قصيدة الامير السعودى عبد الرحمن بن مساعد فى حب الامارات

ياالإمارات القصايدْ / مُعْجِزَة شاعرْها زايد

صاغَهَا بْنَبضَهْ وروحَهْ /وبْعَمَلْ مُضْني وكايِدْ

لين وَصَّلها الثّريّا /لين لَبَّسها القلايِد

عل ربّي ينير قَبْره /من هنا ليوم الشّدايد

وعلَّه مْخَلَّد ومَرضي /في نعيمٍ ماهو بايد

إن رَحَل زايد فباقي /ذِكْرَه فْ أُسْدٍ فرايد

في خليفة في محمد /وقادةٍ من نسل قايد

عَلَّكُم في عز دايم / والأمن والخير سايِد

يالإمارات الحبيبة / ماني بْطبعي مُحايِد

طبعي سعودي حقيقي / يرجي لرَبْعَه فوايد

طبعي سعودي سعودي مالي فْ نَصْب المكايِد

والسعودي دوم صادق / في القديم وفي الجدايد

والسعودي دوم وافي /لخير ربْعه دوم رايِد

والسعودي دوم ثابت / ما تغيّرْه الكوايد

وماني الّي يقول شِعْرَهْ /لجل تنْشرْه الجرايد

قلت من صادق شعوري /ياالإمارات القصايد

علَّها تْدوم المحبَّه /علَّها تْوَرَّثْ عوايد

بين أرض أكرَم قياده / وارض ابونا الشيخ زايد