موضوعنا النهاردة عن عمل حظر أو إلغاء صداقة بعض الأصدقاء أو غير الأصدقاء في الفيسبوك
واللي يخلينا نعمل كدة عدة أسباب مش منهم الاختلاف في الرأي بأدب.

أول سبب: اليومين دول زادت المشاحنات على الفيسبوك ووصلت لحدود تتجاوز حدود الأداب العامة وأصبح كل فريق معتز برأيه وبيسفه من أراء الآخرين وبيشتم كمان.

الحاجة التانية، كثرت حالات سرقة الأكاونت على الفيسبوك وأصبحت أكاونتات بعض الناس بتنشر صور مش مناسبة خالص وخاصة واحنا مقبلين على رمضان.

عشان كدة موضوعنا النهاردة هو ازاي ننزه عيوننا عن الشتيمة أو الصور غير المناسبة عن طريق خواص موجودة في الفيسبوك زي الحظر أو إلغاء الصداقة (block or unfriend) أو إلغاء التحديثات من الشخص المقصود.

بنروح على بروفايل الشخص اللي بيشتم أو يسيء الأدب، وهنلاقي فوق كلمة الأصدقاء أو friends بالانجليزي

ندوس عليها، وبعد كدة هتظهر قائمة هنختار منها (منع/إبلاغ) هتجيلنا قائمة نختار منها التصرف اللي يناسبنا

والفيديو دا فيه تفاصيل عن خصائص كل اختيار من خيارات الحظر وإيه الفرق بين الحظر أو إلغاء الصداقة وأيهم أحسن

لو فيه أي استفسارات يا جماعة أنا موجود
وفيه طرق تانية لتنفيذ نفس الإجراء بس أنا اخترت دي عشان جايبة اختيارات كتير في نفس الشاشة

معلومة كمان، الحظر دا ينفع للأصدقاء وغير الأصدقاء، يعني لو فيه أحد أصدقاء أصدقائك بيشارك مشاركات سيئة وانت بتشوفها تقدر تعمل له حظر