الحاجات اللى حصلت معانا اولا التلفزيون كل شوية يطفى وميش عارفين العيب فين ؟
والحمام والمطبخ يشتغل فيهم المية وانا متأكد ان الماتور مقفول المهم كبرنا مخنا ونزلنا شوية كدا وروحنا على 2 بالليل الشقة فى الدور الرابع طالعين لقينا حد طالع قبلينا بدورين كدا ندينا عليه مردش روحنا جرينا عشان نلحقه واول ما قربنا منه اختفى !!! احنا اتجننا جينا الصبح بنسأل البوابة احنا شوفنا حد طالع على السلم وهوا فى حد هنا غيرنا فى العماردة الست قالت اه فى ناس كتير ساكنة ؟؟ انا قولتلها ازاى طب هما فين قالتلى بيجوا بالليل !! ازاى يا حجة طيب قالتلى هما كدا واللى انتوا شفت
وه ده كان واحد منهم انا قولت لصحبى ايه متيجى نعدى على السمسار كدا نشوفه احنا كنا مأجريين يومين نأخد منه فلوس يوم ونمشى قالى لا انا بقى هعد واشوف ايه اللى هيحصل قولتلوه طيب
طلعنا جبنا فطار وكدا اكتشفنا ان فى حجات من حاجتنا بتختفى هدوم فلوس !! شاحن التلفون المهم بقى صحبى دخل يستحمى وفتح الماتور ودخل مفيش مية راضية تيجى فى الحمام وفى المطبخ شغالة !!استغربنا وكان فى حاجة كمان نسيت اقولها الشقة اللى بيعد فيها بيبقى زى متقول مكسل ميش عايز يتحرك يا عم دنا قعدت انا و صحبى ساعتين نتحايل على ينزل يجيب شاى وفى الاخر مجبناش
الكبيرة بقى شوفنا ناس و عيال صغيرة طالعين العمارة كنا احنا واقفين فى البلكونة جرينا انا وصخبى على السلم نشوفهم رايحين فين لقناهم بصلونا بيضحكوا !! فضحكنلهم وصحابى بيقولى احمد انا خايف ويلا نمشى قولتلوه فى ايه قالى بص على السلم كدا تانى بصيت لقيت نور السلم طفى ومحدش منهم بان وهوبا لمينا حاجاتنا وقولنا يا فكيك بس