انا عندي مشكلة بصراحة ومش عارف الاقي حلها ازاي
بجد نفسي حد يساعدني ... وانا هدخل في الموضوع علي طول ومعلش هطول عليكوا
في البداية انا ارتبطت 3 مرات قبل كده بس كان لعب عيال يعني عمري ما عشت احساس الحب مع واحدة فيهم
المهم في واحدة تقربلي من بعيد اكبر مني ب 6 شهور كانت عارفة اني بكلم بنات وكده بس احنا كانت علاقتنا قرابة وبس يعني مكانش في بينا حاجة ولا حتي صحوبية !!
اتقابلنا في فرح ابن عمي كنا فتالتة ثانوي وحسيت منها باستلطاف كبير جدااا لدرجة ان احنا قعدنا نتكلم مع بعض للصبح !!!
المهم اني حبيتها جدااااااااااااااااااااا وللأسف قعدت سنة بحالها مشوفهاش لانها من الارياف
اتعذبت فالسنة دي بمعني الكلمة ..تصدقوا كنت بعيط عشان اشوفها بس ؟؟؟؟
شفتها بالصدفة بعد سنة واخدت رقم موبايلها وقلتلها عشان عايزك فموضوع
وكلمتها وصارحتها بكل حاجة
وقعدنا ساعة نتكلم مع بعض فحاجات كتير بس برة الموضوع يعني
وقعدت تسألني اسئلة كتييير بخصوص البنات اللي كنت بكلمهم وكده
قلتلها فكري وردي عليا قالتلي ماشي
تاني يوم الصبح لقيتها رانة عليا 3 مرات كلمتها قالتلي الموبايل بتاعي بايظ وبيرن لوحده
بعد 4 ايام رنيت عليها عشان اعرف ردها مفتحتش عليا فانا اتسرعت وبعتلها رسالة قلتلها انا اسف ع الكلام اللي قلته وفنفس اللحظة بعتتلي كلمني شكرا رنيت عليها قالتلي انك لما رنيت كنت نايمة وانا مكانش معايا رصيد عشان اكلمك قلتلها طيب انا عايز اعرف ردك قالتلي معرفش !!
رنيت عليها بعد 3 ايام كان نفس الرد معرفش
وبعدين كلمتني بعديها بيومين قالتلي انت داخل جامعة وهتشوف بنات كتيييير ومتزعلش مني
كلمتها بعديها بأسبوع وفتحت الموضوع تاني قلتلها : انتي مصدقتينيش اني بحبك .. صح ؟؟
قالتلي انا لو مصدقتكش مكنتش كلمتك تاني
قلتلها طيب ليه انتي رفضتي ؟؟؟ قالتلي انت داخل جامعة وهتشوف بنات كتير ممكن تشوف واحدة تعجبك تسبني فأي وقت عشانها قلتلها انا والله عمري ما هعمل كده ووعدتها بحاجات كتيير وبعد اسبوع كان ردها لأ برضه قالتلي اني اولا انا اكبر منك .... ثانيا انا مقتنعة انك ممكن تفكر فحد تاني عشان داخل جامعة وتسبني زي ما سبت اللي قبل كده
ثالثا الحاجات دي بتبقي مكشوفة وده هيضر سمعتي
وقالتلي خليها كمان سنتين تلاتة يكون في حاجة رسمي
انا لما لقيتها رافضة خالص كده طلبت منها نكون اصدقاء قلت يمكن دي تقربنا شوية من بعض
المهم بعديها بعد اربع ايام كان في مناسبة كده عندهم اتصلت بيا وقالتلي تعالي عشان اسلم عليك وكل يوم كانت تتصل تسلم عليا وتأكد عليا اني اجي
وعلي فكرة انا وهي لسة داخلين اولي جامعة وانا كنت قايلها اني لازم ادخل معاكي الجامعة اللي انتي هتدخليها حتي لو كلية انا مش عايزها
المهم نتيجة تنسيق الجامعات ظهرت بس نتيجتها هي انا نتيجتي لسة مكانتش ظهرت جبتلها انا النتيجة من ع النت وكلمتها وقلتلها انتي دخلتي كذا كذا قالتلي طيب كويس هتدخل معايا ولا انت خلا ص صرفت نظر ؟؟ قلتلها والله اللي يعمله ربنا بقي ( ده كله علي اساس اننا اصحاب يعني )
ولما رحت المناسبة اللي قلتلكوا عليها دي قعدنا نتكلم تاني للصبح مع بعض وأخدت الموبايل بتاعي وبقت تدور فالاسماء والرسايل وفضلت شايلاه معاها اليوم كله !!!!
بس قالتلي كذا حاجة انا مش فاهمهم يعني مثلا بتقولي : علي فكرة كويس لما يكون في علاقة بينك وبين واحدة اكبر منك .. قلتلها يعني ايه قالتلي يعني عادي لما يكون في علاقة بينك وبين واحدة اكبر منك
بس قالتلي حاجة كمان انا مش عارف تقصد بيها ايه ؟؟؟؟؟
بقولها انا نفسي تحطي نفسك مكاني وتجربي الحيرة اللي انا فيها قالتلي انا عمري ما حسيت الاحساس ده !! ده معناه انها مش بتحبني ؟؟؟؟؟
وكمان قالتلي ان في اولا كتييير قالولها بحبك وهي قالتلهكم انتوا اخواتي بس عمرها مقالتلي كده
اااااخر حاجة لما التنسيق بتاعي ظهر كان قدامي كليات تجارة وسياحة واداب مختارتش ولا كلية فيهم عشان مش موجودة فالجامعة اللي هيا فيها واختارت اقل كلية اللي هي حقوق لانها الوحيدة فدول اللي فالجامعة اللي هي فيها ولما قلتلها كده قتالتلي ده قرار هتندم عليه وبعدين بعتلها رسالة قلتلها انتي بتحبيني ولا لأ ولازم تقوليلي وقعدت شهر متكلمنيش ولا ترد عليا بعتلها رساااااااايل كتيييير عشان ترد عليا برده مبتردش وانا لما اتضايقت بعتلها رسالة قلتلها اني مبتحسيش ومعندكيش دم وانا غلطان اني اعمل كل ده علشانك
وانا بسبب كده حولت كلية وجامعة تانيية وانا من ساعتها بقالي شهر مش ببعتلها حاجة ولا برن عليها
يعني بقالنا شهرين مش بنكلم بعض
وانا ااااااااااااااسف يا جماعة اني طولت عليكوا
واسف اني ذكرت تفاصيل يمكن ملهاش لزمة بس كل ده عشان تبقي واضحة قدامكوا وتساعدوني
بجد انا نفسي اعرف هي كده بتحبني ولا لأ ؟؟؟؟؟؟؟؟؟
انا لو عرفت انها بتحبني مستعد اعمل المستحيييييييييييييييل عشانها
ومحدش يقولي اتقدملها لأن مينفعش اقل من تلات سنين ويمكن اكتر
ارجوووووووووووووووكم ساعدوني
وياريت البنات يردوا عليا عشان يمكن يكونوا فاهمينها اكتر