اكيد كلنا عارفين ان الليمون فى فيتامين سى و دا كويس علشان البرد طبعا و عارف ان العنوان كان الليمون و الشاى الاخضر او الشاى العادى علاج البرد
بس فى اكتر من طريقه علشان تساعد فى علاج البرد انشاء الله.
اول حاجه تعصر الليمون على الشاى العادى متحلى بسكر وتشربه سخن و تنام (مش تخرج او تسهر ودا فى كل الوصفات السخنه).
تانى حاجه تعصر الليمون على مياه الافضل سخنه من غير تحليه خالص ومفعولها جامد بس طعما صعب شويه برده تنام بعدها علشان البرد يطلع من الجسم.
او شاى اخضر مع الليمون دا يكون متحلى بعسل ابيض (على فكره جامد جداجدا) ولو انت بتحب جنزبيل زود هينفع اكتر للبرد
و ممكن شاى اخضر و جنزبيل بس ودا بينشط الدوره الدمويه بشكل جامد جدا
اما الوصفات البارده(للبرد برده)
الليمون على معلقه عسل اسود على الريق
ليمون على عصير برتقال (طعمه جامد جدا) يفضل انه ما يتحلاش خالص
بالنسبه لمقادير الليمون عموما فى كل الوصفات دى زى ما تحب لان غالبا طعمه بيكون صعب شويتين طبعا كل ما يكون اكتر يكون احسن بس كل واحد على قد ما يستحمل