قبل ما المس حتى كفوفك
عشت في حلم جميل وياكي
كنت انا فارس على جوادك
كنت انا حارس ورد خدودك
كنت انا لامس كل قيودك
وان فكرت في يوم اتمنى
مش هتمنى غير في وجودك
ما انتي الروح والعين والنني
وان بصيتي في وسط المايه
هتلاقي احلى عيون عسليه
فيها انا بسرح فيها بطير
فيها حاجات تانية كتير
يمكن دايما اشوف في عنيكي
صدق الدنيا وكل ما فيها
ضحكة ودامعه ساكنين فيها
صافية في لونها زي البحر
دافيه في صوتها زي الشمس
حتى الهمس ....
لحن بيوصل قبل الحس
خطوة بتمشي دقة في قلبي
كل ما طفها يفوت من جمبي
وان فكرت اداري واخبي
صدق عيونها بيسبق قولها
كل مشاعري وكل ما فيه
عاشقين احلى عيون عسليه.