لكل الاعضاء وزوار منتدى نجوم مصريه ولكل اصحاب النكت النهارده جايب لكم اجمل واروع النكت عشان تنبسطوا وتفرفشوا وتضحكوا معانا واليكم هذه النكت اتمنى ان تنال اعجابكم
مرة واحد سكران قابل واحد سودانى لابس جلابية بيضا قال انا اول مرة اشوف تلاجه موتورها فوق
مرة 4 دخلوا يحيو فرح راح الاول نقط بخمسة جنية وضرب طلقة في الجو راح التاني منقط بعشرة جنية وضرب طلقتين في الجو راح التالت منقط بعشرين وضرب ثلاثة طلقات في الجو جه ابوهم وحب يعمل مجاملة نقط بمائة جنية ورمي قنبلة علي الفرح
مرة ديك وفرخة ماشيين جمب محل شاورما ام الديك قال للفرخة شوفتى جزاء الى مبتسمعش كلام جوزها
جماعه الطيارة هاتقع علشان الوزن تقيل ممكن تلاته من الركاب يضحوا بنفسهم علشان الباقى يعيش قام الامريكى وفتح الباب وقال امريكا رمز الحريه ورمى نفسه قام بعده الفرنساوى وقال فرنسا رمز التضحيه ورمى نفسه قام الصعيدى بعدهم وفتح الباب وقال مصر رمز الفهلوة ....... وراح رامى المضيفه
اتنين مساطيل بيحششوا فوق السطح وجنبهم ديك لما صحا الديك الصبح ادن وقال كوكايين كوكايين
ندل بيوصي عياله يكونوا في الحياة أندل منه ، تعب وهو في غرفة الإنعاش جت روحه تطلع وعاوز يودعهم قام واحد من عياله قفل بقه
مات احد الاغبياء البخلاء وترك وصيته ، فلما فتحها اهله قراوا فيها ما يلي:يجب ان ادفن عموديا،وهذا
لغلاء سعر الارض
مره واحد صعيدى واقف جنب صينى . فلاقاه بيتكلم مع نفسو قالو بتعمل ايه فقالو بكلم واحد . راح الصعيدى حط ورقه فبقوه قاله الصينى بتعمل ايه قالو ببعت فاكس
مرة بلدياتنا قعدوا يغسلوا الحيطان بالمياه لحد ما واحد مسكت فيه الكهرباء. قعد أصحابه يشدوه و يضربوه علشان يبعد عن الحيطة ما عرفوش. لحد ما ودوه المستشفى و لكنه مات. .....تقرير الطبيب الشرعي: سبب الوفاة ضرب أفضى إلى موت
فرخة اتجوزت فيل ..جابوا تـشكـِن فيلي
واحد بلدينا اشترى موبايل، ركبله جهاز اظهار رقم الطالب
صعايدة سرقوا بنك معرفوش يعدوا الفلوس قالوا بكرة نعرف من الجرايد
واحد بيكلم نفسه ....................... الرقم طلع غلط
مسطول بيسأل مسطول الساعه كام؟ قاله معرفش، قاله غريبه أنا عندي معرفش إلا خمسه
بلدياتنا اتعزم فى حفلة تنكرية قام غسل وشه
ثنين بلديتنا قاعدين بيكلو قصب لما حبو يقوموا ملقيوش الشوم بتاعهم
والاخيرةصيعيدي راح محل جتوه قال للراجل عنداك جتوة قاله ايوه قاله طب اديني قفصين
فرخة استحمت بهد اند شولدر باضد بيضة من غير اشرة
مره واحد مسطول بييصطاد سمك بالحشيش طلعتله سمكه بتقول : انا تمساااااااااح
بلديات قال لصاحبه .. بالي مشغول من امبارح قاله يمكن حد رافع السماعه
مرة استاد سأل طالب في اي فصل يسقط المطر فال له في الفصل اللى مالهوش سقف
واحدة بخيلة بعتت ابنها يشترى تلاتة ارغفة لما جه قالتله رجع رغيف ابوك مات
مرة واحد مدرس سأل واحد تلميذ أبوك اشترى من الفكهانى اتنين كيلو برتقال سعر الكيلو اتنين جنية يبقى ابوك دفع كام؟ فقالو التلميذ يبقى دفع اتنين جنية ياأستاذ فقالو الاستاذ بص يابنى انت ماتعرفش حساب فقالو التلميذ لا ياأإستاذ دا انت اللى ماتعرفش ابويا
فار محشش قال : كل القطط تحت جزمتى لقى وراه قط اسود قال الا ابو سمره حبيبى
مرة كان في ماتش بين فريقين حشرات في الشوط الاول في فريق انهزم واحد صفر و الشوط الثاني نزلت أم أربعه و اربعين دخلت 42 هدف بعد الماتش صحفي بيسأل المدرب اللي فاز :ليه مانزلتش أم أربعه و أربعين من أول الماتش ٌقاله:كانت بتربط الجزمة
عملوا مسابقة لتعجيز الكمبيوتر كل ما حد يسأله سؤال يجاوب عليه فى اقل من دقيقة جه واحد بلدياتنا حط ورقة فيها السؤال بتاعه الكمبيوتر اتحرق وطلع دخان قالوا له : سؤالك كان ايه بلدياتنا : جلت له ابو جردان جبل ما يخلف جردان كان اسمه ايه؟