مش عارف أبدأ منين .. كنت بحب واحدة جارتى وكانت هيا مؤدبة جدا و مكنتش عارف وقتها هيا بتحبنى ولا لأ بس أنا كان أحساسى بيقولى أنها بتحبنى برضو بس أدبها مانعها أنها تتجاوب معايا المشاعر و الأحسايس . المهم فيوم كنت قاعد و هيا عدت من قدامى .... كنت بفكر أنى أروح أكلمها بس خوفت بصراحة من حاجات كتير كان من أهمها أنها ممكن تعمل مشكلة و أهلى و أهلها يعرفو . بعديها لومت نفسى أنى مكلمتهاش و قولت المرة اللى جاية لازم أكلمها و فعلا عدت من قدامى تانى يوم و صممت أنى أكلمها بس للأسف فى حاجة كانت منعانى بس مكنتش عارف أيه هيا .. قاومت تفكيرى ده و روحتلها و قلتلها السلام عليكم فردت السلام و قلتلها أنى معجب بيها و كدة راحت ردت عليا و قالتلى ليه؟ انا من الكلمة أتلغبطت خاصة أنى أول مرة أكلم بنت فى حياتى و معرفتش أرد عليها أقولها أيه و لما هيا لقتنى سكت راحت سيبانى وماشية و من سعتها لا بقى فى نظرات ولا بقى فى أى حاجة خالص مبقتش بتبص عليا ولا أكنى موجود . أنا عن نفسى شاب وسيم و الحمد لله الحالة المادية معقولة جدا و شقتى جاهزة و جاهز للزواج يعنى كامل من مجاميعو .........
المهم أنا خايف أروحلها و تكسفنى تنصحونى بأيه يا جماعة ؟؟؟؟؟؟؟؟؟
أرجوكم محتاج مساعدتكم