فى مفاجأة كبرى وغير متوقعة قامت محمكة جنح الدقى برئاسة المستشار محمد الصاوى صباح اليوم الأربعاء بإصدار حكم قضائى بحبس السيد رئيس الوزراء الدكتور هشام قنديل سنة وتغريمه مبلغ 2000 جنيه إضافة إلى عزله من منصبه الحالى كرئيساٌ للحكومة الحالية , جاء ذلك الحكم على خلفية الدعوى القضائية المقدمة ضد الدكتور هشام قنديل من عمال شركة طنطا للكتان لعزله من منصبه بعدما إمتنع سيادة رئيس الوزراء الدكتور هشام قنديل عن تنفيذ حكم قضائى سابق تم صدوره من محكمة القضاء الإدارى يقضى ببطلان بيع شركة طنطا للكتان إلى رجل الأعمال السعودى عبدالله الكعكى ورجوع ملكيتها مرة أخرى الى الدولى مع عودة جميع العمال الذين تم تسريحهم من بعد بيع الشركة الى العمل مرة أخرى على سابق أوضاعهم .

ههههههههههههههههههههه ومبارك 30 سنه فساد اخلو سبيله

عل فكرة بابا كان مدير عام الشركة دى .. ودى اصلا اتباعت لواحد سعودي ورافض يردها للبلد
الحكاية ان المستثمر السعودى دفع للبلد ما يقارب 90 مليون لشراء الشركة المكونة من عشر مصانع .. ودفع ما يقارب ربعمية مليون تحت الظرابيزة رشوة للحرامية اللى عندنا علشان يرسو المناقصة عليه .. وطبعا علشان تستردو الشركة دى بارضها اللى مساحتها على ما اتذكر تتجاوز 90 فدان ودى تعتبر اكبر شركة في الشرق الاوسط لتصدير الكتان .. فبيطالب السعودى انة يسترد اموالة كاملة بما فيها الرشوة اللى اندفعت للهليبة بتوعنا .. اما لو انتزعت منه الشركة نزولا على تنفيذ الحكم القضائي اكيد دا هيسبب مشكلة دبلوماسية كبيرة مع السعودية .. وطبعا القضاة عارفين المعلومات اللى انا بقولها دى .. وعاملين كماشة على نظام مرسي

للأسف الشديد قضاء مصر الشامخ العادل هيطلع كل الحرامية براءة وهيدخل الإخوان والحكومة السجن علشان لحم كتاف القضاة الشامخون العادلون من خير شيخ المنصر الكبير المخلوع .بصراحة حاجة تقرف.

و يا تري حيتنفذ الحكم ده ؟؟؟؟؟؟؟؟؟؟؟؟؟؟؟

ولا حد فاهم حاجة

واللى زعلان مش عارف زعلان على القضاء ولية مش عارف واللى زعلان تانى مش عارف زعلان على مرسى ولا الكماشة ولا زعلان عالكتان ولا زعلان عاللى كانوا شغالين فيها ؟؟؟؟؟؟؟؟؟

هى دى مشكلتك يا شعب مصر