فينك يا اصيل .. يا ابن الفراعنه والنيل
يا ابو حبال طويله تمتد لسنين
ضربوا بك المثل والاقآويل في بلاد العرب
والصين..
فينك يا اصيل با ابو المجد والنـــــــــيل
امتد مجدك لبلاد ياما كثير استفادت
منها بلاد الفرنجه والانجليز ..
ليه ودعت شهامتك وكرامتك..
وغرزت رجليك في الطين وجريت وراء
المخربين اللي قصدهم يخلوها خراب
وجحيم.. ليه عملت من ودنك عجين وطين
وطنشت الحق وتبعت التزييف
ليه وانت عارف ان بينا جواسيس عايزه
تدمرنا وتسيب اثر في نفوس المصريين
عشان تبقي تحت رحمة اليهود والامريكان
والانجليز..
ليه قتلت ابنك وجارك باسم الحريه
وسمعت للاعلام ابو كلام غليظ ..
الاحزاب الملاعين بتوع المصالح
والدكاكين عايزين يولعوها عشلن يستفيدوا
كما كان في القديم ..
ما هم عارفين انهم اصحاب ذنوب وهيتحاكموا
مثل المساجين..
عيني عليك يا ام القلب الحزين فين تروحي
بين الحاقدين ولا السارقين ولا اصحاب
النفوذ الناهبين ولا رؤوس الفساد الطامعين
ولا البلطجيه اللي اتعلفوا من لحم
الغلابه الكادحين عيني عليك يا ام التراب الكحيل
الكل حوليك طامعين نفسهم يقطعوكي
مليون حته عشان يرتاح قلب الخنزير ..
وعجبـــي