الطريقه
نضرب البيض مع الفانيليا وشويه الخل ونخلطهم بالمضرب كويس جدا وبعد كده نحط السكر ونخلطهم كويس ونكون على جمب محضرين الدقيق المنخول ونضيف عليهم البيكنج بودر ومعلقه نشا وشويه الملح ولما نخلط البيض مع السكر نضيف
الميه شويه بشويه وبعد كده نحط معلقه معلقه من الدقيق المخلوط بالبيكنج بودر والنشا لحد ما نحطه كله فى الوعاء اللى بنضرب فيه البيض والسكر وبعد كده نحضر الصينيه اللى هنحط فيها الكيك وندهنها بالسمن ورشه دقيق خفيف عشان ما نعرف ننزلها من الصينيه لما تستوى واهم حاجه نكون مشغلين الفرن قبليها بنصف ساعه على درجه 180 وندخلها فى الفرن على الشبكه اللى فوق ومانفتحش الفرن خالص وهى فى الفرن عشان ما تهبطش ونسيبها 45 دقيقه ونطلعها بعد ما تستوى وننزلها على شبكه عشان تتهوى كويس ومتعرقش فى الصينيه
ومن العوامل اللى بتساعد على ان الكيكه ما تنجحش الاتى
اولا :يجب نخل الدقيق على الاقل مرتين
ثانيا:نضرب البيض كتير بالمضرب الكهربائى
ثالثا: لما نضيف كل المقادير على بعضها نخلطها براحه عشان الهواء ما يدخلش جواها ويتسبب فى هبوطها وعدم نجحها
واذا عيزينها تكون بالكاكاو ننقص معلقتين دقيق ونضيف بدلهم معلقتين كاكاو ٍٍ
ٍٍ