|
شقتك هي ملكك انتي تغيريها زي ما انتي عاوزه ولكن لما بيجيلك ضيف بيقعد في الانتريه .. في اليفينج روم .. في اودة السفرة . ولكن ... اودة نومك هي خاصة بيكي انتي محدش بيخشها غير انت وزوجك بس لان كل ركن فيها بيدل علي شخصيتك وكمان اودة نومك هي مخبئ اسرارك .. علشان كده من المهم انك تختاري اودة نومك بعنايه و باهتمام وفيه ناس كتير من كتر جمال وروعة الاود الجديدة بيغيروا اود النوم كل كام سنة وعلي فكرة اغلب اود النوم الجديدة مودرن ورقيقه خالص وكمان لاول مرة اللون الاحمر في خشب اودة النوم بجد حلو اوي وهيعجبكم جدا .. بس لو كانت اودة النوم مساحتها صغيرة ياريت تخلي الالوان فاتحه لان عموما الالوان الغامقه في المساحات الصغيرة بتخنق ومش بيبقي شكلها حلو .. بس لو كانت مساحة الاودة كبيرة فاللون الاسود او البني الغامق هيبقى رائع بجد وده هتشوفوا في الفيديو وهتشوفوا كمان اود نوم باللون الابيض شكلها حلو اوي واللون الاخضر.. وكمان للناس اللي بتفضل اود النوم الضخمه هحط صور كتير ليها يارب تعجبكو.
|