عمرى ما كنت إنسان بيحب الحزن ده أنا ببقى قاعد فى وسط الناس وأضحكهم ضحك السنين تسمعه سابع سما وسابع أرض ويلقبونى كمان بالمهرج الكبير وأفضل أتكلم كلام كتير مليان قفشات حكايات حواديت تسمعها عينيك تدمع من الضحك مش من البكا ما أنا زى ما بيقولوا

صانع البهجه لكل أصحابى وأهلى وجيرانى دايما أضحكهم حتى فى عز المحن ده يقول أنت كارثه وده يقول أنت نكته وده يقولى أنت تنفع تكون ممثل كوميديان خطير بـــــــــس أول ما بكون لوحدى وقاعد كده مع نفسى بتحول لممثل دراما خطير ودموع الدنيا كلها تصاحبنى وجراح البشر كلها تألمنى ولا ضحكه واحده ترضى تترسملى ولا كلمه ولا قفشه واحده تطلع منى تغير حالى إللى مش عاجبنى وضحك السنين يتحول جوايا لصراخ وعذاب كبير

‏‎ ‎السعاده بهجة الحياه لكن من الصعب ان نجدها دائما