خليك في حالك وسيب الناس في حالها كل واحد فيه اللي مكفيه

ليه تشتم واحده ماشيه في الشارع وتتهمها بانها ...... لمجرد انها بتتكلم في الموبايل او افتكرت حاجه وابتسمت عليها ماممكن تكون بتكلم امها او والدها بطمنهم عليها.

ليه تتريق علي واحده شكلها مش حلو وتقولها ياساتر يارب ده القرد ارحم منك ماممكن تكون هي عارفه ده وراضيه وبتحمد ربنا وانت كده تكسر مشاعرها وتجرحها بجد.

ليه تضحك علي بنت لابسه بارو...كه ماممكن يكون عندها سرطان وشعرها وقع.

ليه تتريق علي بنت بتحب واحد كبير في السن وتتهمها في اخلاقها ماممكن يكون يتيمه ومحتاجه للامان وحنان الاب بجد.

ليه تتريق علي حد بيضحك وبيهزر وبيالش كتير ماممكن يكون بيشحت الضحكه علشان نفسه يحس انه سعيد وينسي المه وحزنه.

ليه تعشم بنت بالجواز لو انت مش ناوي تتجوزها مانت ممكن تضيع ثقتها وتكسرها بجد.

ليه تخيب امل امك وابوك فيك ماممكن تكون انت الامل اللي هما عايشين علشانه.

ليه تتريق علي لبس حد ماممكن يكون معندهوش غيره.

ليه تشتم حد بيعدي الشارع وانت معدي بعربيتك ماممكن تعب المشي خلاه مش مركز........

خليك في حالك وسيب الناس في حالها كل واحد فيه اللي مكفيه ....