فيه تواليت تلاقيه علي طول نظيف وابيض من جوه طول الوقت وفيه تواليت بيكون اسود خالص ومهما تنظفي فيه بفرشه التواليت او تجيبي منظفات هوه خلاص بقي اسود ومش راضي ينظف ابدا وده طبعا ممكن يسبب احراج لست البيت لو حد غريب او ضيف عموما طلب يدخل التواليت بسي الحل بسيط جدا هوه عقاب شويه للي اهملت التواليت لحد ما اسود كدا بسي عقاب كويس انك لما تنظفيه المره دي شكله اصلا هيفرحك ومش هتقدري تسبيه يتوسخ تاني خالص والصفه السحريه بقي هي ( ميه النار المخففه ) ودي لازم تكون مخففه ودي معروفه انها بتلمع الاشاني والحمامات روعه بسي ازاي بقي تنظف التواليت؟ بصي يا ست الكل اولا تلبسي جواندي من البلاستيك بنص جنيه من الصيدليه وتشتري كوبايه بلاستيك برضه لانك هترميها ولو عندك كوبايه مش نظيفه هاتيها ومعلش في الطريقه اللي هقولكم عليها لكن بجد بتجيب مفعول جامد ومفاجئ جدا : المهم انك تفتحي البلاعه اللي موجوده في الحمام وتصبي ميه نضيفه في التواليت المهم وطبعا وانتي لابسه الجواندي تشيلي الميه اللي في التواليت وتصبيها في البلاعه تلت او اربع كوبايات وهتلاقي التواليت الميه خلصت وياريت يكون ناشف خالص المهم هترشي ميه النار المخففه علي المناطق السودا مكان ما شلتي الميه وتسبيه خمس دقايق هتلاقي الاتساخ بيفور لان ميه النار بتفوره وبتخليه اسهل في الطلوع وبعدين بقرشه جامده وشويه اريال وتغسلي جامد جامد هتلاقي الاتساخ بيتشال معاكي ولو عاوزه تلخصي ممكن تحكي الاتساخ بشي ليه سن تحكي بيه الاتساخ وتغسلي هيكون اسهل بكتير وبجد هتتفاجئي من النتيجه جدا جدا
|
شكرا لك بجد استفدت ,إن شا ءالله هعملها لما أتزوج فى شقتى ,
لكن أنا فى بيت والدى الحبيب مازلت والتواليت بتعنا بلدى هههه يعنى ماقلوكش بقه وانت عارفه ( نعمل إيييييييييه ) أرجو الرد |