كثيرا من الاحيان
يرى البعض ان هذا الجيل جيل فاشل ولا يقدم اى جديد
ويرد الجيل احنا مش فاشلين احنا مظلومين
طيب وبعدين
احنا كده بنلف فى دواير والدنيا بتلف بينا
انت شاب وانتى شابة
ناقصكم ايه عشان تبقى ايجابى
فكرت مرة تخلى ليك قدوة او مثل اعلى تسير على طريقه

طب مين مثلك الاعلى او قدوتك
ثوانى قبل ما تقول
بلاش تقول قدوتى سيدنا محمد صلى الله عليه وسلم لانك مش بتعمل اى حاجة من اللى بيقول عليها الا من رحم ربى
وبلاش كمان تقول الممثل الفلانى او المغنى العلانى
شوف قدوتك مين وقولها
وكمان عرفنا اسباب اتخاذك ليه قدوة
يمكن تنبه اخواتك ليه
يلا مستنى مشاركتكم
بس زى ما قولنا نتكلم بصراحة واللى مش ليه قدوة يقولمش عيب

انا قدوتى امى بصراحة
فى قوتها وطيبتها وحبها لينا
وكفاحها فى شغلها وفى انها قدرت
تحافظ علينا وتوفق بين شغلها وبيتها
وعمرها ماقصرت فى تربيتنا

شكرا لموضوعك يااميدو

موضوع رائع ياميدو دائما مواضيعك مميزه وتصل الي القلب لانها من انسان صادق
عندك حق ماينفعش نقول سيدنا محمد رسول الله لان كلنا بنغلط ومش بنعمل بسنته في كل وقت ومكان
بس بصراحه انا حاطه قدامي ماما وبابا ماما امراه عظيمه اه مش دكتوره مشهوره ولا بتطلع في التلفزيون بس انسانه جميله ديما بتوجهنا للصح وديما تقول استعن بالله في كل امورك وربنا هايحققلك كل مطلبك
اما بابا ده بجد اعظم اب شفته ربنا يرضا عنه ديما انا حسه ان ربنا بجد بيحبه انسان عظيم كفايه محبة الناس ليه من غير مصلحه ربنا يحفظهم من كل سوء ويكتبلهم رحمته
ويهدينا كلنا للطريق الصح ويبعد الشيطان عنا
موضوع هادف ورائع
تقبل مروري

انا قدوتي غير بابا وماما طبعا استاذ حسن استاذي ف التدريب لانه بجد شخصيه مكافحه جدا ومحترم

اوي وشهاداته العلميه كويسه جدا وبيخاف علينا اووووي زي اولاده وياريت ابقي زيه في كل حاجه

والهي موضوع جميل جدا انا قدوتي كل انسان ناجح بحق

تسلم الايادى ياقمر على التوبيك الجميل
وانابصراحه قدوتى امى
لانها فى كل حاجه بيرفكت وانى نفسى اكون حتى ربعها
ميرسى ياقمر

أنا قدوتي

هيا أصغر مني بسنوات

بس قدوة في شخصيتها وتصرفاتها وكل سلوكها

في حبها لربنا وخوفها على غضبه

في حاجات كتير قوي قوي قوي مش هقدر أحكي لكم عنها كلها

قدوتي هيا زوحتي ربنا يخليها لي

طبعا زي ما عودتنا يا ميدو مواضيعك بتشد الكل

ومواضيع هادفة وموضوعية كمان

احنا مش جيل فاشل ولا الي قبلنا جيل ايجابي ومش فاشل بردو

الجيل الي قبلنا عاش ظروف احنا مش عشناها الي قبلنا يمكن عاشو في ظروف الاستعمار وكدة

ومكانش في نت زي الجيل دة

الجيل دة جيل متدلع حبتين عندو تكنولوجيا خلت للحياة عندو فيها رفاهية

بس الرفاهية دي مش هي الفشل الجيل الي قبلنا هو الي شايفها فشل علشان مكانتش عندو الي عند الجيل دة

هما كانو بيشتغلو القوة الجسدية انما الجيل دة بيشتغل بذكاؤو بعلمو الي اتعلمو ودة في حد ذاتو حاجة ايجابية مش فشل

كل جيل وليه مميزاتو وعيوبو

اما عن القدوة فانا مش عندي قدوة واحدة بس لالا كل انسان ناجح محترم متدين فهو بيمثلي قدوة لازم انهج نهجو او احط نجاحو قدام عيني علشان هدف لازم اوصلو


ميرسي اخي على الموضوع الرائع

تقبل مروري بود

بسم الله ماشاء الله عليك يا ميدو

مواضيعك كلها رااااااااائعة واحلى من بعضها

انا قدوتي أمي ......... لانها بصراحة الزوجة والام والاخت والصديقة والحبيبة وربة المنزل والمتوفقة في شغلها

وصبووووووووووووووووووووووووووووووووووووورة لأقصى درجة ......... نفسي بس اكون ولو جزء بسيط منها

ياااااااااااااااااااااااااارب ............. ربنا يخليهالي ومايحرمنيش منها ابدا ......... آآآآآآآآمين يارب العالمين.

موضوع رائع جدا جدا

اولا مفيش انسان يتخد قدوة فكل تصرف لان كل انسان بيغلط

وانا ككل يوم بقابل ناس واتعامل معاهم وبتعرف

فاى صفة او تصرف بيعجبنى فحد بغض النظر عن هو مين بقلده فية

وباخده قدوة وفى الاخر بجمع صفات كويسة كتيرة


تسلم ايديك

For me It's my father ,He was very poor ,But he did the best to teach us, and here we are : Two science comuter engeener .
Thanks Dad.

موضوعك رائع ياميدو ( مانص ) :d

تصدق انا مليش قدوة

ساعات كتير كنت بفكر بلاقي انا قدوة نفسي

ديما بحاول ابقى انا

في ناس كتير ناجحه قدامي زي والدي ووالدتي واخواتي

بس انا قدوتي نفسي لان مقتنع اني عمري مهبقى حد تاني غيري

وعمري مهبقى زي حد

تقبل مروري

موضوع جميل قوي ياميدو
واكيد كل واحد فينا بيشوف في حد معين مثله الأعلى
وبيحاول يقلده وياخد منه حتى طباعه
طريقة مشيته مثلا ، ضحكته ، نظرته
دا أكيد بجانب الشخصية وأي حاجة كويسة بيعملها
كرمه ، شخصيته القوية ، او طيبة قلبه
انا عن نفسي باخد ناس كتير قدوة ليا في حياتي ومش بحاول التزم بمثل اعلى واحد
يعني مثلا واخد من الوالد شخصيته المحبة للسفر ، الجد في العمل
واخد من امي طيبة قلبها وحنيتها
واخد من جمال عبد الناصر اعتزازه بعروبته واصراره على تحقيق الحق
وهكذا

*** تحياتي ***

نايس توبيك يامحمد بجد مواضيعك أكثر من رائعه
ويارب نشوفك كده ديما وبل اكثر
انا بقه ياسيدىا قدوتىا امىا وابىا واخىا واختىا
يعنىا اسرتىا كلها بتعلم منهم حاجات كتير
وبحب فيهم حاجات كتير وربنا يخلهوملىا يارب
وما يحرمنىا منهم ابدا ابدا ابداااااااااااااااااااااا
ولا يحرمنا منك انت يامحمد ومن توبيكاتك الرائعه دىا

تقبل فائق احترامىا ....وتقديرىا.....ثم مرورىا....

كما عوتنا دائما مواضيعك ما شاء الله عليها
بالنسبه لقدوتى صراحه انا بحب جدى جدا جدا لانه كان عالم ازهر رزين جدا بجد مجتهد فى المسائل الدينيه وبحب محمد صبحى جدا ونفسى اقدم مسرحيه باشرافه واكيد ماما وبابا فى كفاحهم وحبهم لينا اللى مشفتش زيه وحاطه قدامى اخلاق صحابه المصطفى صلى الله عليه وسلم لعلى وعسى اقدر احقق ربعها حتى
وشكرا على الموضوع الجميل

شكرا اخواتى على الردود والمشاركات الهائلة والغير متوقعة وايضا الردود الجميلة
واحب ان اضيف بعض ابيات الشعر التى صادفتنى وانا ابحث فى موضوع القدوة والمثل الاعلى

...:: يا سائلي عن قدوتي ::...

يا سائلي عن قدوتي و أئمّتي
صحبُ النبي هُمُ أصحاب الرفعـةِ
***
ففي سننٍ روى لنا ابن ماجةِ
كلم النبــي في مدح الصحابـةِ
***
أبو بكر هو أرحم من في أمتي
و أبو حفصٍ هو أقواهم في العزمةِ
***
عثمان ذا صدق الحياء لأمتي
و ذا علـيٌّ نجـم قضاة الأمـةِ
***
هذا أبـيّ كاتـب القـرآن
أقـرؤنا لكتـاب رب البريـةِ
***
أما الذي هو أعلمنا بفرائضٍ
ذاك الجليل زيـد بـن ثابـتِ
***
و معـاذ فينا سيُّد العلمـاءِ
و أبو عبيدة ذا أميـن الأمـةِ
***

انا قدوتى اختى الكبيرة

ميرسى ياميدو ع التوبيك