في خطوة واجهت العديد من الانتقادات من قبل الشعب المصري باكملة انتجت الحكومة رغيف الخبز 10 قروش والتي ستطرحة وزارة التموين قريبا حيث طلب هشام قنديل رئيس الوزراء صباح اليوم مشاهدة تجربة رغيف الخبز 10 قروش قبل ان يتم طرحة للمواطنين بالاسواق وذلك بجانب الرغيف المدعم 5 قروش هذا الرغيف الجديد الذي يزن 170 جرام حيث بدات الوزارة في تخصيص 200 جوال دقيق في اليوم لتنفيذ التجربة واكد وزير التموين انة لن يتم تحويل اي خبز مخصص لانتاج رغيف ال 5 قروش لينتج رغيف 10 قروش بل سيتم الاستعانة بخطوط المخابز الحكومية العملاقة لتنفيذ خطة رغيف الخبز الجديد الان ناتي الي ما اعانية انا كمواطن مصري وما يعانية بقية المواطنين ارائهم في زيادة رغيف الخبز الذي يمثل كابوس معتم ينتظر الملايين من الجائعين من دولة العالم الثالث "مصر" في رايي هذة هي الخطوة الاولي للقضاء علي رغيف الخبز 5 قروش والذي ستسوء حالتة اكثر واكثر من الحالة التي هو فيها الان تلك التي يصعب علية كانسان ان اذيقة لكلب وسيتوجة طبقة الشعب الفقيرة الي طعام حلو اكثر وهو رغيف ال 10 قروش وبهذة الخطوة سنكون في طريقنا الي الهبوط بالفرد الي ادني مستوي معيشي وناتي لاراء مواطنين من الشراع المصري

هانى القطان «صاحب مقلة» يرى فى زيادة سعر العيش ظلماً للمواطنين غير المقتدرين: «هيبقى مُتعب للغلابة، لأنهم مش قادرين يشتروا اللى بشِلن»، مقترحاً حلاً يناسب كافة شرائح المجتمع: «ممكن يعملوه فى ورديات.. الأفران الصباحى تبيع الرغيف بشلن، والمسائى بعشرة قروش».

«لو الوضع كدة يبقى بلاش منه أحسن» تقولها «منى حسن» -ربة منزل- وتتابع السيدة الثلاثينية: «أنا معايا عيلين وبجيب بـ4 جنيه عيش فى اليوم، لأن عيش الكشك مش بناكله ولا حد بياكله.. وبيترمى». نفس الحالة يعيشها عم «يسرى» قائلاً: «الرغيف المدعوم مش بنطول نجيبه»، مضيفاً أن أقارب ومعارف أصحاب المخابز يأخذون كميات كبيرة منه ويبيعونها فى السوق السوداء: «لو عملوا أبو عشر قروش مش هنلاقيه برضه.. لأنهم بياخدوه ويبيعوا الرغيف بنص جنيه».. فالمشكلة من وجهة نظره تكمن فى السوق السوداء والاستغلال. «محمود» عامل بأحد مخابز العيش السياحى، يؤكد أن المخبز يشترى الدقيق على حسابه الخاص بعيداً عن الحكومة: «المواطن بيحب اللقمة النضيفة ومش مهم السعر».

اول الغيث قطره بكره يبقى بربع جنيه---ونزود المعاشات ونزود البنزين والكهربا والادويه الخ------------ومعاه الماكولات وال خبز---على ايه ده حتى العيش ما بتكلش لاطعم ولا لون ولا ريحه ولا شكل ولا حتى العاملين بالمخابز مؤهلين صحيا ولا نظافيا والعيش بالرمل وال هههههههه ولا للاش لنفسكم تتسد --احنا ناكل الظلط ونشرب المحيط---وسلملى على ميه مصر

ياجماعه سعر الرغيف ابو خمس قروش باقى كما هو ولكن الرغيف ابو عشر قروش زياده وتغير واللى عايز اى من النوعين يشترى
وياريت الللى يكتب الخبر يكون عنده مصداقيه البلد مش ناقصه

الخطوة الاولي للقضاء علي رغيف الخبز 5 قروش

اساسا المشكلة في الجودة الرغيف ابو 5 قروش شكله زي الطين ورائحته مقززة بس زيادة السعر مش هتحل المشكلة اعتقد ان الدعم النقدي افضل انا زهلت لما عرفت ان نصيب الفرد من دعم العيش شهريا 300 جنيه كلهم بيروحوا في جيب صاحب المخبز اللي بخبز عشر الكمية او تاجر العلف لان الكمية اللي بتتخبز لاتصلح غير للحيوانات

انا مش قادرة افهم الدعم يتلغي من البنزين والكهرباء ودللوقتي زاد سعر رغيف العيش الناس هتجيب منين فيه ناس تحت خط الفقر حسبي الله ونعم الوكيل في كل ظالم

المشكلة الاساسية مشكلة ضمير للباعة والرقابة _ يعنى مثلا تلاقى الرغيف بيختلف من مخبز لمخبز آخر ومن محافظة لمحافظة اخرى _ ده اولا

ثانيا لازم الشعب يعيش الواقع وبلاش مبالغة فى وعود خيالية _ مشكلة رغيف العيش كل الناس بتشتكى منها ومحتاجة لاعادة نظر وتحسين المنتج_ ولكى يحدث ذلك فمن الطبيعى فى ظل الظروف الاقتصادية للبلد ان يزيد سعر الرغيف.

اللهم احفظ مصر وشرفاء مصر واكرمنا لما فيه الخير لنا