سلام عليكم ،
أعضاء وزوار منتدانا الجميل نجوم مصرية بصفة عامة ، والمهتمين بالفوركس بصفقة خاصة ، انهاردة هنتكلم عن موضوع هام جدا لاى متداول فى الفوركس ( أخبار الفوركس ) ، ويمكن مقال انهاردة هيناقش جزئية تهم المحترفين فى الفوركس ، اكتر من المبتدئين ولكن هذه الجزئية هام جدا ولن يستطيع المتداول ان يعمل فى مجال الفوركس دونها ، موضعنا اليوم عن أخبار الفوركس ، وسواء كنت تتابع الاخبار لتجنب العمل وقت الاخبار القوية أو لمعرفة حالة السوق بشكل عام ، فلابد ان تعرف المصادر الهامة للاخبار المتعلقة بالفوركس ، وسوف نعرض عليكم أهم المواقع التى تعرض أخبار الفوركس بشكل فورى .



يوجد نوعين من الاخبار ، على متداول الفوركس متابعتهم بشكل مستمر :

النوع الاول ، الاخبار العامة : هى اخبار الاقتصاد فى معظم الدولة مثل امريكا ودول اوربا والعالم العربى ، وخبار البترول والذهب ... الخ .

النوع الثانى : الاخبار المجدولة : ودى اخبار مخصصة لمتداولى الفوركس وبيكون لها مواعيد محددة تنشر فيها ولها جداول موضوعة على معظم المواقع الاقتصادية ، ودى تعتبر الاهم بالنسبة لمتداول الفوركس ، لان تاثيرها على السوق بيكون فورى .

وسوف نعرض عليكم الان ، روابط أشهر مواقع اخبار الفوركس بالترتيب .

وسوف نتابع معكم ، موقع الفوركس فاكتورى بصفة خاصة ونشرح كيفية ضبط الاعدادت ومعرفة الاخبار الهامة ، وطريقة عمل الموقع بصفة عامة ، فقط شاركونا لاعطاء الدفعة المعنوية لمزيد من الخدمات والمواضيع الحصرية

صباح الفل

نستكمل اليوم الدرس الثانى من دروس التداول ومتابعة أخبار الفوركس ، وهنتكلم انهاردة عن اكبر موقع اخبار عن الفوركس الى هو الفوركس فاكتورى ، ودة يعتبر فعلا افضل موقع من خلال تجربتى لمتابعة اخبار الفوركس بشكل مباشر ولحظى ، اولا هندخل على رابط الموقع فى الموضوع فوق ، forexfactory.com

ونتابع بقى مع بعض أزاى نعرف نقرا الاخبار ، ونعرف مواعيد صدورها ، واية هى الاخبار المهمة والاخبار الغير مهمة او متوسطة القوة ، نتابع الصور .

الى ظاهر فى دة بالظبط هو الى احنا محتاجينة .



رقم 1 :
دى منها هتظبط الوقت على حسب دولتك ، عشان تلاقى الجدول الى فية اخبار الفوركس بيظهر الاخبار بالوقت المحلى عندك ، ودى افضل عشان تعرف تتابع كويس ، لو انت مثلا من مصر على الساعة ، واختار الى فى بالظبط

و مكان السهم .


رقم 2 :
دى الى بيظهر فيها تاريخ اليوم ، يعنى مثلا ظاهرة انهاردة 9 سبتمبر يبقى كل الجدول دة فية اخبار الفوركس لنهاردة بس ، لو فى اخبار لبكرة هيتكتب 10 سبتمبر وهكذا ، عشان اساسا الاخبار دى مجدولة قبل ما تظهر ولها تواؤيخ معينة حتى نهاية كل اسبوع .


رقم 3 :
هنا بيتكتب العملة الى بيظهر عليها تاثير الخبر ، يعنى مثلا الخبر دة بيأثر فى اليورو ، والى بعدة بيأثر فى الاسترلينى وهكذا ، كل خبر بيأثر فى عملة معينة .


رقم 4 :
دى بقى اهم حاجة ونركز شوية فى الالوان ، لان كل لون لة معنى ، اللون الاحمر معناة ان الخبر قوى جدا ، وهيحرك الاسعار بقوة ، اللون البرتقالى معناها ان الخبر متوسط ، اللون الاصفر دة معناة ان الخبر تاثيرة ضعيف وممكن العملة لا تتاثر بة اساسا .

رقم 5 :
هنا بقى اسم الخبر نفسة ، مكتوب انجلش ، واحنا هنا مع بعض هنبتدى نعمل ورشة عشان نتعرف على معانى الاخبار بالعربى ، لا عليكم ، المهم الخانة دى هى الى بيتكتب فيها الاخبار ، يعنى عنوان الخبر مثلا Current Account الى معناه الحساب الجارى ، ودة خبر متوسط .

رقم 6 :
لما هنضغط على الفولدر الاصفر دة هيدينا معلومات اكتر عن الخبر ، للناس الى بتحب تفهم اية الخبر ومعناه اية بالظبط ، يعنى مثلا الخبر دة حلو للعملة بيدل على رخاء ولا خبر سئ زى مثلا البطالة. فكل ما الارقام تكبر معناها مؤشر سلبى


رقم 7 :
نركز جدا فى الى جايين دول وهعمل مثال يضمهم كلهم ، اولا Actual ودة معناه نتجية الخبر الفعلى الى خلاص صدر .


رقم 8 :
Forecast : هنا بيتكتب توقعات المحللين للخبر ، وبيكون قبل صدور الخبر عشان مثلا الناس الى بتحاول تتوقع تاثير الخبر


رقم 9 :
Previous ، دى القراءة السابقة ، يعنى مثلا الخبر الفلانى دة الشهر الى فات او الاسبوع الى فات كانت قراءتة كذا

-------

ناخد مثال حى على كل الى فات دة ، مثلا عندنا خبر زى Building Permits m/m
نمشى بالخطوات ، الخبر هيصدر 9 سبتمبر الساعة 2:30pm بتوقيت مصر ، ودة معناه تصاريح البناء - ودى m/m معناها شهري ، ولو نلاحظ الخبر هيأثر على عملة CAD الى هى الكندى ، عملة كندا ، وكمان الخبر باللون الأحمر ، يعنى المفروض تاثيرة هيكون قوى ، والخبر دة كل مكان الرقم فية كبير كل مكان كويس للعملة ، لانة دليل على الرخاء وقوة الاقتصاد ، القادر على اعطاء تراخيص بناء وتشييد ، ونييجى بقى للارقام ،
Actual هتلاقية فاضى لحد ما تيجى الساعة 2:30pm بتوقيت مصر ، وقتها هيصدر الخبر ويتكتب الرقم فيها
فى خانة Forecast مكتوب 4.4% وخانة Previous -10.3% ، يعنى المحللين بيتوقعوا ان الخبر يتحسن وترتفع تصاريح البناء هذا الشهر ، وهننتظر ونشوف اية الى هيحصل

ياريت تتابعوا معايا وان شاء الله الموضوع هيبقى مفيد جدا

Building Permits m/m
فاضل على الخبر نص ساعة نلاحظ كدة مع بعض

building permits m/m
فاضل على الخبر نص ساعة نلاحظ كدة مع بعض

المتوقع كان 4.4 الفعلى 20.7%

اعتقد ان الاخبار دى جيدة جدا للكندى ، وممكن ترفع سعرة ، نتابع ونرى

صباح الخير عليكم ، متابعة لاخبار الفوركس اليوم 11 سبتمبر 2013
لو نلاحظ فى موقع الفاكتورى ، هنلاقى كمان ساعة تقريبا بتوقيت يوجد 3 أخبار على الباوند
GBP



اول خبر ودة شديد الاهمية
Claimant Count Change والى معناه
التغير في شكاوي البطالة لشهر أغسطس

وبعدين خبرين

Average Earnings Index 3m/y
معدل الدخل


Unemployment Rate
معدلات البطالة لشهر يوليو


الساعة 10 تقريبا هتصدر الاخبار ، نتابع ونرى

شوفوا ازاى تفاعل الباوند مع الخبر

متابعة .. لاخبار الفوركس الهامة لغدا 16 سبتمبر 2013
هذه اهم اخبار الغد وسوف نتابع معكم الاخبار لحظة بلحظة ، ونرى ما تاثير كل خبر على العملات

أخبار الفوركس اليوم الثلاثاء 17 سبتمبر 2013


بعد دقائق من الان اخبار قوية على اليورو ، بعد ان صدرت عدة اخبار قوية على الاسترلينى ، افتحوا شارت الاسترلينى وشاهدوا كيف تفاعل مع الاخبار التى صدرت من دقائق ، الان نحن نتظر صدور خبر استطلاع ZEW - المعنويات الاقتصادية (سبتمبر)
وهو خبار قوى باللون االحمر

اخبار الفوركس اليوم الاثنين 30 سبتمبر 2013 ( 30 9 20133 ) ، نلقى نظر على اخر اخبار الفوركس لهذا اليوم ( للعلم كل الاخبار الظاهرة فى ، بتوقيت مصر ) .

اخبار الفوركس اليوم 3 اكتوبر 2013 - اخبار الفوركس الخميس 3/10/2013
نلاحظ ان كل الاخبار المهمة انهاردة على الدولار ، والجنية الاسترلينى فمن المتوقع ان يتحرك زوج الباوند بسرعة اليوم الخميس ، نرجو الحظر والدخول فى الصفقات باستوب :

اخبار الفوركس اليوم 4 اكتوبر 2013 - اخبار الفوركس الجمعة 4/10/2013
هنلاحظ ان الاخبار انهاردة مش كتير ، لكن طبعا كلها اخبار مهمة ، بالاضافة الى اننا فى يوم الجمعة
يعنى الكل ياخد بالة جدا الحركة بتكون سريعة ، وربنا يارب يوفق الجميع

اخبار الفوركس اليوم 9 اكتوبر 2013 - اخبار الفوركس الاربعاء 9/10/2013
معظم اخبار اليوم قوية ومتوسطة ، ارجو من جميع المتداولين الدخول بحذر هذا اليوم ، خصوصا على زوج الاسترلينى دولار ، لكثرة الاخبار الواردة علية اليوم
شكرا. قائمة الاخبار ليوم الاربعاء 9 أكتوبر 2013

نتابع معك اليوم الجمعة 11 اكتوبر 2013 اخر اخبار الفوركس ، اليوم هو اخر ايام التداول بالنسبة لسوق الفوركس ، والاسعار عادة تتحرك بسرعة لكى تصل الى ارقام محددة مسبقا قبل الاغلاق ، نتابع معكم اخبار هذا اليوم من خلال الفاكتورى الشهير : اخبار الفوركس الجمعة 11 اكتوبر 2013



نلاحظ ان معظم الاخبار لهذا اليوم جاءت على الدولار ، يرجى توخى الحذر فى التعامل مع ازواج الدولار اليوم

اخبار الفوركس اليوم الاثنين 14 اكتوبر 2013
نلاحظ ان معظم الاخبار اليوم ليست اخبار قوية ، ويوجد اجازات للبنوك فى الكثير من دول العالم
نتوقع ان تكون حركة اسعار العملات اليوم 14/10/2013 متوسطة او مائلة الى الهدوء
شاهد الاخبار

نظرة سريعة على اخبار الفوركس اليوم الخميس 24 اكتوبر 2013 ،قبل بداية السوق الانجليزى بقليل ، حيث ينتظر متداولى الفوركس خلال الساعات القليل القادمة افتتاح بورصة لندن للتداول ، وسوف نتعرف على اهم اخبار اليوم 24 اكنوبر من خلال هذا الموضوع ، القادمة توضح اهم الاخبار ، الخبر باللون الاحمر ، يعنى ان الخبر تاثيرة سوف يكون كبير على الاسواق ، اللون البرتقالى سعنى ان الخبر عادى ، الخبر الاصفر يعنى ان الخبر ذو تاثير طفيف

اجندة اخبار الفوركس الخميس 24 اكتوبر 2013


يبدو انة يوم قوى جدا ، لدينا اكثر من خبر باللون الاحمر ، وكلها اخبار قوية ، سأحاول ان اتابع معكم تاثير كل خبر

مشكورين على مواضيعكم المهمة و القيمة

مشكور يا غالى على موضوعك الرائع

مشكور يا غالى على الموضوع الرائع