مرة واحد صعيدي جديد علي نجوم مصرية
طبعا كل اللي داخل الموضوع دا، عاوز يعرف ايه هيا اخر أخبار نكت الصعايدة في مصر زي ما اتعودنا عليها السنين اللي فاتت دي، وطبعا مفيش أكتر من النكت علي الصعايدة المتنشرة بين المصريين، بس موضوع نكت أنهردا مختلف شوية وهو مش نكت جديدة بس هيا عادات موجودة في معظم أهل الصعيد والبعض من المصريين أيضا، ودايما كنا بنسمع وإحنا صغيرين مرة واحد صعيدي ... ويكمل النكتة وانهردا هنقول مرة واحد صعيدي بس بطريقة مختلفة شوية واتمني ان هيا تنتشر بين الناس زي ما النكت كانت بتنتشر من شرقها لغربها في وقت قليل جدا.
أترككم مع مره واحد صعيدي
- مرة واحد صعيدي من يومه وعنده سلاح فى بيته ومستخدموش الا لشرفه و كرامته مش للتخريب.
- مرة واحد صعيدي عياله ماتوا تحت القطر و ما طلعش قطع طريق و لا حرق المنشأت في الوقت الذي يقطع الطريق فيه اللي عايز علاوة أو زيادة في مرتبه.
- مرة واحد صعيدي علمنا الرجولة و صبر في وقت يعز فيه الصبر على الصابرين.
- مرة واحد صعيدى سمع عن مجموعه بتخرب فى البلد مسكوهم ربطوهم ف الشجر لحد ما يبانلهم صاحب.
- مرة واحد صعيدي الدم عنده بقى ميه يغسل بيها حقد الإعلاميين اللي فكروه ممكن يحرق مصر و يحول الصعيد لحرب أهلية.
- مرة واحد صعيدي الناس كانت بتنكت عليه و هما ما يعرفوش انهم طلعوا بالنسبة ليه نكته كبيرة.