نجوم مصرية
منتديات نجوم مصرية منتدى المواهب منتدى موهوبين الادب والشعر




(( ..... مستنى اجاباتك يارب , بس متنسنيش ..... ))

 

(( ..... مستنى اجاباتك يارب , بس متنسنيش ..... ))



مستنى اجاباتك يارب . بس متنسنيش .....

مش عارف يارب , هتسامحنى ولا متسامحنيش .

بس فى حاجات شغلانى ومتلومنيش .






وصدقنى مش عارف اكبر ولا اديها تطنيش .

مستنى اجاباتك يارب . بس متنسنيش .....

اسئلة كتير بتلف فـ دماغى (( متوهاااااااااااااااااااااانى )) .

بتاخدنى من مكانى ولطرق كتير (( مودياااااااااااااانى )) .

بتوهنى , تسبنى وبرضه (( مبتجاوبنيش )) .


مستنى اجاباتك يارب . بس متنسنيش .....

س :: ليه ناس مكتوبلها تضحك وناس النكد والتلطيش ؟!

س :: ليه ناس تعيش فـ المركز وناس جنب الحيط (( غلابة ملهمش غير التهميش )) ؟!.

س :: ليه فى سيد وعبد ؟! آمر ومآمور ؟! منسى ومبيتنسيش ؟!.

س :: ليه قووى وضعيف ؟! غالب ومغلوب ؟! ناس تكفرنى وناس مبتكفرنيش ؟!.

س :: ليه ناس ليها أهل , وغيرهم الدنيا بتقولهم بصوت عالى (( متعشونيش )) ؟!.

س :: ليه ناس لاقيه تاكل وتلبس وتشوف , وغيرهم مش لاقى لقمة عيش ؟!.




مستنى اجاباتك يارب . بس متنسنيش .....

س :: ليه يارب ليك (( بيوووت كتير )) ,وناس مش لاقين " جاوبنى متحيرنيش "؟!.

س :: ناس بتستجيب ليها وواقف جنبيها , وناس بتصرخ والرد "" مفيش ""؟!.

س :: ليه ناس بسهولة (( تنحنى )) ,وغيرهم (( يموت ولا ينحنيش )) ؟!.

س :: ليه الاختلاف (( اراضى , اديان وأمم )) , فهمنى (( متوهنيش )) ؟!.

س :: ليه الفرصة بتيجى لناس , ولغيرهم (( مابتجيش )) ؟!.

س :: ليه قصص حب بتكمل , وكتير بيموت مش بيعيش ؟!.

الاسئلة صعبه والحوار (( خرج عن المألوف ))

بس انا مؤمن بمحبتك اللى ادتنى الحرية اسأل من غير خوف

وخلى بالك مستنى اجاباتك , بس متنسنيش.

م/هانى صموئيل

Eng/Hany Samouel







المقال "(( ..... مستنى اجاباتك يارب , بس متنسنيش ..... ))" نشر بواسطة: بتاريخ:
زهرة الصحراء الزرقاء
رب العالمين ادبنا وربنا وبعث فينا مخلصنا المشكله فى الناس وتفكيرهم المشكله فينا والدنيا ده حالها
بس بقول ان الغلط فينا



اسم العضو:
سؤال عشوائي يجب الاجابة عليه

الرسالة:


رابط دائم

مواضيع مشابهة:
يارب ، يارب دعوناك فاستجب لنا يارب
ارتفاع قتلى السيول والطقس السيئ فى مصر الى 12 (ربنا يرحمهم يارب واسترها يارب)
كلمات اغنية متوصنيش من البوم تامر حسنى قرب كمان

Powered by vBulletin Version 3.8.8
Copyright ©2000 - 2019, Jelsoft Enterprises Ltd
جميع الحقوق محفوظة © fmisr.com منتديات نجوم مصرية