انا جيبالكم قصيدة جديدة النهارده
يااااااااااارب تعجبكـــــــم
ليه يادنيا قاسية عليا
وكل همك تلعبي بيا
ليه مصــــرة تعاندي فيا
إرحميني د أنا فاض بيا
ليه دايمـاً بتعذبيني
وبكل همومــك بتزيديني
وفي عز فرحي بتجرحيني
وبتفرحي لما تهنيني
وبظلمك ضيعتي آمالي وأحلامي
ومهمكيش أحزاني ولا حتى آلامي
هاتي يادنيا كمان هاتي
وافرحي بدموعي وعذابي وآهاتي
زيدي قلبي هموم وجراح
ماهو خلاص كل شئ انتهى وراح
خدي من حياتي كل الافراح
بس أرجوكي سبيني أرتاح
لكن أرجع وأقول
اللوم مش عليكي
اللوم على قلبي إللي مستسلم ليكي
بس صدقيني خلاص قلبي الإنسان
مش هيكون له بينا مكان
واشهد عليا يازمان
من النهارده مفيش أحزان
مستنية ارائكم يا اصحابي
