ازيكم ياشباب
انا جايه مخصوص اقولكم
نصيحه منى وربنا يسهلى

بص يامان بصى ياومن

لاتمتحن شخص تحبه و الشخص ده يكون غالى عليك..

هتقولولى ليييييييه

اقولكم ليييييييييه

لان فى الغالب لو انت امتحنته هتخسره ..

فعلا ديه
حقيقة وبنعيشها ..

لما تلاقى نفسك بتعز شخصا او تعشقه ..

فتلاقى نفسك من غير قصد بتعمله

اختبارات للوفاء او الخيانه !!!

اللى عن نفسى بحب اسميها

اختبارات كشف الكدب

ايون زى مابقولكم

وممكن يحصل ده بدون ما تقصد ..

ولما بيحصل كده ويعرف بينسحب من حياتك
ايون زى مابقولكم

وممكن يكرهك فتخسره ..

بس للاسف ساعات انت بتكون محتاجه

ومش قادر تستغنى عنه ..


وتمر اوقاتك من غيره طويله وممله



قولولى بقى


*** حصل معاك موقف زى ده
وخسرت اعز شخص لقلبك بسبب اختبار ..؟!!!!!!!


*** ما هو شعورك لو كنت انت اللى
محطوط على اجهزه كشف الكدب
هل هتحمله كراهيه بقلبك ..ولا تتركه مع الوقت عشان يحاسب نفسه ..؟



مستنيه الاراء يارداله

موضوع جميل جدا يابوسي

بس انا للأسف الغلطة الوحيدة اللي عملتها
اني معملتش كدة من الاول
جايز لو كنت عملت الاختبار دا وبحسن تفكير
مش هيعرف الحد دا اني عملت اختبار هتكون عادي يعني
لاني لو كنت عملتها ولقيت الانسان دا مش كويس
اكيد هواجهة علي طول وهسيبة من غير كلام
لكن اللي حصل كالاتي
معملتش اي اختبار او بمعني اصح مكنتش بشوف
ولما شوفت كنت متاخر جدا
فانسحبت علي طول بس قولت ياريت
وانا مبحبش اقول الكلمة دي
فجايز الاختبار بيكون كويس وليه معني وقيمة في الاول
وفي الاول والاخر دي وجهة نظري
وشكرا ليكي علي الموضوع الجميل دا
وتسلم ايدك

تسلم يا احمد يا جميل على ردك ورأيك
بس زى ما انا قلتلك ساعات كتير الاختبارات دى بتودى فى داهيه
واللى قدامك بيشوفها عدم ثقه مش اقل من كده
ونورتنى يا ابو حميد جدا بمرورك الغالى

انا الموضوع فعلا بيحصل معايا دلوقتى
يعنى اقرب صاحب ليا بيستجوبنى بطريقة سخيفة
فعلا خلتنى اضايق منه وابتديت اكرهه
للأسف شكل الموضوع خلاص بينتهى
بس الغريبة انى مش فاهم ايه لازمة كلامه ده
وايه اللى حيستفيده منه
يالا الحمد لله على كل شئ

انا من رأى الشخصى
انك الكلام اللى انت بتقوله ده والاسئله دى
المفروض انك تسألهاله هو وتوجهه فيس تو فيس
وتعرف سبب اللى بيعمله ده ايه
علشان فعلا حبك ليه ميتحولش لكره علشان الا الصداقه
وحاول ياجميل انك تديله فرصه جايز لما يلاقيك اتغيرت هو كمان يحسن من نفسه
ونورتنى جدا جدا يا حمدى ياقمر