لأ ...

بس ماهو كان واقف في حاله معملش حاجة مديكوا ضهره ! ولو كان عمل كل الي موجودين مش هيرحمه اصلا !

الست اللى بتصور دى شكلها كده عايزه بس خايفه منه
هههههههههه

خلونا نفكر بشكل منطقى وعاقل (من خلال ما رأيناه فى الفيديو )هو ممكن يكون عمل كده ليه

لو كانت امه معاه وامه ملهاش فى ركوب المترو وكمان المترو زحمة فقام فكر علشان امه انه يركب عربة السيدات معاها

مشكلته انه كان فاكر ان اللى راكبين فى العربة كلهم ستات بجد ما يعرفش ان فيهم ستات من اللى بيعذبوا بهم الكفار (أعوذ بالله)

اللهم احفظ مصر وشرفاء مصر واهدنا الى ما فيه الخير لنا

هو مصر فيها ستات الصنف دة مش موجود عندنا

اتقوا الله وقولوا كلمة الحق عربات السيدات بتبقى فاضيه وعربات الرجال زحمه ومع ذلك تشوف بنات وسيدات بمفردهم غاويين يدخلوا يزنقوا فى وسط الرجاله وانا شوفت الموضوع ده كتير وطبعا ماتقدرش تتتكلم لو اكلمت حتلاقى الفلافسه والمضيبضيه والحنينين كتير علشان عيون البنات واه لو لمست عصب عنك واحده ماتشوفش الشمس ويبقى يوم اسود احنا شعب همجى بربر فوضوى والمهم ان مفيش حد فاهم حاجه بس الموضوع ان الشعب اخذ قرص وحبة الشجاعه