1)مره ولد صغير سأل والده: بابا انت جبتني ازاي؟ قال الاب: بص يا حبيبي احنا جبنا شوية سكر و حطناهم تحت السجادة جينا تاني يوم و رفعنا السجادة لقيناك تحتها. ففكر الابن فيها “إيه لو أبقى أب من دلوقتي ” فجاب شوية سكر وحطهم تحت السجادة صحي تاني يوم لقى صرصار فقال:”لو ماكونتش ابني انا كنت قتلتك
2) واد راح لامه وقال لها : ماما .. اديني فلوس عشان ادييها للراجل الغلبان اللي بينادي في الشارع . فرحت الأم لقلب طفلها الطيب وادته الفلوس، بعدين سألته : هو الراجل كان بيقول ايه يابني ؟ قال الولد : “ كان بيقول .. آيس كريم … آيس كريم …
3) واد كسلان جدا شغال في ورشة كل اما المعلم يقول له هات مفك ، يقول له كمان شويه .. بكره .. مش وقته. ، وفى يوم لمبة الورشة اتحرقت ، المعلم قاله ركب اللمبه قال له دي حاجة سهلة قوي، وشاله المعلم على كتفه واستنى دقيقة دقيتين ربع ساعه مافيش حاجة ركبت ، قال له المعلم انت مركبتش اللمبه ليه؟ قال له اللمبه قلاووز وانت اللى مبتلفش يا معلم .
4)الزوجه لزوجها : ياريتنى جريدة عشان اكون فى ايدك كل يوم الزوج: ياريتك نتيجة اغيرها كل سنة .
5)واحدة الدولاب عندها بيعمل صوت لما القطر بيعدى من جنبهم جابت نجار صلحه مرة و اتنين و تالت مرة قالتله و الله ما انت ماشى الا لما القطر يعدى و أشوفه هيتهز ولا لا شوية و جوزها جه و النجار من الخضة استخبى فى الدولاب …. لما جوزها شافه قاله و انت بتعمل ايه هنا قاله النجار لو حلفتلك بايه مش هتصدق اني مستنى القطر .