السلام عليكم الاول

دلوقتى يا جماعة انا ليا واحد صحبى

بيحب واحدة من على النت وهى كمان بتحبة

كان بيكلمها كتير وهى كمان كانت بتكلمة قدامى على الاميل وعلى والموبايل

وهو بيكلمها بقالة يجى سنة ونصف وكلمنى كتير عنها وقالى انة بيحبيها اوى وعاوز يرتبط بيها

قلتلة طالما بتحبها اتقدملها قالى هكلمها فى الموضوع وفعلا كلمها وكدا وبعدين هى قالتلة احنا

مش هينفع نرتبط ببعض سالها لية قالتلة هقول لاهلى انى اتعرفت عليك ازاى

قالها من على النت اية المشكلة قالتلة لا طبعا هما مش هيوافقو دا غير حاجة تانية

قالها اية تانى قالتلة انت من بلد بعيدة عنى وانا اهلى مش هيوافقو انى اسيبهم

فسالنى اعمل اية واحلها ازاى قلتلة انا مشترك فى المنتدى بتاع نجوم اف ام

وهقولهم الموضوع وهشوف رايهم وهقولك قالى موافق

مع العلم يا جماعة انه بتحبة برضو لانها بعد ما قلتله مش هينفع نرتبط ببعض لسة لحد دلوقتى بتكلمة

وقالتلة سبها للنصيب.

معلش طولت عليكم بس الموضوع دا مزعلى صحبى اوى وياريت حد يقولى احلها ازاى

بص هو الموضوع بجد محير جدا
بس ممكن هو ينزل بلدها وممكن تقول انها اتعرفت عليها عن طريق صديقة لها
اما بالنسبة انهم مش هيوافقوا علشان انه فى بلد بعيدة لو هو حسس اهلها انه بيحبها جدا اكيد الاهل مش هيرفضوا ويحاول يتمسك بيها جدا حتى لو اترفض مرة يحاول كتير لحد ما يقتنعوا
بس انت مقولتش هما من بلد ايه وكمان مقولتش انها بتدرس ولا مخلصة دراسة
وفى النهاية مهما الانسان كذب اكيد الكذب هينكشف

ميرسى يا هبة جدا ليكى

هى من بنى سويف

وهو من كفر الشيخ

وهما الاتنين لسة بيدرسو

ماتزعلش منى هى بتسلى وقتها

بتقوله أهلى مش هيوافقوا أسيبهم

يعنى ده معناه إن هى نفسها

مش موافقة لو كانت عايزاه كانت قالتله تعالى

مهما كانت العواقب

كلامك مقنع برضو

Ca répresente pas le vrais amour

اللى بيحب حد بجدبيحاول يكون معاه على طول مهما كانت الصعوبات والعقبات
ولوهى بتحبه بجد هتواجه اى حاجة قدامهم علشان يحافظوا على حبهم

صح يعنى المشكلة منها هى مش منة

ممكن يحصل حب بمجرد الكلام

ايوة بيحصل

هما الاثنين بيدرسوا يبقى خلاص يقول هو اتعرف عليها لما نزل بنى سويف فى مكان دراستها ويعرف اهله كدا ويقول لى والدته انه شاف بنت فى بنى سويف بس مكلمهاش ولو عنده اخت تروح معه بنى سويف وتتعرف عليها
علشان لو الاهل عرفوا انه اتعرف عليها عن طريق النت مش هيوافقوا ابدا لاان محدش بيقتنع بجواز النت
وهى لو بجد بتحبه اكيد هتوافق على الحل ده وهتقول لى اهلها انى فى بنت جاءة كلمتها واتعرفت عليها وعايز تخطبها لى اخوها

هو مفروض الانسان ميكدبش بس اوقات الظروف بتحكم وعمتنا الكدبة دى مش هيضر احد وربنا يسمحنى ويسمحكم لو عملتوا بيها

ميرسى ياهبة معلش تعبتك

البت دي معلش اعده تلعب بصاحبك لان لو بتحبو بجد هتوافق اول ميقولها انا هتقدملك ده راي

واللهي الموضوع بسيط جدا اول شي هل هناك مصداقيه في الموضوع وخاصه من قبل الشاب ثاني شي يستطيع يجد الف حل يعني دي مش مشكله الهل عوزين حد يتقدم للخطبه اهم شي يعني بسيطه شافه صدفه في السوق وهو راجع من شغل او اقرباء احد صديقاتها يعني انا اشوف مفيش مشكله لو حقيقي واحد عاوز لاخر تقبلو مروري