[SIZE="5"][CENTER][B][FONT="Courier New"]

اعزائى اعضاء وزوار منتدى نجوم مصريه كثير ما يعانون من مشكله زياده الوزن والسمنه والنهارده عندى لكم رجيم خطير جدا وهو رجيم الشوربه الحارقه

والريجيم ده هاتخسى من 6 الى 7 كيلو فى الاسبوع من غير رياضه ولو عمتلى معاه رياضه هاتخسى اكتر

لعمل الشوربه الحارقه

المكونات
6 حبات كبيره من البصل الاصفر او البصل الاخضر
6حبات توم
حبتين فلفل اخضر بارد
6حبات طماطم
ربطة كرفس
حبة كرنب صغيره ولو مفيش صغير قطعى شويه من الكبيره وحطيها مع الخليط

طريقه التحضير
وتقطعى الحاجات دى كلها وتحطي عليها ميه وتحطيها تغلى على البوتاجازلمدة 45 دقيقه وتحطى عليها ملح واى نوع بهار بتحبيه(فلفل+كمون+شطه+كارى)وبعدين تحطيها فى التلاجه وتاخدى منها كل يوم وتسخنيها وتاكليها وممكن تخلطيها فى الخلاط بس هاتسبيها تغلى لمدة 10 دقايق وبعدين تخلطيها فى الخلاط وبعدين ترجعى تحطيها على البوتاجاز لمدة نص ساعه


اليوم الاول:

فى الفطار والغداء والعشاء هاتكلى شوربه حارقه بكميه كبيره وكمان هاتكلى فاكهه كتير اى نوع وتكترى من البطيخ والشمام الا الموز وممكن تشربى عصير فاكهه من غير سكر

اليوم التانى:
طبعا فطار الشوربه الحارقه والغدا الشوربه الحارقه مع اى نوع خضار من غير صلصله او بهارات والعشاء الشوربه الحارقه مع حبة بطاطس مسلوقه

اليوم الثالث:
طبعا الشوربه الحارقه فطار وغدا وعشاء واى كمية خضار الا البطاطس واى كمية فاكهه الا الموز

اليوم الرابع :
هاتكلى شوربه فى الفطار والغدا والعشاء مع 8 صوابع موز و3كوبايات لبن قليل الدسم مع 10 كوبايات ميه طول اليوم

اليوم الخامس:
الفطار طبعا شوربه حارقه والغداء شوربه حارقه مع لحمه مسلوقه او فلااخ مسلوقه وتشيلى منها الجلد بعد ما تسلقيها و6حبات طماطم وتشربى 12 كوباية ميه

اليوم السادس:
الفطار شوربه حارقه والغداء شوربه حارقه مع لحمه مسلوقه مع اى نوع خضار الا البطاطس

اليوم السابع:
الفطار شوربه حارقه والغداء شوربه حارقه مع كميه غير محدوده من الرز البنى واى نوع خضار الا البطاطس والعشاء شوربه حارقه وتاكلى فاكهه كتير طول اليوم اى نوع

تنبيهات مهمه جدا
1-ممنوع انك تاكلى عيش وفول واى نوع بقول ومكسرات وممنوع انك تشربى مشروبات غازيه ولا مشروبات الحميه
2-لو خسيتى اكتر من سبعه كيلو فى الاسبوع بطلى الريجيم لمدة يومين وبعدين ارجعى ابدئى من الاول تانى
3-الافضل انك ترتاحى 3 ايام بين كل اسبوع والتانى

نفسى اخس ومش عارفة وفى سنة ستة ووزنى 65 كيلو