بسم الله الرحمن الرحيم

اعضاء نجوم مصريه الافاضل والأفضل على ما أعتقد فى مجال المنتديات فى العمل مع أدسنس تعالوا كل واحد يحكى قصه مع ادسنس

ازاى بدات ؟
وقصه أول شيك
وقصتك وطريقه اختيارك للمواضيع فى نجوم مصريه


* ملحوظة : فكرة الموضوع مقتبسه من موضوع فى ترايدنت والاعضاء هناك متفاعلين جداً والموضوع اصبح مرجع لقصص للنجاح مع أدسنس

هبدأ بنفسى الأول
بدأت مع أدسنس بمدونه أجنبيه كان فيها مخالفات كتير وكانت تعتمد على الصور ومكنتش فاهم حاجه فى التدوين ولا محركات البحث ولا اشهار المدونات ولا المواقع وكان الربح بسيط جدا وجالى تحذير ان المدونه فيها مخالفات من ادسنس
قفلتها وانا مكسبى منها مكملش الدولار تقريبا

عرفت نجوم مصريه وبدأت اعمل مواضيع واتعلم اكتر وبدأت تتوالى الارباح مع زيادة المواضيع والارباح
واتعلمت الفرق بين الموضوع الاخبارى والموضوع العام اللى بيتعمل سيرش عليه طول الاوقات مش وقت معين بس

ومع الوقت قبضت اول تحويل على ويسترن يونيون ومكنتش مصدق نفسى من السعادة علشان فعلا صبرت كتير اوى وعملت حاجه انا حابببها مع انى مش محتاج ال 100 دولار اللى كسبتهم بس كنت فرحان بيهم جدا

حاليا بكسب من مشاركه الارباح فى المنتدى هنا
ومن مدونتين وسحبت مرة كمان
ومستنى المرة التالته والحمد لله على كل شئ

حسابي الأول اتقفل
والتاني ألان شغال لم اسحب ولا مرة
فيه $1.65
السبب لانني لا اشرك في المنتدى عندي 6 مواضيع ربحت منهم أرى وحدة رغم مشاهدة الموضوع 800 مرة

باختصار

سجلت ف ادسنس مش عارف حاجه ف اي حاجه

سجلت ف بلوجر وعملت مدونه مش عارف حاجه ف اي حاجه

عملت مواضيع من كتاباتي والزوار كانوا بيزيدوا

كنت بدخل حساب ادسنس اشوف عدد مر ات ظهور الاعلان علي انها عدد الاعلانات ومكنتش عارف ان دي زيارات والارباح برضه مكنتش باخد بالي منها

اختصرت الطريق وروحت سايبرات البلد كلها اتكتك علي اعلاناتي الارباح كانت برضه قليله علشان كنت بقفل الاعلان علي طول وبضغط علي اكتر من 20 اعلان ف المره

نسبه للظهور كانت بتوصل اكتر من 200% وجوجل كانت متمكسه بيا بطريقه عجيبه

ماعلينا سجلت ف موقع زيارات والحساب اتقفل بسببه وبعد ده كله الحساب مكنش فيها 20 دولار حتي

بعد 3 حسابات موقوفه الارباح كانت معدومه وسيطه جدا

عرفت حكايه مشاركه الارباح وساعتها الاحوال بدأت تتحسن

كنت بنسخلي قيمه 20 موضوع ف اليوم هنا ف المنتدي وعلشان كانوا منسوخين الارباح كانت بسيطه برضه

المهم

اشتركت ف موقع yousaytoo كان مشاركه ارباح ساعتها قبل ماياخد باند

مكنتش بشوف منه ولا سنت ف اليوم ولا ظهور حتي

لكن دخلت ف موضوع رفع العاب فلاش ع الموقع و الارباح فيه كانت من 5 الي 10 دولار ف اوقات والموقع كان شغال زي الفل من مجهود ميكملش ربع ساعه ف اليوم

لكن الحلو ميكملش الاخوه المصريين كانوا بيرفعوا ب 200 و 300 لعبه ف اليوم و اغلبهم كانوا منسوخين وده طبعا جعل الزوار يطفشوا من الموقع غير الي كان ع الموقع نتيجه الموضوع ده

وانا كمان كان عندي شك ف ان الارباح دي حرام ولا حلال

استفسرت ف اسلام ويب وقالولي ان الموسيقي الي ف الالعاب حرام قولت وعلي ايه يعني

سبت الموقع ومكملش شهر او شهرين وخد باند نهائي من جوجل

بركه بقا

ماعلينا من الرغي ده كله

ف الوقت ده حسنت من مدونتي ويوم ورا يوم الارباح زادت نوعا ما وقبضت كذا مره الحمد لله ووقفت الحساب علشان صاحب الحساب مسافر
ولسه شغال ف واحد جديد بقالي اسبوعين تقريبا مع ان المدونه حالته بتزداد من سئ الي اسواء

لكن الصراحه جوجل ادسنس بغض النظر عن كل حاجه فهما ساعدوني ف حاجات كتيير

(لاحظوا ان الكلام ده كله باختصار

16 دولار فى 6 شهور
وانا شوفت الموضوع فى ترايدنت وفكره رااائعه وشكرا على الموضوع