كيفية عمل موقع مجانى فى جوجل , وهى خدمة توفرها جوجل لمستخدميها .
يعني اربع دقايق و يبقى عندك موقع مجانى بتاعك .
مش هطول عليك كتير نبدأ بشرح الخطوات سريعا :
1 - هتروح تفتح صفحة جوجل فى المتصفح وتبحث عن site google وبعدين تختار أول نتيجة فى البحث .
2 - هتفتح صفحة وتسجل دخولك بحساب جوجل ( gmail ) طبعا لو انت عندك حساب بالفعل سجل عادى اما لو مش عندك ممكن تعمل حساب جديد عن طريق اشتراك ( sign up ) وبعدين تكمل بيناتك وبعدها ترجع تكمل باقى الخطوات عادى .
3 - هتفتح صفحة جديدة هتختار منها إنشاء ( CREATE ) .
4 - بعدين هنختار النموذج بس اسهل حاجه انك تفتح (استعراض المعرض لمشاهدة المزيد / browse the gallery for more) ومنها ممكن تعمل تحديد لأى نموذج تختارة .
5 - وبعدين تحتها هتلاقى خانة فاضية تكتب فيها الاسم اللى انت هتختاره للموقع بتاعك , واكيد لو حد كان اختاره قبلك هيقولك غير متاح ترجع تكتب واحد تانى لحد ما يظبط معاك .
6 - وتحت هتلاقى رمز التحقق تنقله فى الخانة اللى تحتها وبعد كدا تضغط على create .
وكدا مبروك عليك الموقع الجديد .
دا فديو لشرح الخطوات السابقة بالتفصيل