بالتفصيل طريقة عمل اجمل فتة العدس بالثوم و الخل من مطبخ همسه احمد
احيانا بزهق من اللحمة و الفراخ و بتكون فتة العدس بالخل و الثوم اول حاجه تخطر علي بالي علشان اغير شويه في الاكل
ايه رايكم نشوف مع بعض طريقة عمل فتة العدس بالخل و الثوم اللي بستفيد فيها من بقايا العيش البلدي عندي بدل من رميه ....
المقادير
نصف كيلو عدس
3 طماطم
2 جزر
بصلة كبيرة
ثوم مفروم بالملح و الكمون و الشطة و الفلفل الرومي
و 2 رغيف بلدي كانوا مكسرين عندي
سمنه او زبدة
خل
الطريقة و بالصور بقي من مطبخ همسه لعيونكم
اغسلي العدس كويس لحد ما تلاقي ماء الغسيل بتاعته بيضاء و بغطيه بالماء و ارفعيه عالنار
قطعي البصل و الجزر و الطماطم و ضيفيهم للعدس
و دا الثوم المفروم عندي علي طول في الفريزر بالشكل ده بستعمل منه لكل الاكل بسهوله
بكون فرمته مع كمون و شطة و ملح و فلفل رومي
حاخد منه معلقه تقريبا و احط عالعدس
و اتركه يغلي على نار هادئة لحد ما يستوي
قطعي العيش و دخليه الفرن لدقائف يتحمص شويه حسب رغبتك
بعد ما العدس يبرد شويه ضربته في الخلاط و حطيته على العيش
شوحي الثوم في معلقه سمنه لحد ما يبقي لونه ذهبي تقريبا و اطش عليها الخل
و ادي الطشه ضفتها لفته العدس طشششششششششششششش ... يمي يمي عالريحة رااااائعة و الله
و بالف هنا و شفا علي قلوبكم يارب
و ان شاء الله ارفع لكم الوصفة قريب عاليوتيوب في قناتي
هنا
http://www.youtube.com/user/maya888888888?feature=mhee
او هنا
http://www.youtube.com/user/hamsaa999999999
ووصفات شهية مصورة بالصوت و من مطبخ همسه احمد
دعواتكم لي يبارك لي في اولادي و يرزقني برزقهم امين يارب
همسه احمد
