بعد دخول نشطاء الاسكندريه عماره العفاريت برشدى ووضعوا حقيقه خرافه مايزعمون بأن العماره يأن العماره مملؤه بالعفاريت واكدوا لنا ان العماره من الداخل غير مشطبه ولاتصلح للسكن وهذا يؤكد ان جميع القصص التى ذكرت عنها هى اكاذيب وخرافات يروج لها لاسباب اخرى صمم بعضهم على مراقيه العماره ليل نهار حتى يكتشفوا حقيقه مايدور وكانت المفاجأه اليوم فى حوالى السابعه مساء ظهر نور فى الغرفه التى فوق الجراج مباشره ولوحظ كذلك وجود 3 عربيات حول المنطقه فى حاله انتظار وعللوا ذلك انها للمراقبه ثم حوالى الساعه العاشره والنصف ولكن الغريب انه فى الساعه العاشره والربع خرجت عربيه جيب من الجراج وقفل باب الجراج فور خروجها رغم ان هذا الباب يظل مفتوح دائما ثم لوحظ كذلك انه بنى حائط عالى على المنطقه التى تم تسلل الشباب منها على العماره يوم اقتحامها وستعذر بعد ذلك الوصول للطابق الاول كما فعلوا من قبل واجتمع 15 فرد من النشطاء ووضعوا صورهم على صفحه (نطالب بهدم عماره رشدى بالاسكندريه ) على الفيس بوك صورهم وسيحاولون الان اكتشاف ماذا يحدث فى العماره وسنواليكم بالاخبار اول بأول

تابعونا




الموضوع الكامل للعماره لمن لم يشاهده
http://misrstars.com/vb/showthread.php?t=425373

باذن الله يا جماعة صورة الشباب اللي هيطلعوا العماره و يكسرواالاوضه ديه بعد ما الامور انكشفت ببناء السور و علب الاكل اللي جوه و الاوضه ديه هيا الوحيده اللي في العماره اللي فيها كهرباء شكرا ليكم و ادعولنا نرجع با السلامه يارب

من الاشياء التى تثير الجدل انه فى اقتحام النشطاء للعماره وجدوا علبه كانز وكيس فتح الله وشكاره اسمنت وللاف لم يخطر على بال احد يقرأ تاريخ الانتاج لعلبه الكانز لمعرفه متى كان اخر من يشربها موجود بالمكان والمفروض ان المكان لايدخله احد منذ سنه 1990 وده اكبر دليل على ان كل مايقال غير حقيقى فأين الحقيقه؟؟؟؟

كنت فى الموضوع الاول كتبت كل القصص التى تقال عن عماره العفاريت برشدى بالاسكندريه وهنا بعض الاراء ذات العقل الراجح من بعض الجيران

عم أحمد حارس أحد العقارات المجاورة والذي عندما شاهدأحد الشباب وهو يلتقط صوراً للعمارة أبتسم وأقترب منه وقال له "انتم لسه برده مصدقين إن العمارة دي فيها عفاريت.. الحكاية وما فيها أن صاحب العمارة دي مات بعد ما بناها على طول، وأختلف الورثة عليها وحتى اليوم مازال بينهم مشاكل" وعندما قلت له إن الناس كلها تحكي عن العفاريت في هذه العمارة كان رده "صلي على النبي عفاريت إيه يا بيه".



وحكاية الحاج أحمد أكدها أحد السكان المجاورين وهو الحاج محمد محمود قائلا أن المقاول الذي بني هذه العمارة هو خاله المتوفي، والذي كان يحكي لهم عن مشاكل بين الورثة بعد وفاة صاحب العمارة وكانت السبب في إغلاق العمارة حتى اليوم


ويبقى هنا سؤال كيف لورثه مهما اختلفوا لايستفيدوا بعقار فى هذا الموقع ويساوى الملايين ؟؟؟؟



وفى المقابل حكايات العفاريت اكثر من كده مافيش اللى يقولككل يوم يسمع صويت بليل والشبابيك بتفتح وتتقفل واللى يقولك ده كان فى ظابط قال ايه الكلام اللهبل ده ودخل العمارة لقه نفسه تانى يوم فى الشارع ... واللى يقولك الحنفيات بتنزل دم .... واللى يقولك انت بتسمع صريخ بس ده مش صريخ انس ده صريخ غريب .... زي ما يكون اتنين من العفاريت بيتخنقوا على سرير



او اللى يقولك ممكن تقوم الصبح تلاقى غسيل متنشر وبليل بيتشال ...... وكتير قوي من الكلام ده

بعد الزياره الاولى لنشطاء الاسكندريه من لهم يد فى بقاء الحال كما هو عليه بدؤا التحرك فى اثاره الاشاعات مره اخرى

البواب يبنى سور حتى لايقتحم الشباب العقار مره اخرى
ياترى ماهو السر الذى يخفيه ؟؟؟؟؟؟؟؟

من داخل عمارة رشدي با الاسكندريه

الارجح انها خراااااااااااااااااااااااااااااااااااااااااااافااا اااااااااااااااااااااااااااااااات

سر ايه بس!!

طبيعي جدا ان اصحاب المكان مايخلوش كل من هب ودب يدخل مكانهم, هي مش مكان عام يعني عشان كل واحد يدخل ويطلع براحته, دا الواحد لما بيكون عنده ارض فاضية بيروح عاملها سور, عادي جدا
الناس بتدور علي حاجة تسليها فمش لاقية تروح تخترع قصة وتصدقها

من الاشياء التى تثير الجدل انه فى اقتحام النشطاء للعماره وجدوا علبه كانز وكيس فتح الله وشكاره اسمنت وللاف لم يخطر على بال احد يقرأ تاريخ الانتاج لعلبه الكانز لمعرفه متى كان اخر من يشربها موجود بالمكان والمفروض ان المكان لايدخله احد منذ سنه 1990 وده اكبر دليل على ان كل مايقال غير حقيقى فأين الحقيقه؟؟؟؟

الحقيقة ان جنب العمارة مبنى يتبع جهة سيادية

هى دى الحقيقة الكاملة

من اللي انا قريتة ع الصفحة بتاعتهم انهم عرفوا ان مفيش عفاريت ولا حاجة بس ف سر جوا العمارة دي عايزين يعرفوة

http://www.facebook.com/ntaleb.bhdm....hdystream

وبعدين يعني ما عفريت الا بني ادم

ثانكس

ممكن نصدق ده لان البيت الذى لا يقرا فيه القران تملاه العفاريت والجن

حقيقه الموضوع
العماره لها ترخيص فندق وحصلت على الاعفاءات و الشروط الميسره للبناء وبعد اتمام البناء البناء قام صاحب العقار بمحاوله جعلها سكنيه حيث انه خالف ايضا التصميمات الهندسيه وجعلها شقق سكنيه وبناء عليه تم اتخاذ الاجراءات القانونيه من قبل وزاره السياحه و المحافظه وحتى وزاره الاوقاف ( ات اعلم السبب ) و صاحب العقار.......ومات صاحب العقار ومازالت القضيه متداوله

http://misrstars.com/vb/showthread.php?t=425619

مش فاهم حاجه
برجااااااااااااااااااااااء مزيد من التفاصيل

على العموم كده كل شئ لازم يظهر

اذا كانت العمارة مسكونة بالعفاريت كما يقال..فالنرجع الى ماهو أقوى من وجود تللك العفاريت ومايزعجها ألا وهو القرأن الكريم ..نشغل قرأن بالعمارة .وهنا بأذن الله ستظهر الحقيقة.اما باخراجهم اذا كان هناك شئ وأن كنت أشك فى ذلك أو بهداية من يفعل بداخلها شئ غير قانونى أو أخلاقى..والله على كل شئ قدير.والله المستعان فوق عباده.وبالله التوفيق.

كده السور بعد ماكملوا اصبح من الصعب الوصول للبلكونه الاولى فى العقار



اتفق الشباب مع قناه المحور برنامج 90 دقيقه على تغطيه الحدث الغريب جدا ان جهه سياديه منعت بث البرنامج والتصوير اللى حصل ؟؟؟؟؟؟؟ ورغم التساؤل الا ان بدئت توضح شويه ان المخابرات وهى الجهه المالكه للفيلا بجوار العقار لها نشاط فى العقار غير معروف وشخصيه مسنوده قوى فى المخابرات من مصلحتها ماحدش يكتشف حكايه العقار ده ويفضل الناس متوهمه فى الاشباح زى السنيين اللى فاتت

قرر النشطاء المبيت يوم 14 سبتمبر القادم فى عماره العفاريت بالاسكندريه واللجوء الى القضاء لكشف ملابسات سر هذه العماره مستندين الى قانون حق الجار
وفجر احد النشطاء قنبله من الحجم الثقيل بأنه يوجد سرير للنوم فى الغرفه الموجوده فوق الجراج وهى الغرفه المقفوله بجنازير وهكذا يظهر ان احد ما ينام فى هذه الغرفه وهو عكس مايشاع من وجود عفاريت تمنع اى احد من السكن والنوم بالعماره

وكشف عبد الحميد وهو احد الذين قاموا بالاقتحام فى المره الاولى بأنهم شعروا بشىء غريب تحت يسير تحت الأرض، قائلا بأن الفيلا التى تجاور العمارة للمخابرات المصرية ومن الجائز أنه تم استغلال سرداب أسفل العمارة لممارسة عملهم.

ويؤكد النشطاء انهم جائهم اكثر من تهديد بعد ان ذكروا اسمائهم وصورهم وارقام تليوناتهم لو حاولوا دخول العماره حسب ماجاء فى جريده الوفد