بسم الله الرحمن الرحيم

الموضوع ده هدفه نبيل ... ويراود كل فتاه عندما يأتى شخص ليطلب إيديها
ملحوظة >>>>> الموضوع ده بينطبق على الشخص الى بيدخل البيت من بابه

اول حاجه تفكرى فيها :-
1- التناسب
وهحطلكم صوره توضيحية وتعبيريه فقط

( تم حذف لمخالفتها قوانين المنتدى )

طبعا التناسب بيكون فى حجات كتير اهما التفكير والثقافه والشكل يعنى ميكنشى زى كده

2- الناحية المادية

طبعا دى العقبة الى بتواجه اى شاب وهو بيشق طريقه فعلشان كده نصيحة بلاش الافتراء على خلق الله ونكون نيتنا خير ومنبصش للكلام بتاع الناس الى بيبوظ الجوازات

مثال توضيحى >>>>>>>>>
بنت عمك جلها شبكة ب 150 الف جنيه وأنت مش أقل منها ... وبنت عمتك جبلها شقه اربع غرف و2 حمام دا غير الريسبشن .لازم تخليه يجبلك شقه زيها انت مش اقل منها

نيجى بقى للحجات الى بترتكبها البنت لما يتقدملها عريس

1- العظمة والغرور
معظم البنات بيبقى عندها شىء من الغرور والكبر وده بيكون سبب من اسباب انها تكون عانس

مثال توضيحى >>>>>>>>>>>>

يجى شخص يروح يطلب ايدك من بباكى ولما تعرفى انه تاجر مثلا او انه مؤهل متوسط وانت مؤهل عالى .. تروحى لما بباكى يسالك ايه رأيك يا بنتى تروحى تقوليله لا طبعا ده معاه معهد .. مينسبنيش خالص وبعدين دا تاجر على اخر الزمن هتجوز تاجر

اخر نقطه بقى هى

:-النصائح :-

1- السؤال على العريس من حيث سمعته هو وعائلته
2- النواحى الماديه لا تهم يجب البعد عنها عند الاختيار بمعنى ان طلاما هو اتقدم علشان يتجوز يبقى اكيد مجهز نفسه من حيث الشقه وخلافه فابتعدى عن مثل هذه الاسئلة
3- الاخلاق وحسن المظهر
4- الدين .. وده طبعا اول حاجه لانه لو متدين معتدل هيراعى ربنا فيكى

يارب الموضوع يعجبكم ....

جزاكم الله خيرا فعلا موضوع مهم
ولو كل واحد فينا تحرى ما نصحنا النبي عليه الصلاة والسلام في إختيار الزوج أو الزوجة كنا هنرتاح اوي
إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير رواه الترمذي وغيره
وقال ايضا عليه الصلاة والسلام
تنكح المرأة لأربع لمالها ولحسبها ولجمالها ولدينها ، فاظفر بذات الدين تربت يداك
- اللهم ارزق شباب وبنات المسلمين أزواج وزوجات صالحات - اللهم امين يارب