عجينة لكل الاستخدامات
أقدم لكم اليوم يابنات أوربات البيوت اللى موضوع العجينة دايماً بيبقى متعب ليها وكمان اللى بتستخدم فى اغلب المعجنات وكمان الحلويات الى بتحتاج عجين وهتعجبكم جداً ودة لانها سهلة جدا وسريعة وطريقتها بسيطة تعالوا نشوف بتتعمل ازاى ويمكن استخدام هذة العجينة فى عمل الكثير من المعجنات مثل الفطائر والبيتزا والباتية والكرواسون والسينابون والدوناتس
مقادير العجينة
5 كوب دقيق منخول
كوب حليب دافىء او (ماء دافئ مع كمية اللبن البودرة المذكورة)
وش اللبن ان وجد(القشطة الى بتكون على وش اللبن بعد غلية)*للفطاير والباتية فقط
1م ك عسل نحل
2م ك سمن بلدى او اى نوع
ربع كوب زيت درة
2 م ك سكر
2 م ك لبن بودرة
2 ملعقة كبيرة خميرة فورية
1 م ك محسن خبز
1 م ص ملعقة صغيرة ملح
ملحوظة
لو حنستخدمها فى عمل سيناببون اودوناتس نزود السكر حسب الذوقولو فى المعجنات يبقى ممكن نحط زعتر اوالحبة السودا اى شئ تحبى ممكن كمان بهارات
وهنا تم وضع الزعتر عشان البيتزا
الطريقة
نخلط الخميرة مع السكر مع الدقيق المنخول والملح اللبن البودرة ونقلبهم كويس ثم نضيف الزيت والسمن المكونات الجافة كلها
ونحاول نفركها كويس كانك بتعملى كسكسى ممكن تعمليها بهراسة البطاطس ثم نضيف اللبن تدريجيا والى معندهاش لبن تحط كمية اللبن البودرة على مية دافية ونحطهم ونعجن جيداً لمدة 10 دقائق عجن فقط ثم نتركها تخمر فى مكان دافىء
ونضعها فى الفرن وطبعا غطيها بالنايلون الشفاف ثم فوطة مطبخ نظيفة لمدة 30-45 دقيقة لو الجو بارد بسخن الفرن يكون دافىء شوية واطفى النار
ودة شكلها بعد التخمير كنت مقسماها 5 قطع عشان تخمر بسرعة وكل قطعة تعمل بيزا كبيرة
او نشكلها خبز
ويارب تعجبكم وبالهنا والشفا
