السلام عليكم و رحمة الله و بركاته
اليوم حبيت اشارك معاكم بوصفة جميلة و جديدة و هى طريقة عمل الجبنة الرومى فى المنزل ، و طبعاً دى هاتوفر علينا كتير علشان مفيش بيت مش بيحب الجبنة الرومى و بكده هتقدرى تظبطى الميزانية
كفاية كلام بقى و نخش فى الموضوع

أولاً : المقادير

1 كيلو لبن كامل الدسم - علبة زبادى بلدى - فلفل اسود حسب الطلب - ثلث كوب ماء مثلج - ملعقة صغيرة ملح - عدد 1 بطاطساية مسلوقة و مهروسة - عدد 2 ملعقة قشطة



ثانياً : طريقة التحضير

اول حاجة نحضر اللبن و نضعه على النار نغليه و بعد ما يغلى نحط الزبادى و نقلب جامد مرة يمين و مرة شمال بالعكس يعنى لمده خمس دقائق على النار و بعد كده نشيل الحله من على النار و نجيب المياه المثلجة و نحط عليها الفلفل و الملح و نقلب كويس قوى و بع كده نضيفها على اللبن و الزبادى و نقلب جامد علشان مفيش حاجه تكلكع و بعدين نحط البطاطساية المهروسة و بعديها القشطه و نقلب و بعد كده نجيب شاش و نحطها فيه و نعصر جامد علشان المياه و المواد السايله و نتركها 12 ساعة و كل شويه نعصر و بعد 12 ساعه هنجيب شاش تانى نظيف و نحط فيه الجبنه هتكون مسكت عن الاول و نقفل عليها و نضع حاجه تقيله عليها و كل شويه عصر و كل شويه تغير الشاش لحد ما يكونش فيها سوائل و بالهنا و الشفا

اسفة على الرابط القديم
الرابط الجديد هنا
طريقة عمل الجبنة الرومى فى المنزل

تسلمي يا قلبي ما تقصريش الله يحفظك

ربى يكرمك و الى المزيد من التألق