|
كلنا بنحب الاكسسوارات وخاصة الساعات هي تعتبر كمالة الشياكة والاناقة وبالذات لو انتى بتنسقى الاكسسوار مع هدومك ومكياجك والاكسسوار اللى نازل السنة دى رائع هيعجبكم اوى وعلى فكرة الاكسسوارات كلها رقيقة خالص وفيه منها الضخم علشان يناسب كل الاذواق ... عموما الاكسسوار الحريمى بيبقى اجمل وارق من الاكسسوارات الرجالى الضخمة .. المهم انا منزله صور لساعات حلوة اوى يارب تعجبكم بس اغلبه ضخمة والساعات دى بتكون عاوزة حد ايده مليانه وبالنسبة للبنات الرفيعين من الافضل استخدام الساعات الرقيقة الرفيعة مش العريضة .. وكمان نزلت مجموعة من الكوليهات تجنن بكل الالوان الاحمر والازرق والاخضر والاسود والبنى واللون البنى الصراحة منتشر جدا فى الاكسسوارات والملابس والاحذية والبوطات وبالذات في شتاء 2013 وممكن يجي بعديه اللون الاحمر ... وكمان فيه خواتم باشكالها علي شكل فيونكة وقلوب وكمان حروف .. والحلقان المدورة الطويلة هى المودة وبرضة نزلتلكم صور يارب تعجبكم وفيه اساور وغوايش شوفوا الفيديو والصور وهستني ارائكم وتعليقاتكم
|