السلام عليكم ورحمه الله وبركاته
الى كل اخواتى واعزائى اعضاء وزوار منتدى نجوم مصريه والى كل اللاتى يعانن من شعرهن فالنهارده جايبه لكم خلطة من اقوى الاعشاب فى الاطاله واقوى زيوت الشعر فى التنعيم والاطاله فى اقصر مده وكلها طبيعيه واليكم هذه الخلطه سهله وبسيطه وغير مكلفه يارب تنال اعجابكم
اولا : المكونات:
4 ملاعق كبيره عشبه المشاط ( وطبعا كلنا عارفين فوايد عشبه المشاط للشعر )
2 ملعقه كبيره من كلا من الزيوت (واللى هيا اقوى زيوت لاطاله وتنعيم الشعر)
زيت الحيه (له اقوى فعاليه فى اطاله الشعر وتنعيمه وازاله التقصف والهيش)
زيت الحشيش( له فعاليه كبيرة فى الاطاله والفرد والتنعيم وازاله القشره)
زيت الخروع (معروفه فوايده فى تكثيف وانبات الشعر وتتقيله)
زيت الخردل (يعمل على جذب الدم الحامل للغذاء الى فروه الراس الداخليه)
زيت جنين القمح (ده مش محتاج كلام فى ازاله التقصف والهيش وفى التنعيم)
1علبه زبادى كبيره(لتطريه الشعر وازاله التقصف وانعاش فروه الراس)
كوبايه ونص او كوبايتين مغلى البصل والتوم (بصله مقطعه اربعه وفصين توم مقطعين نصفين مغليين فى ماء) طبعا ملهوش ريحه خالص لما بيتحطوا مع الخلطه وبمجرد غسيل الشعر مفيش اى اثر لاى رائحه
الطريقه بالتفصيل
1- نجيب طبق غويط يكون صينى او زجاج ونضع فيه المشاط ثم نضع الزيوت المذكوره اعلاه ونقلب جيدا الى ان يتشرب المشاط لكل الزيوت و نحط علبه الزبادى ونستمر فى التقليب لحد ما تبقى عجينه تقيله اوى ونبتدى نحط مغلى البصل والتوم بعد ما صفناه يعنى الميه اللى هايكون لونها اصفر غامق ونقلب جيدا الى ان تتكون لدينا عجينه شبه سائله وسط يعنى و نسيبها حوالى ربع ساعه تتخمر ونبتدى نحط على الشعر خصله خصله الى ان نتأكد من ان كل حته فى الشعر متغطيه كويس بالعجينه ونغطى الشعر بكيس نايلون ونلفها بايشارب ونتركها لمده 6 ساعات او من بليل للصبح ونغسلها بالشامبو وبعديه البلسم ( هاتتعبك شويه فى الغسيل لان المشاط حبيباته دقيقه) و بعدها نشفى شعرك عادى وادهنيه ولفيه.. ولما تفكيه هاتتفاجئى بالنتيجه