النصيحه نقدمها لوجه الله
دخلنا كليه الطب و طلع عين اهلنا فيها و في الاخر اتخرجنا و بنقبض شويه ملاليم
قولنا خلاص ماشي الحمد لله و كل الي يجيبه ربنا كويس المهم نعالج المرضي و نكسب ثواب
تدخل مستشفيات ووحدات صحيه مفيش فيها اي امكانيات غير انك تقعد تاكل و تشرب و تتكلم مع الممرضات و يوم ما تيجلك حاله ، تقوم زي الشاطر تفيتل الحاله و تروح محولها لقله الامكانيات
يعني حتي الشغل مفيش
لا فلوس و لاشغل ولا اي حاجه غير مسؤليه و خلاص و ضميرك يوجعك و بس
و تلاقي شويه ناس فاشله تيجي تقولك اانا جاي افتش عليك و تلاقيه يقعد يحاسبك في حاجات اداريه انت مش فاهم فيها حاجه
و بعد ده كله تروح تاخد تخصص في النيابه بعد 5 سنين كممان ، و اي تخصص تاخده يجيبلك امراض الدنيا و الاخره كلها ، و في الاخر برضه متلفيش لنفسك مكان عدل تتعالج فيه
.
يبقي النصحيه الوحيده
لا تدخلوا كليه الطب
السبب بسيط و الملخص من الكلام الي فات
مفيش فلوس + مفيش امكانيات تعالج الناس + شغل اداريات في وحدات صحيه + 3 سنين ظابط في الجيش + 5 سنين نيابه + فرص التحضير قليله و عايزه فلوس كتير + بيجيلك امراض الدنيا من الاصابه من الشغل