صباح الخير يا ماما
صباح الخير يا ماما انتى زعلانه ؟
ممكن اعرف ليه انتى زعلانه و مش عاوزة تكلمينا ؟
احنا خائفين عليكى يا ماما ان تمرضى بسببنا و تتعبى
انتى عارفة يا ماما ان احنا اخوات و بين الاخوات دائما مشاكل و لكن هى تحل سريعا يا ماما
و انتى علمتينا ان نكون دائما مع بعض قلب واحد
فاكرة يا ماما لما جم و عادونا جيراننا كنا انا و اخواتى واقفين زى الاسود
فاكرة يا ماما لما كان واحد فينا بيعيا كان التانى بيعالجوا
انتى عارفة يا ماما ان احنا مش ضعاف و مش متغيرين
انتى اول ماما جبتى اخ لينا امن بالله الواحد
و انتى يا ماما علمتينا ازاى نبنى حضارة كبيرة يشهد عليها كل جيرانا
انتى علمتينا اول ديانه اليهودية منها اخويا نزل علية الوصايا العشرة و علمتينا بعد كدة المسيحية و بكدة علمتينا السماح و العدل انتى حضنتى اخونا بعائلته 4 سنوات فى بيتك هو و والدته و يوسف و حمتيهم من كل عادو يريد منهم شيئ
و علمتينا الاسلام و وبكدة علمتينا السلام و فاكرة يا ماما لما اخويا الكبير جه و طرد الرومان من بيتنا و عشنا احنا كلنا يهودى و مسيحى و مسلم فى بيت واحد و لما غارو منا يا ماما قاموا بالحروب الفرنجية و جه ابن عمى صلاح الدين و طردهم من بيوتنا
احنا يا ماما من رحم واحد و عشنا فى بطنك و حسيتى بينا و عشنا فى بيتك
ليه تزعلى يا ماما و مش عاوزة تكلمينا
انتى عارفه ان فى كتير بيغيرو منا و عاوزين يطردونا من بيتنا و بيحطوا الفتن بينا علشان احنا و اخواتى نضرب بعض
لكن احنا عارفين يا ماما ان احنا من بيت واحد و لينا ام واحده
واوعدك يا ماما ان احنا هانكون صف واحد و عمرنا ما ها نتخانق مع بعض و لا ها نزعل بعض و الغنى ها يساعد الفقير و السليم ها يساعد المريض
انتى عايشتينا تملى فى سلام و امان تحت سقفك انا و اخواتى
تعيشى لينا انا و اخواتى
يا حبيبتنا يا مصر
ابنك الدكتور سمير المليجى