السلام عليكم و رحمة الله و بركاته
انا يمكن هتكلم عن مشكلة قهرت معظم الشباب وهي ان بعض الشباب يتردد في الحديث مع الفتيات ((
وانا اعاني من هذه المشكلة )) و المشكلة دي في العصر الحالي تعتبر مصيبة .
انا عرفت ان من اسباب المشكلة دي :
1- ان الوالدين متحفظين يعني عمرة ما كلم بنت بسبب الاب و الام و عشان كدة كبر و هو مش متعود على الكلام معاهم
2 - انه بيحاول يظهر امام البنت بصورة غير طبيعته
3- ان دايما بيفكر في راي البنات فيه
بس عن نفسي هي دي مشكلتي :
انا شاب في 1 ثانوي و الحمد لله متفوق و مفيش عيب خلقي فيا (( انسان طبيعي من الاخر ))
اتا مش خجول يعني مع اصحابي بنهزر و بنضحك و مع المدرسين و مع الاقارب عادي لكن مع زميلاتي ((
موضوع تاني خاااااااااااالص )) , مبقدرش اتكلم معاهم خالص ويا سلام لو بنت اعجب بيها (( ببقى عامل
كدة ادامها )) و بأمانة لما بشوف زملائي بيتكلموا عادي معاهم احيانا بستحقر نفسي عشان
البنات يعني مفيش بنت بتتكلم معايا و مش بقدر اظهر شخصيني ادامهم وسعات يجي وسواس يخليني
مكتئب و انا قاعد بتفرج عليهم مع ان منهم صحبي المخلص و صحابي يقولوا تعال اتكلم معانا و انا برفض فيقولوا اني كئيب جدا .
وانا دورت على النت كتييييييييييييييييير اوي (( الي يقولك خد ثقة في نفسك )) على اساس اني بشتريها
(( و الي يقولي اقف ادام البنت و متخفش )) طب انا بشتكي ليه طالما هي بالسهولة دي . (( يعني ذكاء بمعني الكلمة )) دا انا خلاص بعمل في نفسي كدة
الموضوع مش سهل طبعا انه يتحل لذا للخبراء في هذه الامور , بس يا جماعة الي عندة نفس المشكلة هتأثر معاه جدا يعني احنا اخوات مع بعض
الموضوع مفتوح للنقاش