|
احب أن أرد علي السيد / محمد الحطماني الصامد // اولا انا ماعرفتكش شن تقول // ذكرت بانك مادافعش علي ولاد معمر ,,, وانت تقارن فيهم باولاد مسئولين اخرين ,, المسؤلين الي حضرتك تقصدهم من اما بلد ,, من ليبيا صح كيف تحصلو ع الاموال بالله عليك وهل القذافي يعلم ام لا ,,
بعدين نبي نوضحلك شوية حاجات ,, كيف يسمي مصحف القرأن بأسم مصحف الجماهيرية كيف,, وانت تكلمت هلبة علي الجهل وقلت اعداد بالاشخاص الي قرو خارج البلاد ,, هذا شئ طبيعي ومايقدرش عليه أصلا لان الحقيقة
و بعدين تبدأ واضحة وضوح الشمس ,, دولة نفط ومافيهاش بعتات مشكلة كبيرة بمعني قدام العالم تبدأ
مهزلة ,, ومش بجميل معمر ,, حق مشروع ,, بعدين نبي نقولك حاجة وهامة هامة جدا جدا ,,انت حكيت علي نجاح العمليات في ليبيا وعلي الدكاترا في ليبيا اوك ,, تمام ,, اولا هذا بفضل ربي ,, انت قلت الي مسك المنصب هو المسئول تمام معاك لهنا ,, المسئول لحضرتك قلت عليه شكون حطه في منصبه ,, ومعقولة معمر مايندريش عليه نو ايدير ,, وبعدين الوزراء الي هيا الامناء سابقا ,, انت عارف كيف كان النظام ,, كل 4 سنوات يلعب في شطرنج معمر بمعني معتوق ينحيه من وزارة التعليم ويحطه في وزارة المرافق ,, وغيره وغيره نفس الشئ إلي أن انتهت به معمر لما جاه زائر تقريبا من كوريا والا الصين مش مذكر ولعب معاه لعبة الشطرنج سبحان الله ,, وكأن يوضحلنا الامور ,, وبعدين بنسألك سؤال كبير هلبة حتي هو ومهم ,, بالله عليك ماهو ( دستورنا في نظام معمر ) وسؤال ليك شخصيا ؟؟ بالله عليك عمرك حضرت المؤتمرات الشعبية الاساسية وعمرك قررك حاجة فدك بها البلاد وغيرك ايضا من قرر وتنفذ ,, وانت ذكرت برنارد ليفي صح ,, اوك جي برنارد ليفي للبلاد ودار زيارة ومشي في حاله ,, أين كان الساعدي ,, هل كان في بلد المليون شهيد ,, انت تعرف وين كان ووين كان يصرف في الملايين ,, انت قلت ولد رئيس بلاد ,, باهي عندك حق ومن حقه اوك ,, لكن كيف تحكوا علي الناتو ماالناتو وهو سنوات يصرف فيها البلاوي ,, وبنقولك علي حاجة ,, انت حكيت علي مايحصل الان ,, نبي نذكرك بقصة احداث مبارة الاتحاد والاهلي طرابلس سنة 96 ,, كيف ماتو الشباب هل قصفتهم الناتو وكيف تم الحكم عليهم ,, وبدم بارد ,, وتوا نبي نلخصلك الكلام
### انت قلت كان الامن والامان ,, انا نقولك أمن وامان بدون نظام ,, معمر خش للحكم بانقلاب عسكري سنة 96 والملك ادريس لم يحاربه ولم يقوم بزج الناس في معارك وصراعات لانه رجل يخشي الله عز وجل , ومات ودفن بمقبرة بها صحابة الرسول صلي الله عليه وسلم بالاراضي السعودية ,, الي نبي نقوله معمر خش لحكم وعدد الليبيون لم يتجاوز ال 2 مليون تقريبا حسب ماعلمت طبعا مش اكيد ,, المهم تقدر تقولي كيف خش ع الحكم خش بشنق الناس العزل وصفي من صفي من كان معه وانت تعرف ذلك ,, شنق في شهر رمضان المبارك وهو من حكم عليهم لم تجرأ عليهم محكمة ,,
## أمن وأمان ,, بنقولك علي قصة الهيروين اكيد تذكر فيها ,, مش قلت حدودنا كانت امورها طيبة تمام التمام ,, كيف خشت الهيروين للبلاد ونذكرك بشباب زي الورد ماتو ,, شكون المسؤل هنا انت والا انا تري قولي,, والا حتي هيا المسؤل والمنصب ,,
والله عندي هلبة هلبة حاجات ,,
الي نبي نقوله يا سيد ,, معمر خش للحكم بقوة وبالدم خش علي شعب كان غلبان شعب عاش الذل ايام الطليان ,, معمر خش عليهم بقوة ومثل عليهم دور بانه المنقذ للبلاد ,, معقولة في ليلة وحدة يتم طرد الطليان والانجليز ومش عارف شكون ,, مسرحية مشت علي بوي وبوك وجدي وجدك الله غالب ناس من فقر شافت شوية عمارات كيف ماتبيهاش تمشي معاه ,, وشافت في التفاز الناس كيف تشنق .. يعني صنع الخوف والرهبة فينا ,, تري انت عن نفسك كنت تدوي علي معمر ,, والله من صف رابع اهلنا يقولونا ردو بالكم تدو علي معمر ,, بمعني كبر فينا الخوف عبودية ,, والدليل ياسيد أهو توا ,, انت تكتب بحرية وتقول جردان وانا نكتب بحرية ولكن مانقول عليك شئ ,,لا ني الحمد لله ربي عطاني العقل ,, ومازال قصة اللجان الثورية ,, والقيادات الشعبية
وبنقولك علي حاجة ,, الاوقاف بالله كيف كانت ,, كانت كلها استخبارات ولجان ثورية ,, والدليل شيخكم خالد تنتوش ,, وحمزة التهامي من موظف في الاوقاف الي اعلامي ويبت في الفتن والسموم هل هيا هكذا الاوقاف يامحترم
## مازال في هلبة حاجات لكن في وقتها حلو
اي نسيت , انت حكيت علي حوش معمر في باب العزيزية وحوش بنته عائشة ,, اوك صح انا الاول خشيت لباب العزيزية ومانكدبش عليك لما شفتها من داخل اوك ,, لكن نبي نقولك يامحترم ,, كلها اوهام وماخفيا كان اعظم ,, انت ماشفتش الصور صور صفية والطرابيزات هيا والافارقة شئ ماتفهم شئ ,, عارفك بتوقلي مرت رئيس كيف تبيها تكون لكن يامحترم رد علي كلامك انك تقول معمر واسرته متواضعين ,, وبعدين تعرف سفريات معمر وبالذات لافريقيا ,, يمكن تعرف قداش يصرف في السفرة الوحدة ,, وقداش يلوح في الدولارت للافارقة
الشئ الي خلي الشعب الليبي ينعكس تماما لان يشوف في رزقه ماشي للغير وهو مااستفاد منه شئ
,,,, من هنا بدت قصة الرشاوي والسرقة الا مبالاة ,, الشرطي وموظف الجمارك تراهم يرتشون لماذا ,,
لماذا ,, مش نحن في بلد الامن والامان وين الامن خلينا من الامان وين الامن هنا
الامان من عند الله عز وجل لما نسافرو لتونس نطلعو في الليل ونروحو الصبح ومافيش من يوصل فينا ,, الامان موجود في كل مكان ,, انتم شدوتها قصة امن وامان ,, شكون ودره الامن شكون
## أخيـــــــــــــــــــــــــــــــــرا ,,
بنقولك علاش معمر ماحقنش دماء الليبيون وخلاهم اخوة مترابطين علاش ,, مش هو من كان يقولوله ( القائد المسلم ) ,, رئيس تركيا عيي وهو ينصح فيه سلم يامعمر السلطة وخلي الشعب يعيش حياته
لكن معمر كانت نيته يانقعد في الحكم يا نفسدها علي بعضها ,, علاش يامسلم
والسؤال الخطير الي مش عارفك كيف بتجاوبني عليه
هل معمر كان ولي امرنا ؟؟؟
لو إنه كان ولي امرنا لماذا في خطابه الاخير في باب العزيزية الي زاد الطين بله ,, علاش كان لو كان عندي منصب راني لوحت الاستقالة علي وجوهكم ,, علاش .. وهو يهدد ويفتن وياقبيلة علانة ازحفو ازحفو وياقبيلة ملتانة ازحفو ,, ت كيف صار لمصلحة شكون زي ماقلت وانت مش رئيس وماعندكش منصب
ونجو للجيش لي تحكي عليه ,, انت عارف كيف كان الجيش ماشاء الله ,, وكيف كانت الشرطة العسكرية .. معمرلعب لعبة باهية ,, لعبته وانقلابه ضد الملك مايبهاش تولي عليه ,, شن دار ,, حل الجيش ودار كتائب وحط اولاده علاش يامحترم ,, بيش يطول في عمر حكمه الوهمي ويحمي روحه وحاشيته واسرته ,, ل
.. لو كان النظام نظام فعلي وصحيح لحقنت دمائنا والدليل ثورة تونس ,, خرج بن علي من الحكم وبقت البلاد بنظامها علاش يامحترم ,, لان الجيش والشرطة بقت علي ماهيا عليه ,, وشفت الشعب كيف كان مع ان هلبة كانو مؤدين لبن علي ,, لكن الوطن هو الاهم مش الشخص ,,
وفي نهاية المطاف يخطب القذافي ويصف شعبه بالجردان وانت مازلت تكرر فيها ,, تري قول علاش ممكن
بسم الله الرحمن الرحيم (( يؤتي الملك من يشاء وينزع الملك ممن يشاء ) صدق الله العظيم
صدقني ياخوي لو انت وغيرك وغيرك وغيرك وغيرك باهي ,, لو انكم خليتو حبكم لمعمر في جانب وحبكم لليبيا في جانب لما وصلنا لما وصلن ا اليه من فتن ,, الوطن يبقي وطن والاشخاص يتغيرو في من يكون رئيسا له مش دايمة لاي شخص ,, معقولة بعد 42 سنة حكم وياريته حكم يصير فينا هكي ,, أين عهدك ياقذافي لنا
والله معمر عمل لنفسه فقط فهو كان يصنع لنفسه شائنا وعظمة ,, انه جنون العظمة ,, صنع لنفسه مجد , نقولك علاش ,, انت قلت توا الشعوب الاخري الان ترانا شعب حقير صح ولاه ,, علاش ياسيد ,, لان معمر صنع لنفسه مجد ليبقي اسمه فقط ,, ونكرر لو انت وغيرك وغيرك حجب حبه لمعمر في قلبه والتم لحب الوطن وعدم المساس
التفرقة لما وصلنا لهذا اليوم ,, والمشكلة مازلت انت وغيرك تقول جردان ,, علاش بس علاش ,, الي قلت عليهم جردان انت شنو دارولك انت شخصيا جوك انت ,,
واخر كلامك حكيت ع الجيش ,, نذكرك بان حفتر توا ليه 8 اشهر وهو يقصف ويدك في بنغازي وشئ شئ
وانت حكيت علي طريق الشط وشخص دار حادث ومات ,, اوك مات اجله اوك ,, ولكن هل انت مع وضع البنية التحتية بالبلاد ومع الطرق المحفرة ومناطق لم تشم رائحة القطران من 40 سنة ,, نرجعو للمسؤل والمنصب شكون حطه انت والا انا ,,
ياسيد يامحترم ,, عيب والله عيب شخص سمي باسماء ,, القائد المفكر,, المعلم الاول ,, الفارس الاول ,,الرياضي الاول ,, وااااااا ,, واخرها ملك ملوك افريقيا ,, اخر كلامه يقول انا ماعنديش منصب ولو عندي منصب راني لوحت الاستقالة علي وجوهكم ,, ت باهي علاش ماخدهاش من الاول وحقن الدماء ودار موقف مشرف علاش,,
ولاحظت عليك تكرر في كلمة جردان وقلت ان ماتعلموش ومش عارف شنو ,,, اوك ماتعلموش ,, انت ماشاء الله تعلمت والله اعلم لوين وصلت في العلم ,, نبي نقولك علمك لتحكي وصلك بأن توصف اخوتك أبناء وطنك بالجردان هل هو هذا العلم لتحكي ,, فكر فيها هلبة هاذي واقلبها في راسك هلبة هلبة هلبة
وبعدين سنة 86 جونا الامريكان في ليلة وحدة خشو لعبو بلاي ستايشن ومروحو ,, وين جيشك وين دفاعك الجوي ,,
والله عشنا في وهم سنوات طوال ,, دليل ذلك ,, ولي الامر يخرج علينا ويقول لو عندي منصب لوحت الاستقالة علي وجوهكم ,, ت باهي شكون كان ولي امرنا ,, ريت كيف ,, نرجع بيك لكلامي ع الدستور وقتلك احكيلي علي دستور البلاد سابقا ,, وكيف كان النظام كيف
اخيــــــــــــرا ,,,,,,,, البلد أإلي من معمر ,, الولاة لله ولرسوله والمؤمنين ,, ومن بعده يأتي الولاة للوطن
تمــــــــــــــــــــــــــــــــــــــــــــــــ ـــــــــ
رفعت الجلسة ,,,,,,,,,,,,,,,
|
