بعد كثرة الشكوك الاخيرة اللتى انتشرت على مواقع الانترنت ووسائل الاعلام المختلفة عن مرتكبى احداث رفح على الحدود الاسرائيلية المصرية واللتى ادت الى استشهاد 16 جنديا مصريا نشر موقع اليوم السابع معلومات جديدة عن مرتكبى الحادث حيث كان من ضمن منفذى العملية شخصان مصريان و4 فلسطينين التابعين لجماعة جيش الاسلام حيث رصدت جهزة الاستخبارات المصرية والإسرائيلية قبل 24 ساعة من عملية الصفر فى أحد منازل قادة جماعة جيش الإسلام برفح الفلسطينية لتحديد نقطة الصفر والتى تم تحديدها خلال الاجتماع فى 6.51 دقيقة يوم الأحد لتنفيذ العملية والتى تمت بالفعل فى الموعد المحدد من قبل عناصر جيش الإسلام وكان سبب تلك العملية هو أخذا بثار القيادى زهير القيصى الذى لقى مصرعه صائما

كلام فااااااااااااااااااارغ

تعالو نوزن بدماغنا الجمل اللى في الخبر كدة .

الخبر بيقول ان المخابرات المصرية كانت على علم بالاحداث قبل وقوعها ب 24 ساعه ... ههههههههههههههههههه .. وعارفين ساعه الصفر . وطبعا كانو عارفين مين عناصرها وعارفين مخططهم اية " اللى خلاهم يعرفو ساعه الصفر .. يبقي اكيد عارفين التفاصيل كاملة "... طيب وما اتحركوش لية ؟

طب وما اعلنوش كدة لية في وقتها وانتشر ان حماس هى اللى ورا الموضوع ؟

ثانيا بيقوك ان العملية كانت لاخذ بثار القيادى زهير .. اللى اصلا اسرائيل هى اللى اغتالتة .. مش مصر ... طب دا كلام يا رجالة ؟

ثانيا مين المصدر الامني اللى قالت المعلومات الخطيرة دى للجريدة ...لان بيقع عليه المسئولية ويجب ان يحاسب ... لانة عرف نقطة الصفر وعرف ان فية عملية هتتم على ارض مصر ولم يحرك ساكنا .. فيجب ان يقال هذا المصدر من منصبة كما تم اقالة رؤساؤه



الخبر بالكامل من جريدة اليوم السابع يمكن قرائته من هنا

http://www1.youm7.com/News.asp?NewsID=754937&SecID=12


وملخصة بيقولك ان فية واحد اسمة زهير القيسي ودا كان أمين عام ألوية الناصر صلاح الدين، .. كان اسير في اسرائيل وتم استبدالة بجلعاد شاليط وقامت اسرائيل اغتالتة ... فقوم اية ... ههههههههههه ... بدل ما ينتقمو من اسرائيل انتقمو من مصر .. علشان مصر ما اجبرتش اسرائيل على الحفاظ على حياة الاسري .. لا واية اللى انتقمو لمقتلة جماعه تانية خالص اسمها جيش الاسلام ودى مالهاش اصلا اى علاقة بالوية صلاح الدين اللى كان زهير امينها ...
.......................................


احب اضيف تعليقات لبعض الاخوة من جريدة اليوم السابع نفسها .. عجبنى تعليقهم ...بيقولو ...

*الخبر فيه كتير من الاخطاء
اول اسمه الشهيد زهير القيسي " وليس القيصي" وهو ليس اسير محرر ...
وتانيا الوية الناصر صلاح الدين هي تنظيم وسطي وليس سلفي جهادي وهوا ليس تنظيم متطرف.

التقرير يدل على عجز الاجهزة المصرية وتخطبها في معرفة الحقيقة للاسف.

**مع احترامي لتقديراتك الا انا هناك اخطاء فادحة جدا تم ارتكابها وهى من اهم ما تم تركيب هذا المقال عليه وهى على النحو انك اعتقدتي ان العملية تمت انتقاما لاغتيال زهير القيسي الامين العام للجان المقاومة الذي تحرر فى صفقة شاليط التي رعتها مصر وعملت على انجاحها وتكفلت بأن اسرائيل لن تتعرض لاي من الاسرى المفرج عنهم وقد فعلت العكس واستهدفت القيسي ولكن الذي لاتعلميه يا سيدتي الفاضلة انى القيسي لم يكن معتقل ولم يحرر فى صفقة شاليط اطلااقا وهو استلم الامانة العامة للجان المقاومة بعد اغتيال كمال النيرب الامين العام السابق للجان المقاومة وهذا امر تعرفه القيادة المصرية جيدا كون القيسي كان دائم الحضور لجلسات الحوار المصرية الفلسطسنية ؟؟ ثانيا جيش الاسلام منذ اكثر من ستة شهور تم انهائه بالكامل وتم حله نهائيا وهذا ايضا المخابرات المصرية على علم به هى وحركة حماس هذا للعلم فارجو منك سيدتى الفاضلة تحري الدقة جيداا قبل الاتهامات والتحليلات التى لا تخدم سواا ؟؟؟؟

***يا إخوان ده كلام فارغ وكله مش متركب على بعض أصلا !! الوية الناصر صلاح الدين خط مختلف تماما عن خط جيش الاسلام وتنظيم جيش الاسلام شوية سفهاء مأجورين يعملون بالأجر كمرتزقة اما الالوية فوضع متخلف تماما ،، وبعدين هو جيش الاسلام حينتقم للقيسي ليه ؟؟ القيسي امين عام الالوية وملوش علاقة ابدا بجيش الاسلام يعني ربط الموضوع ببعض مهزلة ...وبعدين بالاول قالوا منفذين العملية مجموعة مسلحين من 30 واحد ودلوقتي بيقلك الستة اللي سلمتهم اسرائيل لمصر هما بس اللي عملوها !! ولا ده لانهم ما مسكوش حد تاني يعني ؟؟ ثم سبحان الله الجثث كلها سلمتها اسرائيل متفحمة ومش واضحة المعالم الا هدوم واحد مكتوب عليها صنع في فلسطين !! دي المسخرة بحد ذاتها لان كل الحاجات والملابس العسكرية مستوردة من الصين يعني اصلا مفيش خياطة في غزة من الملابس الصاعقة والحاجات دي .. اتقوا ربنا وكفاية تقولوا غزة .. حماس اصلا لو تعرف ان اللي عملها من غزة حتقطعوا الف حتة لان عملية زي دي ضد مصالح حماس وحكمها وهي مش ممكن تتخلى عن الحكم عشان شوية ارهابين كلاب .. يا جماعة اقسم لكم واحنا في شهر رمضان غزة بريئة من المؤامرة والجريمة دي .. وغزة صغيرة جدا وكل شيء فيها بيتفضح بسرعة ..يعني لو حد اختفى او انفقدت اثاره كان بان على طول وانتشر الامر..مفيش مفقودين مفيش ناس مش باينة يعني الامور مختلفة عما يشاع .. حكموا العقول بجاه النبي ..ولو اهل غزة عرفوا واحد بس من المجرمين صدقوني حيتقطع وحيتسلم لمصر مش خوف من المعبر والكلام الفارغ ..لكن لاننا عارفين يعني ايه فقدان الابن وخسارة الاب وعارفين يعني ايه اليتم والشهداء والحزن عليهم .. احنا اكتر ناس عارفة قيمة الموت يا جماعة .. خلونا اخوة وافهموا الحقيقة وما تظلموش ..وربنا ينصر كل شرفاء مصر على المؤامرات والخونة

واحب اذكر الناس انة الى الان ماحصلشي اى تحقيق من اى نوع لمعرفة هوية مرتكبين الواقعه ولا عندنا معلومات حقيقية جادة عن العملية ولا اسبابها

كلامك مقنع يا هارون وبتحاولى تهربى من خسارة الرهان بس عندى كام سؤال مهم عما يحدث

اولا: منين جت الأسلحة اللى مع المتطرفين دول وكيف دخلت مصر وما هى المنافذ؟

ثانيا: هل السلطة الفلسطينية لديها رقابة على الأنفاق وسيطرة على مجريات الأمور لديها؟

ثالثا: هل تخلو الشعوب من بعض الجهلة او المتطرفين فلماذا نفتح لهم الطريق لافساد امن الوطن والتلاعب بالسلطات؟

رابعا: هل خدمة الشعب الفلسطينى تكون بتهريب أسلحة عبر منافذ لا تخضع للرقابة او السيطرة سواء من السلطات المصرية او الفلسطينية وتكون نتيجتها كثرة الميليشيات المسلحة والصدام بين الفلسطينيين وبعضهم؟

خامسا هل المهم فقط جنسية من نفذ العمليات الاجرامية ولا الأهم ايقاف تكرار ذلك واخذ الاحتياطات والتدابير اللازمة؟

اللهم احفظ مصر وشرفاء مصر واهدنا لما فيه الخير لنا

كلامك مقنع يا هارون وبتحاولى تهربى من خسارة الرهان بس عندى كام سؤال مهم عما يحدث

اولا: منين جت الأسلحة اللى مع المتطرفين دول وكيف دخلت مصر وما هى المنافذ؟

ثانيا: هل السلطة الفلسطينية لديها رقابة على الأنفاق وسيطرة على مجريات الأمور لديها؟

ثالثا: هل تخلو الشعوب من بعض الجهلة او المتطرفين فلماذا نفتح لهم الطريق لافساد امن الوطن والتلاعب بالسلطات؟

رابعا: هل خدمة الشعب الفلسطينى تكون بتهريب أسلحة عبر منافذ لا تخضع للرقابة او السيطرة سواء من السلطات المصرية او الفلسطينية وتكون نتيجتها كثرة الميليشيات المسلحة والصدام بين الفلسطينيين وبعضهم؟

خامسا هل المهم فقط جنسية من نفذ العمليات الاجرامية ولا الأهم ايقاف تكرار ذلك واخذ الاحتياطات والتدابير اللازمة؟

اللهم احفظ مصر وشرفاء مصر واهدنا لما فيه الخير لنا

اطلاقا انا ما خسرتش الرهان .ولا هخسره .ان شاء الله.. لكن لسة الى الان لم يظهر من مرتكب الجريمة دى .. ولحد ما يظهر .. دا ان ظهر اصلا.. واشك انة يظهر لان ساعتها هيكون فيه ضغوط على الجيش وجر رجله للحررب ... فانا موقنة بان اسرائيل اللى ورا العملة دى لانها المستفيدة الوحيدة .. على راي اللى قال" اسرائيل لعبتها ومصر بلعتها وفلسطين لبستها"

اجاوبك على اسئلتك

اولا السيناويه كلهم مسلحين ... زى القبائل المتعصبة كدة في الصعيد هتلاقيهم مسلحين .. السلاح مش مشكلة بيجى منين لان زى مافية تجار مخدرات في مصر ففيه تجار سلاح .. يجى السلاح بقة متهرب من ليبيا .. يجى مسروق من افراد . مسروق من اقسام الشرطة وقت الهجوم عليها ... يجى زى ما يجى

اما لو كنت بتلمح ان الفلسطينين هم اللى بيهربولهم الاسلحة عبر الانفاق تبقي غلطان ... لان الفلسطينين بيتم امدادهم من السلاح عبر الانفاق وليس العكس .. هم بياخدو مش بيدو

ولو كنت تقصد ان اسرائيل بتمد عصابات عندنا بالسلاح عبر الانفاق للقيام بعمليات ضدنا .. فدا وارد .. اللى يتاجر في المخدرات يبيع بلده علشان القرش

ثانيا بتسال عن سيطرة السلطة الفلسطينية على الانفاق .. والاجابة قطعا لا ماعندهاش سيطرة ولا حتى الجانب المصري عنده سيطرة .. لان ببساطة بعضها بيستخدم لتهريب المخدرات .. واكيد اللى بيعمل نفق لتهريب المخدرات بيخلى امر النفق دا سري .. فازاى هتكون على اى سلطة سيطرة عليه

ثالثا معاك حق في النقطة رقم تلاتة اكيد فيه متطرفين وعلشان كدة لازم اسيطر على الانفاق او اقفلها بس قبل ما اعمل كدة لازم ادور على الحل البديل .. يعنى اسال نفسي .. لو قامت اسرائيل بمحاصرة غزة وضربها .. هدخلهم الغذاء ازاى ... طب حماس كانت بتستغل الانفاق لادخال السلاح لمحاربة عدونا المتربص بنا كلنا ..اسرائيل .. طب بعد ما اقفل عليهم الانفاق .. وادخل العصفور اعزل في قفص الاسد .. هتصرف وهساعده ازاى ؟

ولا هسيبهم لاسرائيل اما انها تقضي عليهم وساعتها يبقي علينا الدور " ما خلاص حدودنا انكشفت ومافيهاش عتاد وجنود كفاية حسب اتفاقية كامب ديفيد " - او ان الفلسطينين يفرو لاجئين الى سينا وساعتها ياخدو حتة من ارضنا ويستوطنو فيها ؟.

رابعا علقت عليها في ثالثا وقلت كل راي فيها

خامسا من المهم جدا تحديد مرتكب الفعلة .وايضا اتخاذ التدابير لضمان عدم تكرارها .. طب لية لازم اعرف من وراء اعملية دى ؟.. للوقوف على اسباب العملية ومعرفة كامل المخطط .علشان اقدر احط الرادع المناسب لعدم تكرارها .. وايضا للوصول الى الجناه وعقابهم .. لان هذة العملية ضربت امن مصر وهيبتها في مقتل ... وحتى لا يكثر اللغط واتهام الجانب الفلسطينى ونشر الفتنة واستغلال الواقعة من قبل الفلول .. لتشوية قرارات النظام الحاكم بفتح المعبر...

شكرا يا هارون على اجاباتك وهذا ما كنت انتظره منك ومن خلال تحليلاتك ولو لعبت لعبة الشطرنج فى اعادة تحريك هذه الاجابات واعادة تجميعها (طبعا بشوية ذكاء منك) ستجدين فى اجاباتك ما اريد ان اثبته لك

وكش ملك ومتعنديش لأن هيموت الملك وهتخسرى الرهان ان شاء الله (ولو انى لم اكن اتمنى ذلك بس ده الواقع اللى مش عايزين نصدقه)

اللهم احفظ مصر وشرفاء مصر واكرمنا لما فيه الخير لنا

الجريمه دى ارتكبها عدة جهات على رأسها قيادة الجيش المصرى الذى تم تفريغه من فنون القتال المحترف وابسط قواعد الخدمة والحراسة واصبح مجموعة من الموظفين واستمد قوته من الاعلام حتى حدثت نكسة الحدود التى ذبح فيها ابناؤنا دون قتال تماما كما حدث فى نكسة يونيو 1967 والقيادة الجديدة فى حاجة لتغيير قادة الافرع الرئيسية للقوات المسلحة وقادة الاسلحة واستبدالهم بعناصر شابة متحمسة مزودة بالعلم العسكرى وروح التضحية والفداء وبث عقيدة قتالية صحيحة فى نفوسهم تمكنهم من انتاج سلاحهم وذخيرتهم بانفسهم وتنفيذ مهامهم القتالية بعيدا عن عالم السياسة العفن ليعودوا بالجيش المصرى الى مستوى اكتوبر عام 1973 ولابد من محاسبة المسئولين عن هذا التردى والاهمال الجسيم فى المؤسسة العسكرية المصرية التى هى عزيزة على نفس كل مصرى

شكرا يا هارون على اجاباتك وهذا ما كنت انتظره منك ومن خلال تحليلاتك ولو لعبت لعبة الشطرنج فى اعادة تحريك هذه الاجابات واعادة تجميعها (طبعا بشوية ذكاء منك) ستجدين فى اجاباتك ما اريد ان اثبته لك

وكش ملك ومتعنديش لأن هيموت الملك وهتخسرى الرهان ان شاء الله (ولو انى لم اكن اتمنى ذلك بس ده الواقع اللى مش عايزين نصدقه)

اللهم احفظ مصر وشرفاء مصر واكرمنا لما فيه الخير لنا

كش ملك ليك انت

اتحداك انك انت اللى هتخسر الرهان ... وان كنت متاكدة ان الخبر هينكفي علية ماجور ولن يتم الاعلان عن الفاعل ... وانما ممكن يكتفو بالقبض على بعض تجار سلاح ومخدارت ... ساعتها بس هتتيقن ان اسرائيل هى اللى ورا العملية دى ..

وطبعا ما نقدرشي نعلن كدة مخافة اثارة الراي العام ... والضغط على الجيش وتكليفة مالا يطيق

...............

واذكرك انى مازلت عند رايي بان اسرائيل هى اللى ورا الموضوع دا ... وانت بتقول ان جماعات متطرفة فلسطينية هى اللى وراه .. حتى ماقلتش اية هو السبب اللى دفعهم يعملو كدة...

...............

ستبدى لك الايام ماكنت جاهل وسياتيك بالانباء مالم تخبر

ملوش اى صحة الكلام دا ومش صح خالص

انا اسلام سمعت ان تم القبض علي الفاعل الرئيسي في احداث رفح الاخيره